☛ 𝗠𝗼𝗱𝗮𝗹𝗶𝘀𝗺/𝗦𝗮𝗯𝗲𝗹𝗹𝗶𝗮𝗻𝗶𝘀𝗺
➦ 𝗔𝗗 𝟮-ാം നൂറ്റാണ്ടിന്റെ അവസാനത്തിലും 𝟯-ാം നൂറ്റാണ്ടിന്റെ തുടക്കത്തിലുമായാണ് മോഡലിസം അഥവാ, സബേല്ലിയനിസം എന്ന ഉപദേശം ഉണ്ടായത്. ➟ഒരു ദൈവം മൂന്ന് വേഷം എന്നാണ് മോഡലിസം വിശ്വസിക്കുന്നത്. ➟ഇക്കൂട്ടരുടെ ഉപദേശം മാത്രമല്ല; ഉദാഹരണങ്ങളും രസകരമാണ്: ➨വെള്ളം: ഐസ് (𝐈𝐜𝐞), ദ്രാവകം (𝐖𝐚𝐭𝐞𝐫), നീരാവി (𝐒𝐭𝐞𝐚𝐦) എന്നിങ്ങനെ മൂന്ന് അവസ്ഥകളിൽ കാണപ്പെടുന്നു. ➟ഒരു വെള്ളം മൂന്ന് അവസ്ഥ. ➨അടുത്തത്, ഒരു വ്യക്തി: വീട്ടിൽ അച്ഛനായും ഓഫീസിൽ മാനേജരായും വഴിയിൽ യാത്രക്കാരനായും കാണപ്പെടുന്നു. ➟ഒരു വ്യക്തിയുടെ മൂന്ന് വേഷങ്ങൾ. ➟ഇന്ന് കാണുന്ന ചില ഉപദേശങ്ങൾ മോഡലിസവും അതിൻ്റെ അപ്പനുമാണ്. ➟അവർക്കുള്ള മറുപടി ബൈബിൾ മുഴുവനുമുണ്ട്. ➟ഒരു സാമ്പിൾ യോഹന്നാൻ്റെ ലേഖനങ്ങളിൽനിന്ന് കാണിക്കാം: 
☛ പിതാവും പുത്രനും:
➦ ❝യേശുവിനെ ക്രിസ്തുവല്ല എന്നു നിഷേധിക്കുന്നവൻ അല്ലാതെ കള്ളൻ ആർ ആകുന്നു? പിതാവിനെയും പുത്രനെയും നിഷേധിക്കുന്നവൻ തന്നേ എതിർക്രിസ്തു ആകുന്നു. പുത്രനെ നിഷേധിക്കുന്നവന്നു പിതാവുമില്ല; പുത്രനെ സ്വീകരിക്കുന്നവനു പിതാവും ഉണ്ടു.❞ (1യോഹ, 2:22–23). ➟ഈ വേദഭാഗത്ത് മൂന്ന് കാര്യങ്ങൾ കാണാം:
❶ ❝യേശുവിനെ ക്രിസ്തുവല്ല എന്നു നിഷേധിക്കുന്നവൻ അല്ലാതെ കള്ളൻ ആർ ആകുന്നു?❞ ➟ഇവിടെ ❛ക്രിസ്തു❜ (𝐂𝐡𝐫𝐢𝐬𝐭𝐨𝐬) എന്നാൽ അഭിഷിക്തൻ അല്ലെങ്കിൽ ദൈവത്താൽ അഭിഷേകം പ്രാപിച്ച മനുഷ്യൻ എന്നാണർത്ഥം. ➟യേശു എന്ന് പേരുള്ള മനുഷ്യനെ പ്രവചനംപോലെ ദൈവം യോർദ്ദാനിൽവെച്ച് അഭിഷേകം ചെയ്തപ്പോഴാണ് അവൻ ❛അഭിഷിക്തൻ❜ (ക്രിസ്തു) ആയത്: (യെശ, 61:1; ലൂക്കൊ, 3:22; പ്രവൃ, 10:38 ⁃⁃ പ്രവൃ, 4:27). ➟യേശുവും അക്കാര്യം സംശയലേശമന്യേ പഠിപ്പിച്ചിട്ടുണ്ട്: (യെശ, 61:1-2; ലൂക്കോ, 4:16-21). ➟എന്നാൽ മോഡലിസ്റ്റുകൾ യേശു പഠിപ്പിച്ച ❛പിതാവായ ഏകസത്യദൈവത്തെ❜ (𝐏𝐚𝐭𝐞𝐫 𝐡𝐨 𝐦𝐨𝐧𝐨𝐬 𝐚𝐥𝐞𝐭𝐡𝐢𝐧𝐨𝐬 𝐓𝐡𝐞𝐨𝐬 ⁃⁃ 𝐅𝐚𝐭𝐡𝐞𝐫, 𝐭𝐡𝐞 𝐨𝐧𝐥𝐲 𝐭𝐫𝐮𝐞 𝐆𝐨𝐝) തള്ളുകയും, ➟യേശുവിൻ്റെ ക്രിസ്തുത്വം നിഷേധിക്കുകയും, ➟യേശു എന്ന് പേരുള്ള മനുഷ്യനെ വേഷംമാറിവന്ന ഏകദൈവം ആക്കുകയും ചെയ്തു: (യോഹ, 9:11). 
❷ ❝പിതാവിനെയും പുത്രനെയും നിഷേധിക്കുന്നവൻ തന്നേ എതിർക്രിസ്തു ആകുന്നു.❞ ➟ഇവിടെ, പിതാവും പുത്രനും ഒന്നാണെന്നല്ല; വ്യക്തമായി വേർതിരിച്ചാണ് അപ്പൊസ്തലൻ പറഞ്ഞിരിക്കുന്നത്. ➟ഗ്രീക്കിൽ 𝗛𝗼𝘂𝘁𝗼𝘀 𝗲𝘀𝘁𝗶𝗻 𝗵𝗼 𝗮𝗻𝘁𝗶𝗰𝗵𝗿𝗶𝘀𝘁𝗼𝘀 𝗵𝗼 𝗮𝗿𝗻𝗼𝘂𝗺𝗲𝗻𝗼𝘀 𝘁𝗼𝗻 𝗣𝗮𝘁𝗲𝗿𝗮 𝗸𝗮𝗶 𝘁𝗼𝗻 𝗛𝘂𝗶𝗼𝗻 എന്നാണ്. ➟രണ്ട് വിധത്തിൽ അത് വ്യക്തമാക്കാം: 𝟭.പിതാവിനെയും പുത്രനെയും പ്രതിഗ്രാഹിക വിഭക്തിയിലാണ് (𝐀𝐜𝐜𝐮𝐬𝐚𝐭𝐢𝐯𝐞 𝐂𝐚𝐬𝐞) പറഞ്ഞിരിക്കുന്നത്. ➟ഇവിടുത്തെ ❛𝗣𝗮𝘁𝗲𝗿𝗮, 𝗛𝘂𝗶𝗼𝗻❜ എന്നാൽ: പിതാവ്, പുത്രൻ എന്നല്ല; ❛പിതാവിനെ, പുത്രനെ❜ എന്നാണർത്ഥം. ➟❛kai❜ എന്ന സംയോജനപദം (𝐂𝐨𝐧𝐣𝐮𝐧𝐜𝐭𝐢𝐨𝐧) കൂടി ചേരുമ്പോൾ, ❛പിതാവിനെയും പുത്രനെയും❜ എന്ന അർത്ഥമാകും. ➟ഗ്രീക്കിലായാലും മലയാളത്തിലായാലും ❛പിതാവും പുത്രനും❜ എന്നുപറഞ്ഞാലും ❛പിതാവിനെയും പുത്രനെയും❜ എന്ന് പറഞ്ഞാലും വ്യക്തമായി രണ്ടുപേരെയാണ് കുറിക്കുന്നത്. ➟അതിനാൽ പിതാവും പുത്രനും വിഭിന്നരാണെന്ന് വ്യക്തമാണ്. ➟𝟮.❛പിതാവു❜ (𝐏𝐚𝐭𝐞𝐫𝐚), ❛പുത്രൻ❜ (𝐇𝐮𝐢𝐨𝐧) എന്ന രണ്ട് രണ്ട് നാമപദങ്ങൾക്ക് മുമ്പിലും ❛𝗧𝗵𝗲❜ എന്നർത്ഥമുള്ള ❛𝘁𝗼𝗻❜ എന്ന ❛നിശ്ചയോപപദം❜ (𝐝𝐞𝐟𝐢𝐧𝐢𝐭𝐞 𝐚𝐫𝐭𝐢𝐜𝐥𝐞) കൊടുത്തിട്ടുണ്ട്. ➟അതും ഇവിടെപ്പറയുന്ന പിതാവും പുത്രനും ഒന്നല്ല; രണ്ടാണെന്നതിൻ്റെ അസന്ദിഗ്ധമായ തെളിവാണ്. ➟അതായത്, പിതാവായ ഏകദൈവം വേഷംമാറി വന്നതല്ല പുത്രൻ.
❸ ❝പുത്രനെ നിഷേധിക്കുന്നവന്നു പിതാവുമില്ല; പുത്രനെ സ്വീകരിക്കുന്നവനു പിതാവും ഉണ്ടു.❞ ➟പുത്രനെ നിഷേധിക്കുന്നവർക്ക് പിതാവുമില്ല എന്ന് പറയണമെങ്കിൽ, പിതാവും പുത്രനും വിഭിന്നരാകണം എന്ന കാര്യത്തിൽ ആർക്കും സംശമൊന്നും ഉണ്ടാകില്ല. ➟അതായത്, പുത്രൻ്റെ അസ്തിത്വവും (𝐄𝐱𝐢𝐬𝐭𝐞𝐧𝐜𝐞) മനുഷ്യത്വവും (𝐇𝐮𝐦𝐚𝐧𝐢𝐭𝐲) ക്രിസ്തുത്വവും (𝐂𝐡𝐫𝐢𝐬𝐭𝐡𝐨𝐨𝐝) പുത്രത്വവും (𝐒𝐨𝐧𝐬𝐡𝐢𝐩) കർത്തൃത്വവും (𝐋𝐨𝐫𝐝𝐬𝐡𝐢𝐩) ചരിത്രപരതയും (𝐇𝐢𝐬𝐭𝐨𝐫𝐢𝐜𝐢𝐭𝐲) നിഷേധിക്കുന്നതിലൂടെ ➟മോഡലിസ്റ്റുകൾ ഏകസത്യദൈവമായ (𝐇𝐨 𝐦𝐨𝐧𝐨𝐬 𝐚𝐥𝐞𝐭𝐡𝐢𝐧𝐨𝐬 𝐓𝐡𝐞𝐨𝐬 ⁃⁃ 𝐓𝐡𝐞 𝐨𝐧𝐥𝐲 𝐭𝐫𝐮𝐞 𝐆𝐨𝐝) പിതാവിനെയാണ് തള്ളുന്നത്. ➟യോഹന്നാൻ്റെ ഭാഷയിൽ ഇവർ കള്ളനും എതിർക്രിസ്തുക്കളും ആണ്.
☛ ക്രിസ്തുവിൻ്റെ ഉപദേശം:
➦ ❝ക്രിസ്തുവിന്റെ ഉപദേശത്തിൽ നിലനിൽക്കാതെ അതിർ കടന്നുപോകുന്ന ഒരുത്തന്നും ദൈവം ഇല്ല; ഉപദേശത്തിൽ നിലനില്ക്കുന്നവന്നോ പിതാവും പുത്രനും ഉണ്ടു. ഒരുത്തൻ ഈ ഉപദേശവുംകൊണ്ടു അല്ലാതെ നിങ്ങളുടെ അടുക്കൽ വന്നുവെങ്കിൽ അവനെ വീട്ടിൽ കൈക്കൊള്ളരുതു; അവന്നു കുശലം പറകയും അരുതു.❞ (2യോഹ, 1:9-10). ➟ഈ വേദഭാഗത്തും ചില കാര്യങ്ങൾ കാണാം:
❶ ❝ക്രിസ്തുവിന്റെ ഉപദേശത്തിൽ നിലനിൽക്കാതെ അതിർ കടന്നുപോകുന്ന ഒരുത്തന്നും ദൈവം ഇല്ല.❞ ➟സത്യത്തിന് സാക്ഷിനില്ക്കാൻ ജനിച്ച, അതിനായി ലോകത്തിലേക്ക് വന്ന (യോഹ, 18:37) ക്രിസ്തുവിൻ്റെ ഉപദേശം എന്തായിരുന്നു?
☛ 𝗬𝗼𝘂 𝗯𝗲𝗹𝗶𝗲𝘃𝗲 𝗶𝗻 𝗚𝗼𝗱, 𝗯𝗲𝗹𝗶𝗲𝘃𝗲 𝗮𝗹𝘀𝗼 𝗶𝗻 𝗠𝗲:
➦ ❝ദൈവത്തിൽ വിശ്വസിപ്പിൻ, എന്നിലും വിശ്വസിപ്പിൻ❞ എന്നാണ് യേശു പഠിപ്പിച്ചത്: (യോഹ, 14:1). ➟അല്ലാതെ താൻ ദൈവമാണെന്നല്ല പഠിപ്പിച്ചത്. ➟യേശുവിൽ വിശ്വസിക്കുന്നവൻ അവൻ്റെ വചനം വിശ്വസിക്കും: ➨❝എന്റെ വചനം കൈക്കൊള്ളാതെ എന്നെ തള്ളിക്കളയുന്നവനെ ന്യായം വിധിക്കുന്നവൻ ഉണ്ടു; ഞാൻ സംസാരിച്ച വചനം തന്നേ ഒടുക്കത്തെ നാളിൽ അവനെ ന്യായം വിധിക്കും.❞ (യോഹ, 12:48). 
☛ ദൈവമായ കർത്താവ് (യഹോവ) ഒരുവനാണെന്നും (𝐓𝐡𝐞 𝐋𝐨𝐫𝐝 𝐨𝐮𝐫 𝐆𝐨𝐝 𝐢𝐬 𝐨𝐧𝐞) ➟ദൈവം ഒരുത്തൻ ❛മാത്രം❜ (𝐓𝐡𝐞 𝐨𝐧𝐥𝐲 𝐨𝐧𝐞 𝐆𝐨𝐝) ആണെന്നും യേശു 𝗠𝗼𝗻𝗼𝘀 കൊണ്ട് ഖണ്ഡിതമായി പഠിപ്പിക്കയാൽ ദൈവം ത്രിത്വമല്ലെന്നും (മർക്കൊ, 12:29 ⁃ യോഹ, 5:44), ➟പിതാവ് ❛മാത്രം❜ സത്യദൈവം (𝐅𝐚𝐭𝐡𝐞𝐫, 𝐭𝐡𝐞 𝐨𝐧𝐥𝐲 𝐭𝐫𝐮𝐞 𝐆𝐨𝐝) എന്ന് 𝗠𝗼𝗻𝗼𝘀 കൊണ്ട് ഖണ്ഡിതമായി പഠിപ്പിക്കയാൽ, താൻ സത്യദൈവം അല്ലെന്നും (യോഹ, 17:3), ➟ദൈവമായ കർത്താവിനെ ❛മാത്രം❜ (𝐨𝐧𝐥𝐲) ആരാധിക്കണം എന്ന് 𝗠𝗼𝗻𝗼𝘀 കൊണ്ട് ഖണ്ഡിതമായി പഠിപ്പിക്കയാൽ, താൻ ആരാധനയ്ക്ക് യോഗ്യനല്ലെന്നും (മത്താ, 4:10; ലൂക്കൊ, 4:8), ➟പിതാവ് ❛മാത്രം❜ (𝐨𝐧𝐥𝐲) അല്ലാതെ പുത്രനുകൂടി അറിയുന്നില്ലെന്ന് 𝗠𝗼𝗻𝗼𝘀 കൊണ്ട് ഖണ്ഡിതമായി പഠിപ്പിക്കയാൽ, താൻ സർവ്വജ്ഞാനി അല്ലെന്നും (മത്താ, 24:36), ➟പിതാവ് തൻ്റെ ദൈവമാണെന്ന് പഠിപ്പിക്കയാൽ താൻ ദൈവമേ അല്ലെന്നും (യോഹ, 20:17), ➟പിതാവ് എന്നെക്കാൾ വലിയവനാണെന്നും (യോഹ, 14:28) ➟പിതാവ് ചെയ്തുകാണുന്നതല്ലാതെ തനിക്ക് സ്വതേ ഒന്നും ചെയ്യാൻ കഴിയില്ലെന്നും (യോഹ, 5:19) ➟താൻ മനുഷ്യനാണെന്നും പഠിപ്പിച്ചിരിക്കയാൽ അവൻ ദൈവമല്ല; മനുഷ്യനാണെന്ന് അസന്ദിഗ്ധമായി മനസ്സിലാക്കാം: (യോഹ, 8:40; മത്താ, 11:19; ലൂക്കൊ, 7:34). 
☛ യേശുവിനോട് എതിർക്കാതെ, പിതാവല്ലാതെ മറ്റൊരു ദൈവം ഉണ്ടെന്ന് പറയാൻ സ്വർഗ്ഗത്തിലും ഭൂമിയിലും ആർക്കും കഴിയില്ല. ➟ക്രിസ്തുവിൻ്റെ അനുയായികൾ എന്ന് അഭിമാനിക്കുന്നവർ, ദൈവക്രോധം സമ്പാദിക്കാൻ അറിഞ്ഞോ, അറിയാതെയോ ക്രിസ്തുവിനോട് തന്നെയാണ് എതിർക്കുന്നത്: ➨❝പുത്രനിൽ വിശ്വസിക്കുന്നവന്നു നിത്യജീവൻ ഉണ്ടു; പുത്രനെ അനുസരിക്കാത്തവനോ ജീവനെ കാണുകയില്ല; ദൈവക്രോധം അവന്റെമേൽ വസിക്കുന്നതേയുള്ളൂ.❞ (യോഹ, 3:36). 
☛ പിതാവായ യഹോവയല്ലാതെ മറ്റൊരു ദൈവം സ്വർഗ്ഗത്തിലും ഭൂമിയിലും ഇല്ലെന്നാണ് പഴയപുതിയനിയമങ്ങൾ അസന്ദിഗ്ദ്ധമായി പറയുന്നത്: ➨❝മീതെ സ്വർഗ്ഗത്തിലും താഴെ ഭൂമിയിലും യഹോവ തന്നേ ദൈവം, മറ്റൊരുത്തനുമില്ല എന്നു നീ ഇന്നു അറിഞ്ഞു മനസ്സിൽ വെച്ചുകൊൾക.❞ (ആവ, 4:39 ⁃⁃ആവ, 3:24;യോശു, 2:11;1രാജാ, 8:23;2ദിന, 6:14;സങ്കീ, 73:25). ➨❝ആകാശത്തിലോ (𝐇𝐞𝐚𝐯𝐞𝐧) ഭൂമിയിലോ ദേവന്മാർ (𝐠𝐨𝐝𝐬) എന്നു പേരുള്ളവർ (വിളിക്കപ്പെടുന്നവർ) ഉണ്ടെന്നുവരികിലും പിതാവായ ഏക ദൈവമേ നമുക്കുള്ളു; അവൻ സകലത്തിന്നും കാരണഭൂതനും നാം അവന്നായി ജീവിക്കേണ്ടതും ആകുന്നു.❞ (1കൊരി, 8:5-6 ⁃⁃ റോമ, 16:26, എഫെ, 4:6; 1തിമൊ, 1:17; യൂദാ, 1:24). ➟ക്രിസ്തു തൻ്റെ ശുശ്രൂഷയിലൂടെയും മഹാപൂരോഹിത്യ പ്രാർത്ഥനയിലൂടെയും അക്കാര്യമാണ് അസന്ദിഗ്ദ്ധമായി പഠിപ്പിച്ചത്: (മത്താ, 4:10; മത്താ, 24:36; മർക്കൊ, 12:29; യോഹ, 5:44; യോഹ, 17:3;).
☛ യേശുക്രിസ്തുവിൻ്റെ ദൈവത്തെക്കുറിച്ച് 𝟭𝟭 വാക്യങ്ങളിലായി 𝟭𝟯 പ്രാവശ്യം പറഞ്ഞിട്ടുണ്ട്. ➨❝നമ്മുടെ കർത്താവായ യേശുക്രിസ്തുവിന്റെ ദൈവവും പിതാവുമായി എന്നേക്കും വാഴ്ത്തപ്പെട്ടവൻ ഞാൻ ഭോഷ്കല്ല പറയുന്നതു എന്നറിയുന്നു.❞ (2കൊരി, 11:31). ➟യേശുക്രിസ്തു ദൈവമാണെങ്കിൽ, മോഡലിസം പറയുന്നപോലെ പിതാവ് വേഷംമാറി വന്നതാണെങ്കിൽ, യേശുക്രിസ്തുവിൻ്റെ ദൈവം ആരാണ്? ➟ദൈവത്തിനും ഒരു ദൈവമുണ്ടാകുമോ? 
❷ ❝ഉപദേശത്തിൽ നിലനില്ക്കുന്നവന്നോ പിതാവും പുത്രനും ഉണ്ടു.❞ ക്രിസ്തുവിൻ്റെ ഉപദേശത്തിൻ്റെ പ്രത്യേകത എന്താണ്? ➟പിതാവായ ദൈവം കൊടുത്ത ഉപദേശമാണ് യേശു പഠിപ്പിച്ചത്: ➨❝യേശു അവരോടു ഉത്തരം പറഞ്ഞതു: എന്റെ ഉപദേശം എന്റേതല്ല, എന്നെ അയച്ചവന്റേതത്രേ.❞ (യോഹ, 7:16). ➟യേശുവിൻ്റെ ദൈവവും പിതാവുമായ യഹോവ (യോഹ, 20:17) ഇത് വ്യക്തമായി പറഞ്ഞിട്ടുള്ള കാര്യമാണ്: ➨❝നിന്നെപ്പോലെ ഒരു പ്രവാചകനെ ഞാൻ അവർക്കു അവരുടെ സഹോദരന്മാരുടെ ഇടയിൽനിന്നു എഴുന്നേല്പിച്ചു എന്റെ വചനങ്ങളെ അവന്റെ നാവിന്മേൽ ആക്കും; ഞാൻ അവനോടു കല്പിക്കുന്നതൊക്കെയും അവൻ അവരോടു പറയും. അവൻ എന്റെ നാമത്തിൽ പറയുന്ന എന്റെ വചനങ്ങൾ യാതൊരുത്തെനെങ്കിലും കേൾക്കാതിരുന്നാൽ അവനോടു ഞാൻ ചോദിക്കും.❞ (ആവ, 18:18-19 ⁃⁃ പ്രവൃ, 3:22-23). ➟ദൈവത്തോടുകേട്ട വചനങ്ങളാണ് യേശു എന്ന് പേരുള്ള മനുഷ്യൻ (യോഹ, 9:11) സംസാരിച്ചത്: ➨❝ദൈവത്തോടു കേട്ടിട്ടുള്ള സത്യം നിങ്ങളോടു സംസാരിച്ചിരിക്കുന്ന മനുഷ്യനായ എന്നെ നിങ്ങൾ കൊല്ലുവാൻ നോക്കുന്നു.❞ (യോഹ, 8:40). ➟അതുകൊണ്ടാണ്, പുത്രനെ വിശ്വസിക്കാത്തവർക്ക് ദൈവത്തിൻ്റെ ന്യായവിധി വരുന്നത്: ➨❝പുത്രനിൽ വിശ്വസിക്കുന്നവന്നു നിത്യജീവൻ ഉണ്ടു; പുത്രനെ അനുസരിക്കാത്തവനോ ജീവനെ കാണുകയില്ല; ദൈവക്രോധം അവന്റെമേൽ വസിക്കുന്നതേയുള്ളൂ.❞ (യോഹ, 3:36). 
☛ അടുത്തതായി യോഹന്നാൻ പറയുന്നത്: ❝അവന് പിതാവും പുത്രനും ഉണ്ടു.❞ ➟ക്രിസ്തുവിൻ്റെ ഉപദേശത്തിൽ നില്ക്കുന്നത് ആരാണോ, അവന് പിതാവും പുത്രനും ഉണ്ടു. (𝐇𝐞 𝐡𝐚𝐬 𝐭𝐡𝐞 𝐅𝐚𝐭𝐡𝐞𝐫 𝐚𝐧𝐝 𝐭𝐡𝐞 𝐒𝐨𝐧). ➟പിതാവ് തന്നെയാണ് പുത്രനെന്നല്ല; പിതാവും പുത്രനുമുണ്ടെന്നാണ് യോഹന്നാൻ പറയുന്നത്.
❸ ❝ഒരുത്തൻ ഈ ഉപദേശവുംകൊണ്ടു അല്ലാതെ നിങ്ങളുടെ അടുക്കൽ വന്നുവെങ്കിൽ അവനെ വീട്ടിൽ കൈക്കൊള്ളരുതു.❞ ➟പിതാവായ ഏകദൈവവും യേശുക്രിസ്തു എന്ന ഏകകർത്താവും നമുക്കുണ്ടെന്നാണ് പൗലൊസ് പറയുന്നത്: ➨❝പിതാവായ ഏക ദൈവമേ നമുക്കുള്ളു; അവൻ സകലത്തിന്നും കാരണഭൂതനും നാം അവന്നായി ജീവിക്കേണ്ടതും ആകുന്നു. യേശുക്രിസ്തു എന്ന ഏക കർത്താവും നമുക്കു ഉണ്ടു; അവൻ മുഖാന്തരം സകലവും അവൻ മുഖാന്തരം നാമും ആകുന്നു.❞ (കൊരി, 8:6). ➟നമ്മുടെ പാപങ്ങളെ തൻ്റെ ശരീരത്തിൽ ചുമന്നുകൊണ്ട് ക്രൂശിൽ മരിച്ച നസറായനായ യേശു എന്ന പുരുഷനെ (𝐌𝐚𝐧), ദൈവം മരണത്തിൽനിന്ന് ഉയിർപ്പിച്ചിട്ടാണ് നമ്മുടെ രക്ഷിതാവായ കർത്താവും ക്രിസ്തുവുമായി തൻ്റെ വലങ്കയ്യാൽ ഉയർത്തിയത്: (1പത്രൊ, 2:24; പ്രവൃ, 2:23-24; 2:36; 5:31). ➟ദൈവം കർത്താവും രക്ഷിതാവുമാക്കിയ ഈ ❝യേശുവിനെ കർത്താവു എന്നു വായികൊണ്ടു ഏറ്റുപറകയും ദൈവം അവനെ മരിച്ചവരിൽ നിന്നു ഉയിർത്തെഴുന്നേല്പിച്ചു എന്നു ഹൃദയംകൊണ്ടു വിശ്വസിക്കയും ചെയ്താൽ നീ രക്ഷിക്കപ്പെടും❞ എന്നാണ് പൗലൊസ് പറഞ്ഞത്: (റോമ, 10:9). ➟അതിനാൽ പുത്രന് അസ്തിത്വമില്ല; പിതാവിൻ്റെ വേഷമാണ് എന്നൊക്കെ പറഞ്ഞുവരുന്നവനെ വീട്ടിൽ കേറ്റരുതെന്നാണ് യോഹന്നാൻ പറയുന്നത്.
❹ ❝അവന്നു കുശലം പറകയും അരുതു.❞ ➟പിതാവും പുത്രനും ഉല്ലാത്തവരോട് കുശലം പറയുകപോലുമരുത് എന്നാണ് യോഹന്നാൻ പറയുന്നത്. 
☛ മോഡലിസവും ഇന്നത്തെ ഉപദേശങ്ങളും:
➦ മോഡലിസം അതേപടി പിൻതുടരുന്നവരാണ് വൺനെസ്സുകാർ; ➟മോഡലിസത്തെ കടത്തിവെട്ടിയ ഉപദേശമാണ് ട്രിനിറ്റി. ➟പിതാവ് വേഷംമാറി വന്നതാണ് പുത്രൻ എന്ന് വൺനെസ്സ് വിശ്വസിക്കുമ്പോൾ; ➟പിതാവ്, പുത്രൻ, പരിശുദ്ധാത്മാവ് സമനിത്യരും വ്യതിരിക്തരുമായ വ്യക്തികളും ഓരോരുത്തരും പൂർണ്ണദൈവവുമാണെന്ന് ട്രിനിറ്റി വിശ്വസിക്കുന്നു. ➟രണ്ടുകൂട്ടരും യേശുവിൻ്റെ ക്രിസ്തുത്വം (അഭിക്തപദവി) നിഷേധിക്കുകയാണ്. ➟പരിശുദ്ധാത്മാവിനാൽ മറിയത്തിൽ ഉല്പാദിതനായ യേശു എന്ന് പേരുള്ള മനുഷ്യനെ വൺനെസ്സ് ഏകദൈവമാക്കിയപ്പോൾ (മത്താ, 1:20; യോഹ, 9:11), ➟പിതാവാണ് ഏകസത്യദൈവം (𝗣𝗮𝘁𝗲𝗿 𝗵𝗼 𝗺𝗼𝗻𝗼𝘀 𝗮𝗹𝗲𝘁𝗵𝗶𝗻𝗼𝘀 𝗧𝗵𝗲𝗼𝘀 ⁃⁃ 𝗙𝗮𝘁𝗵𝗲𝗿, 𝘁𝗵𝗲 𝗼𝗻𝗹𝘆 𝘁𝗿𝘂𝗲 𝗚𝗼𝗱) എന്ന ബൈബിളിൻ്റെ ഉപദേശത്തെത്തന്നെ ട്രിനിറ്റി മറ്റിമറിച്ചുകളഞ്ഞു: (യോഹ, 17:3). ➟രണ്ടുകൂട്ടരും ഏകസത്യദൈവമായ പിതാവിനെ തള്ളിക്കളഞ്ഞവരാണ്. ➟ഒന്നുകൂടി വ്യക്തമായി പറഞ്ഞാൽ: പഴയ മോഡലിസത്തെ 𝗔𝗗 𝟭𝟵𝟭𝟯-ൽ പൊടിതട്ടി എടുത്തതാണ് വൺനെസ്സ് വിശ്വാസം. ➟മോഡലിസത്തെയും (𝐌𝐨𝐝𝐚𝐥𝐢𝐬𝐦) ആര്യനിസത്തെയും (𝐀𝐫𝐢𝐚𝐧𝐢𝐬𝐦) ഖണ്ഡിക്കാനെന്ന പേരിൽ 𝗔𝗗 𝟯𝟮𝟱-മുതൽ 𝟭𝟰𝟰𝟱-വരെയുള്ള 𝟭𝟭𝟮𝟬 വർഷം സുനഹദോസുകൾ തച്ചിനിരുന്ന് ഉണ്ടാക്കിയ ഉപദേശമാണ് ത്രിത്വം.  

☛ 𝗬𝗲𝗵 എന്ന ദൈവനാമം:
➦ ❝ഞാൻ യഹോവ അതുതന്നേ എന്റെ നാമം; ഞാൻ എന്റെ മഹത്വം മറ്റൊരുത്തന്നും എന്റെ സ്തുതി വിഗ്രഹങ്ങൾക്കും വിട്ടുകൊടുക്കയില്ല. (𝐈 𝐚𝐦 𝐘𝐞𝐡𝐨𝐯𝐚𝐡, 𝐭𝐡𝐚𝐭 𝐢𝐬 𝐦𝐲 𝐧𝐚𝐦𝐞; and my glory will I not give to another, neither my praise unto graven images).❞ (യെശ, 42:8)
☛ ❛യഹോവ❜ (𝐘𝐞𝐡𝐨𝐯𝐚𝐡) എന്ന പൂർണ്ണനാമം പുതിയനിയമത്തിൽ ഇല്ലെന്നത് ശരിയാണ്.  ➟എന്നാൽ യഹോവ എന്ന ദൈവനാമത്തിൻ്റെ ചുരുക്കെഴുത്തായ ❛യാഹ്❜ (𝐘𝐚𝐡) എന്ന നാമം നേരിട്ടല്ലെങ്കിലും പുതിയനിയമത്തിൽ നാലുപ്രാവശ്യമുണ്ട്. ➟❛സ്തുതിപ്പിൻ❜ (𝐏𝐫𝐚𝐢𝐬𝐞) എന്നർത്ഥമുള്ള ❛ഹല്ലേലു❜ (𝐇𝐚𝐥𝐥𝐞𝐥𝐮) എന്ന പദവും യഹോവയുടെ ചുരുക്കെഴുത്തായ ❛യാഹ്❜ (𝐘𝐚𝐡) എന്ന നാമവും ചേർന്നതാണ് ❛ഹല്ലേലുയ്യാ❜ (𝐇𝐚𝐥𝐥𝐞𝐥𝐮𝐲𝐚𝐡). ➟അതിൻ്റെ അർത്ഥം: ❝യാഹിനെ (യഹോവയെ) സ്തുതിപ്പിൻ❞ എന്നാണ്. 
➨ ഹല്ലേലുയ്യാ! ⁃⁃ വെളി, 19:1
➨ ഹല്ലേലുയ്യാ! ⁃⁃ വെളി, 19:3
➨ ഹല്ലേലുയ്യാ! ⁃⁃ വെളി, 19:4
➨ ഹല്ലേലുയ്യാ! ⁃⁃ വെളി, 19:6
➦ യഹോവയും യാഹും ഒന്നുതന്നെയാണ്. ❛യാഹ്❜ (𝐘𝐚𝐡) എന്ന നാമത്തിൻ്റെ പൂർണ്ണരൂപമാണ് പഴയനിയമത്തിൽ കാണുന്ന യഹോവ. ❛ഹല്ലേലുയ്യാ❜ എന്ന സ്തോത്രഗീതം സത്യവേദപുസ്തകത്തിൻ്റെ പഴയനിയമത്തിൽ 24 പ്രാവശ്യം കാണാം. ➟എന്നാൽ യഹോവ എന്ന പൂർണ്ണനാമവും ചേർത്ത് ❛യഹോവയെ (𝐘𝐞𝐡𝐨𝐯𝐚𝐡) സ്തുതിപ്പിൻ❜ എന്ന് പരിഭാഷ ചെയ്താണ് എഴുതിയിരിക്കുന്നത്: ➤❝പാപികൾ ഭൂമിയിൽനിന്നു മുടിഞ്ഞുപോകട്ടെ; ദുഷ്ടന്മാർ ഇല്ലാതെയാകട്ടെ; എൻ മനമേ, യഹോവയെ വാഴ്ത്തുക; യഹോവയെ സ്തുതിപ്പിൻ.❞ (സങ്കീ, 104:35 ⁃⁃ 105;45; 106:1; 106:48; 111:1; 112:1; 113:1; 113:9; 115:18; 116;19; 117:2; 135:1; 135:3; 135:21; 146:1; 146:10; 147:1; 14720; 148:1; 148:14; 149:1; 149:9; 150:1; 150:6)
☛ ❛യാഹ്‌വെ❜ എന്ന ദൈവനാമം 𝗣𝗢𝗖 പരിഭാഷയിൽ:
➨ യാഹ്‌വെയിരെ       ⁃⁃ ഉല്പ, 22:14
➨ യാഹ്‌വെനിസ്സി       ⁃⁃ പുറ, 17:15
➨ യാഹ്‌വെ – ഷലോം ⁃⁃ ന്യായാ, 6:24
➨ യാഹ്‌വെഷാമാ.     ⁃⁃ എസെ, 48:35
☛ ❛ഹല്ലേലുയ്യാ❜ (Halleluyah) എന്ന പദം 𝗣𝗢𝗖-യിൽ നാലുപ്രാവശ്യം കാണാം: 
➨ ഹല്ലേലുയ്യാ! ⁃⁃ വെളി, 19:1
➨ ഹല്ലേലുയ്യാ! ⁃⁃ വെളി, 19:3
➨ ഹല്ലേലുയ്യാ! ⁃⁃ വെളി, 19:4
➨ ഹല്ലേലുയ്യാ! ⁃⁃ വെളി, 19:6
☛ യാഹ്‌വെയും യാഹും ഒന്നുതന്നെയാണ്. ➟❛യാഹ്❜ (𝐘𝐚𝐡) എന്ന നാമത്തിൻ്റെ പൂർണ്ണരൂപമാണ് പി.ഒ.സിയുടെ പഴയനിയമത്തിൽ കാണുന്ന യാഹ്‌വെ: (ഉല്പ, 22:14; പുറ, 17:15; ന്യായാ, 6:24; എസെ, 48:35). ❛ഹല്ലേലുയ്യാ❜ എന്ന സ്തോത്രഗീതം പി.ഒ.സിയുടെ പഴയനിയമത്തിലും 24 പ്രാവശ്യം കാണാം. എന്നാൽ ❛കര്‍ത്താവിനെ (𝐘𝐞𝐡𝐨𝐯𝐚𝐡) സ്തുതിക്കുക!❜ എന്ന് പരിഭാഷ ചെയ്താണ് ചേർത്തിരിക്കുന്നത്: ❝പാപികള്‍ ഭൂമിയില്‍നിന്നു നിര്‍മാര്‍ജനം ചെയ്യപ്പെടട്ടെ! ദുഷ്ടന്‍മാര്‍ ഇല്ലാതാകട്ടെ! എന്റെ ആത്മാവേ, കര്‍ത്താവിനെ വാഴ്ത്തുക! കര്‍ത്താവിനെ സ്തുതിക്കുക!❞ (സങ്കീ, 104:35 ⁃⁃ 105;45; 106:1; 106:48; 111:1; 112:1; 113:1; 113:9; 115:18; 116;19; 117:2; 135:1; 135:3; 135:21; 146:1; 146:10; 147:1; 14720; 148:1; 148:14; 149:1; 149:9; 150:1; 150:6).
☛ ❛മനോവ ബൈബിൾ❜ എന്ന പേരിൽ ഒരു കത്തോലിക്കാ പരിഭാഷയുണ്ട്. അതിൽ എബ്രായ ബൈബിളിലെപ്പോലെ ❛യാഹ്‌വെ❜ എന്ന ദൈവനാമം എല്ലാ വാക്യങ്ങളിലും കാണാൻ കഴിയും. 
➦ഉദാ: ❝ദൈവമായ യാഹ്‌വെ ആകാശവും ഭൂമിയും സൃഷ്ടിച്ച നാളില്‍ ഭൂമിയില്‍ പുല്ലോ ചെടിയോ മുളച്ചിരുന്നില്ല. കാരണം, അവന്‍ ഭൂമിയില്‍ മഴ പെയ്യിച്ചിരുന്നില്ല. കൃഷി ചെയ്യാന്‍ മനുഷ്യനുണ്ടായിരുന്നുമില്ല.❞ (ഉല്പ, 2:5). 
☛ മനോവ ബൈബിളിൻ്റെ ലിങ്ക് താഴെയുണ്ട്. അതിൽ ❛പത്രാധിപക്കുറിപ്പ്❜ എന്നൊരു ഭാഗമുണ്ട്. ➟അതിൽ ❛യാഹ്‌വെ❜ എന്നത് ദൈവത്തിൻ്റെ പേരാണെന്ന് വാക്യസഹിതം എഴുതിവെച്ചിട്ടുണ്ട്. [കാണുക: മനോവ ബൈബിൾ]

☛ യേശുക്രിസ്തു എന്ന ഇട്ടിരിക്കുന്ന അടിസ്ഥാനം:
➦ ❝യേശുക്രിസ്തു എന്ന ഇട്ടിരിക്കുന്ന അടിസ്ഥാനമല്ലാതെ മറ്റൊന്നു ഇടുവാൻ ആർക്കും കഴികയില്ല.❞ (1കൊരി, 3:11). ➟സഭയുടെ അടിസ്ഥാനമായി (𝐅𝐨𝐮𝐧𝐝𝐚𝐭𝐢𝐨𝐧) ഇട്ടിരിക്കുന്ന മൂലക്കല്ലാണ് (𝐂𝐨𝐫𝐧𝐞𝐫𝐬𝐭𝐨𝐧𝐞) യേശുക്രിസ്തു: ➟❝ക്രിസ്തുയേശു തന്നേ മൂലക്കല്ലായിരിക്കെ നിങ്ങളെ അപ്പൊസ്തലന്മാരും പ്രവാചകന്മാരും എന്ന അടിസ്ഥാനത്തിന്മേൽ പണിതിരിക്കുന്നു.❞ (എഫെ, 2:20). ➟ഈ വാക്യത്തിൽ അപ്പൊസ്തലന്മാരുരും പ്രവാചകന്മാരുമാണ് അടിസ്ഥാനമെന്ന് തോന്നാനിടയുണ്ട്. ➟എന്നാൽ മൂലഭാഷയുടെ ആശയം അങ്ങനെയല്ല. ➟പുരാതന നിർമ്മാണരീതിയിൽ ❛മൂലക്കല്ലു❜ (𝐂𝐨𝐫𝐧𝐞𝐫𝐬𝐭𝐨𝐧𝐞) എന്നത് ഒരു കെട്ടിടത്തിന്റെ ഏറ്റവും പ്രധാനപ്പെട്ട ഭാഗമായിരുന്നു. ➟ഇന്നത്തെപ്പോലെ വെറുതെ തറക്കല്ലിടുന്ന ചടങ്ങല്ല. ➟അടിസ്ഥാനത്തിന്റെ രണ്ട് ചുവരുകൾ ചേരുന്ന മൂലയിലാണ് ഈ വലിയ കല്ല് സ്ഥാപിക്കുന്നത്. ➟കെട്ടിടത്തിന്റെ മറ്റ് ചുവരുകൾ എത്രത്തോളം നേരെയായിരിക്കണം, ഏത് ദിശയിലായിരിക്കണം എന്ന് നിശ്ചയിക്കുന്നത് ഈ മൂലക്കല്ലാണ്. ➟കെട്ടിടത്തിന്റെ മുഴുവൻ ഭാരത്തെയും പരസ്പരം ബന്ധിപ്പിച്ചു നിർത്തുന്നത് ഈ കല്ലാണ്. ➟ഇത് ഇളക്കിമാറ്റിയാൽ കെട്ടിടം തകർന്നുപോകും. ➟അതിനാൽ, മുലക്കല്ലായ യേശുക്രിസ്തുവിനെ അല്ലെങ്കിൽ അവൻ്റെ ഉപദേശത്തെ അടിസ്ഥാനമാക്കി അപ്പൊസ്തലന്മാരിലൂടെയും പ്രവാചകന്മാരിലൂടെയും പണിതിരിക്കുന്നു എന്ന ആശയമാണ് പ്രസ്തുത വാക്യത്തിനുള്ളത്. ➟അടുത്ത രണ്ട് വാക്യങ്ങൾ ഈ വസ്തുതയെ സ്ഥിരീകരിക്കുകയാണ്: ➟❝അവനിൽ (𝐈𝐧 𝐇𝐢𝐦) കെട്ടിടം മുഴുവനും യുക്തമായി ചേർന്നു കർത്താവിൽ വിശുദ്ധമന്ദിരമായി വളരുന്നു❞ എന്നും ➟❝അവനിൽ (𝐈𝐧 𝐇𝐢𝐦) നിങ്ങളെയും ദൈവത്തിന്റെ നിവാസമാകേണ്ടതിന്നു ആത്മാവിനാൽ ഒന്നിച്ചു പണിതുവരുന്നു❞ എന്നും ഏകവചനത്തിൽ (𝐒𝐢𝐧𝐠𝐮𝐥𝐚𝐫) പറഞ്ഞിരിക്കുന്നത് നോക്കുക: (എഫെ, 2:21 ⁃⁃ എഫെ, 2:22). ➟അപ്പൊസ്തലന്മാർ യേശുവിനൊപ്പം അടിസ്ഥാനം ആയിരുന്നെങ്കിൽ, ❛അവനിൽ❜ (𝐈𝐧 𝐇𝐢𝐦) എന്ന് ഏകവചനം പറയാതെ, ❛അവരിൽ❜ (𝐈𝐧 𝐭𝐡𝐞𝐦) എന്ന് ബഹുവചനം (𝐏𝐥𝐮𝐫𝐚𝐥) പറയുമായിരുന്നു. 
☛ സ്വർഗ്ഗീയ ശില്പിയായ ദൈവമാണ് അടിസ്ഥാനമായി മൂലക്കല്ല് ഇട്ടിരിക്കുന്നത്. ➟യെശയ്യാവ് ഇക്കാര്യം വ്യക്തമായി പ്രവചിച്ചിരുന്നു: ➟❝അതുകൊണ്ടു യഹോവയായ കർത്താവു ഇപ്രകാരം അരുളിച്ചെയ്യുന്നു: ഇതാ, ഞാൻ സീയോനിൽ ഉറപ്പുള്ള അടിസ്ഥാനമായിട്ടു ശോധനചെയ്ത കല്ലും വിലയേറിയ മൂലക്കല്ലും ആയി ഒരു അടിസ്ഥാനക്കല്ലു ഇട്ടിരിക്കുന്നു; വിശ്വസിക്കുന്നവൻ ഓടിപ്പോകയില്ല.❞ (യെശ, 28:16). ➟യേശുവും അപ്പൊസ്തലന്മാരും ഉപയോഗിച്ചിരുന്ന 𝗟𝗫𝗫-ൻ്റെ വിവർത്തനവും കാണുക: ➟❝അതുകൊണ്ട് കർത്താവായ യഹോവ ഇപ്രകാരം അരുളിച്ചെയ്യുന്നു: ഇതാ, ഞാൻ സീയോന്റെ അടിസ്ഥാനങ്ങൾക്കായി വിലയുള്ളതും, ശ്രേഷ്ഠമായതും, മാന്യമായതുമായ ഒരു പ്രധാന മൂലക്കല്ല് അതിന്റെ അടിസ്ഥാനങ്ങളായി ഇട്ടിരിക്കുന്നു; അവനിൽ വിശ്വസിക്കുന്നവൻ ഒരുനാളും ലജ്ജിച്ചുപോകുകയില്ല.❞ (കാണുക: 𝐒𝐞𝐩𝐭𝐮𝐚𝐠𝐢𝐧𝐭). ➟സീയോനിൽ ഉറപ്പുള്ള അടിസ്ഥാനമായിട്ട് ഇട്ടിരിക്കുന്ന കല്ലാണ് വിലയേറിയതും ശ്രേഷ്ഠവും മാന്യവുമായ യേശുക്രിസ്തു എന്ന അടിസ്ഥാനമായ മൂലക്കല്ല്: ➟❝ഞാൻ ശ്രേഷ്ഠവും മാന്യവുമായോരു മൂലക്കല്ലു സീയോനിൽ ഇടുന്നു; അവനിൽ വിശ്വസിക്കുന്നവൻ ലജ്ജിച്ചുപോകയില്ല” എന്നു തിരുവെഴുത്തിൽ കാണുന്നുവല്ലോ.❞ (1പത്രൊ, 2:6). ➟𝗟𝗫𝗫-ൽനിന്നാണ് പത്രൊസ് വാക്യം എടുത്തിരിക്കുന്നത്.
☛ വീടുപണിയുന്നവൻ (യെഹൂദന്മാർ) തള്ളിക്കളഞ്ഞ കല്ലാണ് യേശുക്രിസ്തു: ➟❝വീടുപണിയുന്നവരായ നിങ്ങൾ തള്ളിക്കളഞ്ഞിട്ടു കോണിന്റെ മൂലക്കല്ലായിത്തീർന്ന കല്ലു ഇവൻ തന്നേ.❞ (പ്രവൃ, 4:11 ⁃⁃ മത്താ, 21:42). ➟യേശുക്രിസ്തു എന്ന ദൈവം ഇട്ടിരിക്കുന്ന അടിസ്ഥാനം സ്ഥിരമാണ്: ➟❝എങ്കിലും ദൈവത്തിന്റെ സ്ഥിരമായ അടിസ്ഥാനം നിലനില്ക്കുന്നു; കർത്താവു തനിക്കുള്ളവരെ അറിയുന്നു എന്നും കർത്താവിന്റെ നാമം ഉച്ചരിക്കുന്നവൻ എല്ലാം അനീതി വിട്ടകന്നുകൊള്ളട്ടെ എന്നും ആകുന്നു അതിന്റെ മുദ്ര.❞ (2തിമൊ, 2:19). ➟പുരാതന കാലത്ത് ഒരു കെട്ടിടം പണിയുമ്പോൾ, ആ കെട്ടിടം ആരുടേതാണെന്ന് കാണിക്കാനും അതിന്റെ ആധികാരികത ഉറപ്പാക്കാനും അതിന്റെ അടിസ്ഥാനക്കല്ലിലോ ചുവരിലോ ഒരു ❛മുദ്ര❜ (𝐒𝐞𝐚𝐥/𝐈𝐧𝐬𝐜𝐫𝐢𝐩𝐭𝐢𝐨𝐧) പതിക്കാറുണ്ടായിരുന്നു. ➟❛അനീതി വിട്ടകന്നുകൊള്ളണം❜ എന്നതാണ് ദൈവത്തിന്റെ സ്ഥിരമായ അടിസ്ഥാനത്തിൽ നിലനില്ക്കുന്നവരുടെ മുദ്ര. ➟❝ഞാൻ വിശുദ്ധൻ ആകയാൽ നിങ്ങളും വിശുദ്ധരായിരിപ്പിൻ.❞ (1പത്രൊ, 1:16).

☛ “കേട്ടോ ഒരുത്തൻ വിളിച്ചുപറയുന്നതു: മരുഭൂമിയിൽ യഹോവെക്കു വഴി ഒരുക്കുവിൻ; നിർജ്ജനപ്രദേശത്തു നമ്മുടെ ദൈവത്തിന്നു ഒരു പെരുവഴി നിരപ്പാക്കുവിൻ. എല്ലാ താഴ്വരയും നികന്നും എല്ലാമലയും കുന്നും താണും വരേണം; വളഞ്ഞതു ചൊവ്വായും ദുർഘടങ്ങൾ സമമായും തീരേണം. യഹോവയുടെ മഹത്വം വെളിപ്പെടും, സകലജഡവും ഒരുപോലെ അതിനെ കാണും; യഹോവയുടെ വായല്ലോ അരുളിച്ചെയ്തിരിക്കുന്നതു.” (യെശ, 40:3-5). ➟“എനിക്കു മുമ്പായി വഴി നിരത്തേണ്ടതിന്നു ഞാൻ എന്റെ ദൂതനെ അയക്കുന്നു. നിങ്ങൾ അന്വേഷിക്കുന്ന കർത്താവും നിങ്ങൾ ഇഷ്ടപ്പെടുന്ന നിയമദൂതനുമായവൻ പെട്ടെന്നു തന്റെ മന്ദിരത്തിലേക്കു വരും; ഇതാ, അവൻ വരുന്നു എന്നു സൈന്യങ്ങളുടെ യഹോവ അരുളിച്ചെയ്യുന്നു.” (മലാ, 3:1). വഴി ഒരുക്കേണ്ടവനെക്കുറിച്ച് പുതിയനിയമത്തിൽ രണ്ടുപേരുടെ പ്രവചനവും അഞ്ചുപേരുടെ സാക്ഷ്യവും കാണാം. വഴി ഒരുക്കപ്പെട്ടത് ആർക്കാണെന്നും നമുക്ക് നോക്കാം:

𝟭. യഹോവയുടെ ദൂതൻ:
➟ “അവൻ യിസ്രായേൽമക്കളിൽ പലരെയും അവരുടെ ദൈവമായ കർത്താവിങ്കലേക്കു തിരിച്ചുവരുത്തും. അവൻ അപ്പന്മാരുടെ ഹൃദയങ്ങളെ മക്കളിലേക്കും വഴങ്ങാത്തവരെ നീതിമാന്മാരുടെ ബോധത്തിലേക്കും തിരിച്ചുംകൊണ്ടു ഒരുക്കമുള്ളോരു ജനത്തെ കർത്താവിന്നുവേണ്ടി ഒരുക്കുവാൻ അവന്നു മുമ്പായി ഏലീയാവിന്റെ ആത്മാവോടും ശക്തിയോടും കൂടെ നടക്കും.” (ലൂക്കൊ, 1:16-17). ➟ഇത്, സെഖര്യാപുരോഹിതനോട് അവൻ്റെ മകനായ യോഹന്നാനെക്കുറിച്ചുള്ള ദൂതൻ്റെ പ്രവചനമാണ്: (ലൂക്കൊ, 1:13-15). ➟ആദ്യഭാഗം ശ്രദ്ധിക്കുക: “അവൻ (യോഹന്നാൻ) യിസ്രായേൽമക്കളിൽ പലരെയും അവരുടെ ദൈവമായ കർത്താവിങ്കലേക്കു തിരിച്ചുവരുത്തും.” ഇവിടുത്തെ കർത്താവ് യഹോവയാണ്. ➟അടുത്തഭാഗം: “അവൻ ….. ഒരുക്കമുള്ളോരു ജനത്തെ കർത്താവിന്നു(യഹോവ)വേണ്ടി ഒരുക്കുവാൻ അവന്നു (യഹോവയുടെ) മുമ്പായി ഏലീയാവിന്റെ ആത്മാവോടും ശക്തിയോടും കൂടെ നടക്കും.” യെശയ്യാപ്രവചത്തിലുള്ളത്: “യഹോവെക്കു വഴി ഒരുക്കുവിൻ” എന്നാണ്. അതേ കാര്യമാണ് ദൂതനും പറയുന്നത്: “യോഹന്നാൻ യഹോവയുടെ മുമ്പായി നടക്കും.” വഴിയൊരുക്കുന്നവനാണ് മുമ്പെ നടക്കുന്നത്: (മത്താ, 3:11; മർക്കൊ, 1:7; യോഹ, 1:15; 1:30). യെശയ്യാവും മലാഖിയും പ്രവചിച്ച അതേകാര്യം തന്നെയാണ് യഹോവയുടെ ദൂതനും പ്രവചിക്കുന്നത്. ഇതും കാണുക: (മലാ, 4:5). വരുവാനുള്ള ഏലീയാവ് യോഹന്നാനാണെന്ന് യേശുവും പറഞ്ഞിട്ടുണ്ട്: (മത്താ, 17:12-13; മർക്കൊ, 9:13)

𝟮. സെഖര്യാപുരോഹിതൻ: 
➟ “നീയോ പൈതലേ, അത്യുന്നതന്റെ പ്രവാചകൻ എന്നു വിളിക്കപ്പെടും. കർത്താവിന്റെ വഴി ഒരുക്കുവാനും നമ്മുടെ ദൈവത്തിന്റെ ആർദ്രകരുണയാൽ അവന്റെ ജനത്തിന്നു പാപമോചനത്തിൽ രക്ഷാപരിജ്ഞാനം കൊടുപ്പാനുമായി നീ അവന്നു മുമ്പായി നടക്കും.” (ലൂക്കോ, 1:76-77). സെഖര്യാപുരോഹിതൻ പരിശുദ്ധാത്മാവ് നിറഞ്ഞവനായി പ്രവചിച്ചതാണിത്. ഈ വേദഭാഗത്തെ “അത്യുന്നതനും കർത്താവും” യഹോവയാണ്. ➟വാക്യം ശ്രദ്ധിക്കുക: “കർത്താവിന്റെ (യഹോവ) വഴി ഒരുക്കുവാനും നമ്മുടെ ദൈവത്തിന്റെ ആർദ്രകരുണയാൽ അവന്റെ (യഹോവയുടെ) ജനത്തിന്നു പാപമോചനത്തിൽ രക്ഷാപരിജ്ഞാനം കൊടുപ്പാനുമായി നീ അവന്നു (യഹോവയുടെ) മുമ്പായി നടക്കും.” സെഖര്യാവ് പ്രവചിച്ചത് തൻ്റെ മകനായ യോഹന്നാൻ യഹോവയ്ക്ക് വഴി ഒരുക്കുന്നതിനെക്കുറിച്ചാണ്. അതായത്, യഹോവയുടെ പ്രവാചകന്മാരായ യെശയ്യാവും മാലാഖിയും പ്രവചിച്ചതും യഹോവയുടെ ദൂതൻ പ്രവചിച്ചതും യഹോവയുടെ പുരോഹിതനായ സെഖര്യാവ് പ്രവചിച്ചതും യഹോവയുടെ മുമ്പേനടന്ന് യഹോവയ്ക്ക് വഴി ഒരുക്കുന്ന യോഹന്നാൻ സ്നാപകനെക്കുറിച്ചാണ്. ഇത് ഭാഷണവും വാക്കുകളുമില്ലാതെ ആർക്കും മനസ്സിലാകുന്ന കാര്യമാണ്. തന്നെയുമല്ല, മേല്പറഞ്ഞതെല്ലാം യേശു ജനിക്കുന്നതിന് മുമ്പേയുള്ള പ്രവചനങ്ങളാണ്. ഇനിയതിൻ്റെ ചരിത്രപരമായ നിവർത്തി നോക്കാം:

𝟯. സുവിശേഷകൻ മത്തായി:
➟ ആ കാലത്തു യോഹന്നാൻസ്നാപകൻ വന്നു, യെഹൂദ്യമരുഭൂമിയിൽ സ്വർഗ്ഗരാജ്യം സമീപിച്ചിരിക്കയാൽ മാനസാന്തരപ്പെടുവിൻ എന്നു പറഞ്ഞു. മരുഭൂമിയിൽ വിളിച്ചുപറയുന്നവന്റെ വാക്കാവിതു: “കർത്താവിന്റെ വഴി ഒരുക്കി അവന്റെ പാത നിരപ്പാക്കുവിൻ” എന്നിങ്ങനെ യെശയ്യാ പ്രവാചകൻ പറഞ്ഞവൻ ഇവൻ തന്നേ.” (മത്താ, 3:1-3). ഇത് യോഹന്നാനെക്കുറിച്ചുള്ള മത്തായിയുടെ വാക്കുകളാണ്. ➟മൂന്നാം വാക്യം ശ്രദ്ധിക്കുക: “കർത്താവിന്റെ വഴി ഒരുക്കി അവന്റെ പാത നിരപ്പാക്കുവിൻ” എന്നിങ്ങനെ യെശയ്യാ പ്രവാചകൻ പറഞ്ഞവൻ ഇവൻ (യോഹന്നാൻ) തന്നേ.” അതായത്, “യഹോവയുടെ വഴി ഒരുക്കി അവന്റെ പാത നിരപ്പാക്കുവിൻ” എന്ന് യെശയ്യാവ് പ്രവചിച്ചവൻ യോഹന്നാൻ ആണെന്ന് മത്തായി അസന്ദിഗ്ദ്ധമായി സാക്ഷ്യപ്പെടുത്തുന്നു.

𝟰. സുവിശേഷകൻ മർക്കൊസ്:
➟ “ഞാൻ നിനക്കു മുമ്പായി എന്റെ ദൂതനെ അയക്കുന്നു; അവൻ നിന്റെ വഴി ഒരുക്കും. കർത്താവിന്റെ വഴി ഒരുക്കുവിൻ അവന്റെ പാത നിരപ്പാക്കുവിൻ എന്നു മരുഭൂമിയിൽ വിളിച്ചുപറയുന്നവന്റെ വാക്കു” എന്നിങ്ങനെ യെശയ്യാപ്രവാചകന്റെ പുസ്തകത്തിൽ എഴുതിയിരിക്കുന്നതുപോലെ യോഹന്നാൻ വന്നു. (മർക്കൊ, 1:2:3). ഇത് യോഹന്നാനെക്കുറിച്ചുള്ള മർക്കൊസിൻ്റെ സാക്ഷ്യമാണ്: ➟ആദ്യഭാഗം: “എനിക്കു മുമ്പായി വഴി നിരത്തേണ്ടതിന്നു ഞാൻ എന്റെ ദൂതനെ അയക്കുന്നു” എന്ന മലാഖി പ്രവചനം ആദ്യഭാഗത്തിൻ്റെ നിവൃത്തിയാണ്: (മലാ, 3:1 – മത്താ, 11:10; ലൂക്കൊ, 7:27). ➟അടുത്തഭാഗം: യെശയ്യാപ്രവചനത്തിൻ്റെ നിവൃത്തിയാണ്: (യെശ, 40:3). “യെശയ്യാപ്രവാചകന്റെ പുസ്തകത്തിൽ എഴുതിയിരിക്കുന്നതുപോലെ യോഹന്നാൻ വന്നു” എന്നാണ് മർക്കൊസ് പറയുന്നത്. അതായത്, മലാഖിയുടെയും യെശയ്യാവിൻ്റെയും പ്രവചനം ഒന്നിച്ചാണ് മർക്കൊസ് പറയുന്നതെന്ന് മനസ്സിലാക്കാം.

𝟱. സുവിശേഷകൻ ലൂക്കൊസ്:
➟ “മരുഭൂമിയിൽ വിളിച്ചുപറയുന്നവന്റെ വാക്കാവിതു: കർത്താവിന്റെ വഴി ഒരുക്കുവിൻ; അവന്റെ പാത നിരപ്പാക്കുവിൻ. എല്ലാതാഴ്വരയും നികന്നുവരും; എല്ലാമലയും കുന്നും താഴും; വളഞ്ഞതു ചൊവ്വായും ദുർഘടമായതു നിരന്ന വഴിയായും തീരും; സകലജഡവും ദൈവത്തിന്റെ രക്ഷയെ കാണും” എന്നിങ്ങനെ യെശയ്യാപ്രവാചകന്റെ പുസ്തകത്തിൽ എഴുതിയിരിക്കുന്നതു പോലെ തന്നേ. (ലൂക്കൊ, 3:4-6). യെശയ്യാപ്രവചനത്തിൻ്റെ 40:3-5 വാക്യങ്ങൾ മുഴുവനായുള്ളത് ലൂക്കൊസിൻ്റെ സുവിശേഷത്തിൽ മാത്രമാണ്. ➟ലൂക്കൊസ് 3:2-ൽ “യോഹന്നാന്നു മരുഭൂമിയിൽവെച്ചു ദൈവത്തിന്റെ അരുളപ്പാടു ഉണ്ടായതും” ലൂക്കൊസ് 3:3-ൽ “അവൻ യോർദ്ദാന്നരികെയുള്ള നാട്ടിൽ ഒക്കെയും വന്നു പാപമോചനത്തിനായുള്ള മാനസാന്തരസ്നാനം പ്രസംഗിച്ചതും” പറഞ്ഞശേഷമാണ്, യെശയ്യാവ് 40-ൻ്റെ 3-5 വാക്യങ്ങൾ ഉദ്ധരിക്കുന്നത്. എന്നിട്ട് ലൂക്കൊസ് പറയുന്നത് ശ്രദ്ധിക്കുക: “എന്നിങ്ങനെ യെശയ്യാപ്രവാചകന്റെ പുസ്തകത്തിൽ എഴുതിയിരിക്കുന്നതു പോലെ തന്നേ.” അതായത്, യെശയ്യാപ്രവചനത്തിൻ്റെ നിവൃത്തിയാണ് യോഹന്നാന്റെ ശുശ്രൂഷ എന്നാണ് ലൂക്കൊസ് വ്യക്തമാക്കുന്നത്. “സകലജഡവും ദൈവത്തിൻ്റെ രക്ഷയെ കാണും” എന്നത് ഗ്രീക്ക് സെപ്റ്റ്വജിൻ്റ് പരിഭാഷയാണ്. പുതിയനിയമത്തിൽ ഉദ്ധരണികൾ എടുത്തിരിക്കുന്നത് LXX-ൽ നിന്നാണ്.

𝟲. സുവിശേഷകൻ യോഹന്നാൻ:
➟ “അതിന്നു അവൻ: യെശയ്യാപ്രവാചകൻ പറഞ്ഞതുപോലെ: കർത്താവിന്റെ വഴി നേരെ ആക്കുവിൻ എന്നു മരുഭൂമിയിൽ വിളിച്ചുപറയുന്നവന്റെ ശബ്ദം ഞാൻ ആകുന്നു എന്നു പറഞ്ഞു.” (യോഹ, 1:23). സ്നാപകൻ്റെ വാക്കുകളാണ് യോഹന്നാൻ തൻ്റെ സുവിശേഷത്തിൽ രേഖപ്പെടുത്തിയിരിക്കുന്നത്. ➟യെശയ്യാപ്രവചനം തുടങ്ങുന്നത് ഇപ്രകാരമാണ്: “കേട്ടോ ഒരുത്തൻ വിളിച്ചുപറയുന്നതു:” യോഹന്നാൻ സ്നാപകൻ്റെ മരുഭൂമിയിൽ വിളിച്ചുപറഞ്ഞ വാക്കുകളാണ് യെശയ്യാവ് എഴുന്നൂറ് വർഷംമുമ്പ് ആത്മാവിനാൽ കേട്ടത്. യെശയ്യാപ്രവാചകൻ വിളിച്ചുപറയുന്ന ആളെക്കണ്ടില്ല; ശബ്ദം മാത്രമാണ് തൻ്റെ പ്രവചനാത്മാവിൽ കേട്ടത്. അവൻ കേട്ട ശബ്ദത്തിൻ്റെ ഉടയവനായ യോഹന്നാൻ പറയുന്നു: “മരുഭൂമിയിൽ വിളിച്ചുപറയുന്നവന്റെ ശബ്ദം ഞാൻ ആകുന്നു.” 

𝟳. ദൈവപുത്രനായ യേശുക്രിസ്തു:
➟ “ഞാൻ എന്റെ ദൂതനെ നിനക്കു മുമ്പായി അയക്കുന്നു; അവൻ നിന്റെ മുമ്പിൽ നിനക്കു വഴി ഒരുക്കും” എന്നു എഴുതപ്പെട്ടിരിക്കുന്നവൻ അവൻ തന്നേ. (മത്താ, 11:10). ഇത് യോഹന്നാനെക്കുറിച്ചുള്ള യേശുവിൻ്റെ വാക്കുകളാണ്: (ലൂക്കൊ, 7:27). ➟യെശയ്യാവ് പ്രവചിച്ച: “യഹോവെക്കു വഴി ഒരുക്കുന്നവനും” മലാഖി പ്രവചിച്ച: “യഹോവയ്ക്ക് മുമ്പായി വഴി നിരത്തേണ്ടതിന്നു യഹോവ അയച്ച ദൂതനും” യോഹന്നാനാണെന്ന് യേശു വ്യക്തമാക്കുന്നു: (യെശ, 40:3; മലാ, 3:1). വരുവാനുള്ള ഏലീയാവും യോഹന്നാനാണെന്ന് യേശു പറഞ്ഞിട്ടുണ്ട്: (മത്താ, 17:12-13; മർക്കൊ, 9:13).

☛ യേശുക്രിസ്തു ഉൾപ്പെടെ ഏഴുപേരുടെ സാക്ഷ്യപ്രകാരം: യെശയ്യാവിൻ്റെയും മലാഖിയുടെയും പ്രവചനനിവൃത്തിയായിട്ട് യഹോവയ്ക്ക് വഴിയൊരുക്കാൻ വന്നവനാണ് യോഹന്നാൻ സ്നാപകൻ. യഹോവയുടെ മുമ്പാകെയാണ് യോഹന്നാൻ വഴിനിരത്തേണ്ടതെന്ന് യെശയ്യാവും മലാഖിയും ദൈവദൂതനും സെഖര്യപ്രവാചകനും അക്ഷരപ്രതി പ്രവചിച്ചിട്ടുണ്ട്. മറ്റുള്ളവരും പ്രവചനം ഉദ്ധരിച്ചുകൊണ്ട് അത് വ്യക്തമാക്കിയിട്ടുണ്ട്. എന്നാൽ യഹോവയ്ക്ക് ഒരുക്കിയ വഴിയിൽ വന്നത് ആരാണ്? അത് മനസ്സിലാക്കാൻ സത്യദൈവത്തെക്കുറിച്ച് മനുഷ്യർ അറിയേണ്ട പരമപ്രധാനമായ ഒരു വസ്തുതയുണ്ട്: “ദൈവം (സത്യദൈവം) എന്നത് ഊരിവെക്കാവുന്നതും എടുത്ത് അണിയാവുന്നതുമായ ഒരു വേഷമായിട്ടാണ് പലരും മനസ്സിലാക്കുന്നത്. അതുകൊണ്ടാണ്, യേശു ദൈവത്തിന്റെ അവതാരമാണെന്നും, ദൈവം വേഷംമാറി വന്നതാണെന്നും, അവൻ ദൈവവും മനുഷ്യനുമെന്ന ഇരുപ്രകൃതിയുള്ളവനാണെന്നും പലരും വിചാരിക്കുന്നത്. എന്നാൽ ദൈവം (God) എന്നത് സ്രഷ്ടാവിന്റെ മാത്രം പ്രകൃതി (Nature) ആണ്: (2രാജാ, 19:15; മലാ, 2:10; യോഹ, 17:3; 1കൊരി, 8:4-6; എഫെ, 4:6). അതിനാൽ, മാറ്റമോ ഗതിഭേദത്താൽ ആഛാദനമോ ഇല്ലാത്ത (With whom is no variableness, neither shadow of turning) ദൈവത്തിന് അവതാരം എടുക്കാനോ, വേഷം മാറാനോ, ഇരുപ്രകൃതിയുള്ളവൻ ആകാനോ കഴിയില്ല. (യാക്കോ, 1:17 – മലാ, 3:6). ദൈവത്തിന് വെളിപ്പാടുകൾ അഥവാ, പ്രത്യക്ഷതകൾ (Manifestations) മാത്രമാണുള്ളത്.”

☛ ദൈവമായ യഹോവയ്ക്ക് വഴിയൊരുക്കാനും അവൻ്റെ ജനത്തെ രക്ഷിക്കാൻ യഹോവയുടെ മുമ്പെ നടക്കാനുമാണ് ദൈവം യോഹന്നാനെ അയച്ചത്;: (യോഹ, 1:6 – യെശ, 40:3; മലാ, 3:1; ലൂക്കൊ, 1:16-17; ലൂക്കൊ, 1:76-77). എന്നാൽ യോഹന്നാൻ വഴിയൊരുക്കിയത് ആർക്കാണ്? ➟അതിൻ്റെ ഉത്തരം സ്നാപകൻതന്നെ പറയും: “ഞാൻ ക്രിസ്തു അല്ല, അവന്നു മുമ്പായി അയക്കപ്പെട്ടവനത്രേ എന്നു ഞാൻ പറഞ്ഞതിന്നു നിങ്ങൾ തന്നേ എനിക്കു സാക്ഷികൾ ആകുന്നു;” (യോഹ, 3:28). യോഹന്നാൻ്റെ വാക്കുകൾ ശ്രദ്ധിക്കുക: “ഞാൻ ക്രിസ്തു അല്ല, അവന്നു മുമ്പായി അയക്കപ്പെട്ടവനത്രേ.” എബ്രായയിലെ “മശീഹ” (Messiah), ഗ്രീക്കിലെ “ക്രിസ്തു” (Christos) എന്നീ പദങ്ങൾക്ക് “അഭിഷിക്തൻ” (Anointed) അഥവാ, “ദൈവത്താൽ അഭിഷേകം പ്രാപിച്ചവൻ” എന്നാണർത്ഥം. പരിശുദ്ധാത്മാവിനാൽ പ്രകൃത്യാതീതമായി മറിയത്തിൽ ഉല്പാദിതനായ (മത്താ, 1:20; ലൂക്കൊ, 2:21), അവളുടെ ആദ്യജാതനായി ജനിച്ച (ലൂക്കൊ, 2:7) യേശു എന്ന് പേരുള്ള മനുഷ്യന് (യോഹ, 9:11), ഏകദേശം മുപ്പത് വയസ്സുള്ളപ്പോൾ (ലൂക്കൊ, 3:23), യെശയ്യാപ്രവചനത്തിൻ്റെ നിവർത്തിയായി യോർദ്ദാനിൽവെച്ച്, ദൈവം പരിശുദ്ധാത്മാവിനാലും ശക്തിയാലും അഭിഷേകം അഭിഷേകം ചെയ്തപ്പോഴാണ് അവൻ അഭിഷിക്തൻ (ക്രിസ്തു) ആയത്: (യെശ, 61:1 – ലൂക്കൊ, 3:22; പ്രവൃ, 10:38). താൻ അപ്പോഴാണ് ക്രിസ്തു ആയതെന്ന് തൻ്റെ പ്രഥമ ശുശ്രൂഷയിൽ യെശയ്യാപ്രവചനം ഉദ്ധരിച്ചുകൊണ്ട് യേശുവും വ്യക്തമാക്കിയിട്ടുണ്ട്: (യെശ, 61:1-2; ലൂക്കൊ, 4:16-21). അതായത്, യേശു അഭിഷിക്തനും (ക്രിസ്തു) യഹോവയായ ദൈവം അഭിഷേകദാതാവുമാണ്: (ലൂക്കൊ, 3:22; പ്രവൃ, 10:38). അതിനാൽ, യഹോവയായ ദൈവത്തിന് വഴിയൊരുക്കാൻ വന്ന യോഹന്നാൻ, യഹോവയ്ക്കല്ല; അവൻ്റെ ക്രിസ്തുവിനാണ് (അഭിഷിക്തൻ) വഴിയൊരുക്കിയതെന്ന് സംശയലേശമെന്യേ മനസ്സിലാക്കാം: (മത്താ, 11:10; ലൂക്കൊ. 7:27). 

☛ താൻ വഴിയൊരുക്കിയവൻ്റെ പ്രകൃതി (Nature) എന്താണെന്നും സ്നാപകൻ വ്യക്തമായി പറഞ്ഞിട്ടുണ്ട്: “എന്റെ പിന്നാലെ ഒരു പുരുഷൻ വരുന്നു; അവൻ എനിക്കു മുമ്പെ ഉണ്ടായിരുന്നതുകൊണ്ടു എനിക്കു മുമ്പനായി തീർന്നു എന്നു ഞാൻ പറഞ്ഞവൻ ഇവൻ തന്നേ.” (യോഹ, 1:30). ഈ വേദഭാഗത്ത് പറയുന്ന “പുരുഷ്യൻ” (Man) ഗ്രീക്കിൽ “അനീർ” (Aner) ആണ്. അനീർ മനുഷ്യരിലെ പുരുഷൻ ആണ്. എന്നാൽ ദൈവം പുരുഷനോ, സ്ത്രീയോ അല്ല; ദൈവത്തിന് ജെൻ്ററില്ല. ദൂതന്മാർക്കും ജെൻ്ററില്ലെന്ന് യേശുവിൻ്റെ വാക്കിനാൽ മനസ്സിലാക്കാം: (മത്താ, 22:30; മർക്കൊ, 12:25; ലൂക്കൊ, 20:35-36). ➟ഇനി ശ്രദ്ധേയമായ ഒരുകാര്യം കാണിക്കാം:  “ഞാൻ മനുഷ്യനല്ല ദൈവം അത്രേ” എന്നാണ് യഹോവായ ഏകദൈവം പറയുന്നത്: (ഹോശേ, 11:9). യഹോവ “മനുഷ്യനും മനുഷ്യപുത്രനും അല്ലെന്നു” പഴയനിയമ ഭക്തന്മാരും പറയുന്നു: (സംഖ്യാ, 23:19;1ശമൂ, 15:29;ഇയ്യോ, 9:32). ➟എന്നാൽ പിതാവ് മാത്രമാണ് സത്യദൈവം (Father, the only true God), ഞാൻ മനുഷ്യനാണെന്ന് യേശുവും (യോഹ, 17:3 – യോഹ, 8:40), യേശു മനുഷ്യനും (യോഹ, 9:11), മനുഷ്യപുത്രനും (മത്താ, 8:29), വിശേഷാൽ, പുരുഷനുമാണെന്ന് തിരുവെഴുത്തുകളും വ്യക്തമാക്കുന്നു: (പ്രവൃ, 2:23). അതായത്, “ദൈവം” (God) എന്നത് യഹോവയായ ഏകസ്രഷ്ടാവിൻ്റെ “പ്രകൃതിയും” (Nature) “മനുഷ്യൻ” (Man) എന്നത് ഏകകർത്താവായ യേശുക്രിസ്തുവിൻ്റെ “പ്രകൃതിയും” (Nature) ആണ്: (1കൊരി, 8:6;1തിമൊ, 2:5-6). തന്മൂലം, യഹോവയായ ദൈവത്തിന് വഴിയേരുക്കാൻ വന്ന യോഹന്നാൻ, ദൈവത്തിനല്ല; യേശു എന്ന് പേരുള്ള മനുഷ്യന് അല്ലെങ്കിൽ പുരുഷനാണ് വഴിയൊരുക്കിയതെന്ന് വ്യക്തമാണ്: (യോഹ, 9:11; പ്രവൃ, 2:23) 

☛ വാക്യത്തിൻ്റെ അടുത്തഭാഗം: “അവൻ എനിക്കു മുമ്പെ ഉണ്ടായിരുന്നതുകൊണ്ടു എനിക്കു മുമ്പനായി തീർന്നു.” (യോഹ, 1:15). യേശുവെന്ന മനുഷ്യൻ യോഹന്നാനെക്കാൾ ആറുമാസം ഇളപ്പമാണ്: (ലൂക്കൊ, 1:36). യോഹന്നാനെക്കാൾ ഇളയവനായ യേശുവെന്ന മനുഷ്യന് അവനെക്കാൾ മുമ്പെ ഉണ്ടായിരിക്കാൽ കഴിയില്ല. പിന്നെയാരാണ് അവനെക്കാൾ മുമ്പെ ഉണ്ടായിരുന്നത്? ➟അതിൻ്റെ ഉത്തരവും യോഹന്നാൻതന്നെ പറഞ്ഞിട്ടുണ്ട്: “ഞാനോ അവനെ അറിഞ്ഞില്ല; എങ്കിലും വെള്ളത്തിൽ സ്നാനം കഴിപ്പിപ്പാൻ എന്നെ അയച്ചവൻ എന്നോട്: ആരുടെമേൽ ആത്മാവ് ഇറങ്ങുന്നതും വസിക്കുന്നതും നീ കാണുമോ അവൻ പരിശുദ്ധാത്മാവിൽ സ്നാനം കഴിപ്പിക്കുന്നവൻ ആകുന്നു എന്നു പറഞ്ഞു.” (യോഹ, 1:33 – മത്താ, 3:11; മർക്കൊ, 1:7-8; ലൂക്കൊ, 3:16). ➟യെശയ്യാപ്രവചനത്തിൻ്റെ നിവൃത്തിയായി യേശുവെന്ന മനുഷ്യൻ യോർദ്ദാനിൽവെച്ച് ദൈവത്താൽ പരിശുദ്ധാത്മാവിനാലും ശക്തിയാലും അഭിഷേകം പ്രപിച്ചവനാണ്: “നസറായനായ യേശുവിനെ ദൈവം പരിശുദ്ധാത്മാവിനാലും ശക്തിയാലും അഭിഷേകം ചെയ്തതും ദൈവം അവനോടുകൂടെ ഇരുന്നതുകൊണ്ടു അവൻ നന്മചെയ്തും പിശാചു ബാധിച്ചവരെ ഒക്കെയും സൌഖ്യമാക്കിയുംകൊണ്ടു സഞ്ചരിച്ചതുമായ വിവരം തന്നേ നിങ്ങൾ അറിയുന്നുവല്ലോ.” (പ്രവൃ, 10:38 – യെശ, 61:1; ലൂക്കൊ, 3:23; പ്രവൃ, 4:27). ➟താൻ താൻ പരിശുദ്ധാത്മാവിനാൽ അഭിഷേകം പ്രാപിച്ച് ക്രിസ്തു ആയത് അപ്പോഴാണെന്ന് തൻ്റെ പ്രഥമശുശ്രൂഷയിൽ യെശയ്യാപ്രവചനം ഉദ്ധരിച്ചുകൊണ്ട് യേശുതന്നെ വ്യക്തമാക്കിയിട്ടുണ്ട്: (യെശ, 61:1-2; ലൂക്കൊ, 4:16-21). യഹോവയായ ദൈവം അഭിഷേകദാതവും യേശു അഭിഷിക്തനുമാണ്. പരിശുദ്ധാത്മാവിനാൽ അഭിഷേകം പ്രാപിച്ചവന് എങ്ങനെ പരിശുദ്ധാത്മാവിനാൽ സ്നാനം കഴിപ്പിക്കാൻ കഴിയും?

☛ തൻ്റെ പിന്നാലെ വരുന്ന പുരുഷൻ (Man) പരിശുദ്ധാത്മാവിൽ സ്നാനം കഴിപ്പിക്കുമെന്നല്ല അവൻ പറഞ്ഞത്. യോഹന്നാൻ്റെ വാക്കുകൾക്ക് രണ്ടർത്ഥമുണ്ട്: 
𝟭. ആരാണോ, ഒരു മനുഷ്യപ്രത്യക്ഷത എടുത്ത് തൻ്റെ പിന്നാലെ വരുന്നത്, അവൻ പരിശുദ്ധാത്മാവിൽ സ്നാനം കഴിപ്പിക്കും എന്നാണ്. അത് യഹോവയായ പിതാവാണ്. അവൻ്റെ മനുഷ്യപ്രത്യക്ഷത അഥവാ, ജഡത്തിലെ വെളിപ്പാടാണ് തൻ്റെ പിന്നാലെ വന്ന മനുഷ്യനായ യേശു: (1Tim, 3:16; Joh, 1:18; Joh, 8:40). ➟അതായത്, പിതാവായ യഹോവയുടെ ജഡത്തിലെ വെളിപ്പാടിനായി (1Tim, 3:16 – Joh, 1:18) പരിശുദ്ധാത്മാവിനാൽ പ്രകൃത്യാതീതമായി മറിയത്തിൽ ഉല്പാദിതനായ (മത്താ, 1:20; ലൂക്കൊ, 1:21), അവളുടെ ആദ്യജാതനായി ജനിച്ച (ലൂക്കൊ, 2:7), ദൂതന്മാരെക്കാൾ അല്പമൊരു താഴ്ചവന്ന (എബ്രാ, 2:9), ദേഹവും (Soma – Body) ദേഹിയും (Psyche – Soul) ആത്മാവുമുള്ള (Spirit – Pneuma) പാപരഹിതനായ മനുഷ്യനാണ് യേശു: (1പത്രൊ, 2:24; മത്താ, 26:38; ലൂക്കൊ, 23:46; 1യോഹ, 3:5; യോഹ, 8:40). അതാണ് ദൈവഭക്തിയുടെ മർമ്മവും പിതാവും ക്രിസ്തുവും എന്ന ദൈവമർമ്മവും: (1Tim, 3:16 – Col, 2:2). എന്നുവെച്ചാൽ, യഹോവയ്ക്ക് ഒരുക്കിയ വഴിയിൽ യഹോവ നേരിട്ടല്ല വന്നത്; ദൈവത്തിൻ്റെ ജഡത്തിലെ വെളിപ്പാടായ യേശു എന്ന് പേരുള്ള മനുഷ്യനാണ് വന്നത്: (യോഹ, 9:11). അതിനാൽ, ആരാണോ ഒരു മനുഷ്യപ്രത്യക്ഷത എടുത്തത്, അവനാണ് പരിശുദ്ധാത്മാവിനാൽ സ്നാനം കഴിപ്പിക്കുന്നൻ. [കാണുക: ക്രിസ്തുവിനെ അറിയുക]

𝟮. യേശുവെന്ന ക്രിസ്തുവിൻ്റെ അല്ലെങ്കിൽ, അഭിഷിക്തനായ മനുഷ്യൻ്റെ മരണപുനുരുത്ഥാനങ്ങളുടെ ഫലമാണ് പരിശുദ്ധാത്മാവ് എന്ന ദൈവത്തിൻ്റെ ദാനം: “ഉത്സവത്തിന്റെ മഹാദിനമായ ഒടുക്കത്തെ നാളിൽ യേശുനിന്നുകൊണ്ടു: “ദാഹിക്കുന്നവൻ എല്ലാം എന്റെ അടുക്കൽ വന്നു കുടിക്കട്ടെ. എന്നിൽ വിശ്വസിക്കുന്നവന്റെ ഉള്ളിൽ നിന്നു തിരുവെഴുത്തു പറയുന്നതുപോലെ ജീവജലത്തിന്റെ നദികൾ ഒഴുകും” എന്നു വിളിച്ചു പറഞ്ഞു. അവൻ ഇതു തന്നിൽ വിശ്വസിക്കുന്നവർക്കു ലഭിപ്പാനുള്ള ആത്മാവിനെക്കുറിച്ചു ആകുന്നു പറഞ്ഞതു; യേശു അന്നു തേജസ്കരിക്കപ്പെട്ടിട്ടില്ലായ്കയാൽ ആത്മാവു വന്നിട്ടില്ലായിരുന്നു.” (യോഹ, 7:37). യേശുക്രിസ്തു മുഖാന്തരമാണ് ദൈവം സഭയ്ക്ക് പരിശുദ്ധാത്മസ്നാനം നൽകുന്നത്: “അവൻ ദൈവത്തിന്റെ വല ഭാഗത്തേക്കു ആരോഹണം ചെയ്തു പരിശുദ്ധാത്മാവു എന്ന വാഗ്ദത്തം പിതാവിനോടു വാങ്ങി, നിങ്ങൾ ഈ കാണുകയും കേൾക്കുകയും ചെയ്യുന്നത് പകർന്നുതന്നു,” (പ്രവൃ, 2:33; യോഹ, 15:26). യേശുക്രിസ്തുവിലുള്ള വിശ്വാസത്താലാണ് പരിശുദ്ധാത്മസ്നാനം ലഭിക്കുന്നത്: “പത്രൊസിനോടുകൂടെ വന്ന പരിച്ഛേദനക്കാരായ വിശ്വാസികൾ പരിശുദ്ധാത്മാവു എന്ന ദാനം ജാതികളുടെ മേലും പകർന്നതു കണ്ടു വിസ്മയിച്ചു.” (പ്രവൃ, 10:46 – പ്രവൃ, 2:38; പ്രവൃ, 8:20). ➟“അപ്പോൾ ഞാൻ: യോഹന്നാൻ വെള്ളംകൊണ്ടു സ്നാനം കഴിപ്പിച്ചു; നിങ്ങൾക്കോ പരിശുദ്ധാത്മാവുകൊണ്ടു സ്നാനം ലഭിക്കും എന്നു കർത്താവു പറഞ്ഞ വാക്കു ഓർത്തു.” (പ്രവൃ, 11:16 – പ്രവൃ, 1:5). പരിശുദ്ധാത്മസ്നാനം യേശുക്രിസ്തു മുഖാന്തരം ലഭിക്കുന്നതുകൊണ്ടും, അവൻ പരിശുദ്ധാത്മാനാൽ സ്നാനം കഴിപ്പിക്കും എന്ന് ആത്മിക അർത്ഥത്തിൽ പറയാം. 

☛ ഉപസംഹാരം: 
➟ യഹോവയ്ക്ക് വഴിയൊരുക്കാൻ വന്ന യോഹന്നാൻ അവൻ്റെ മനുഷ്യപ്രത്യക്ഷതയായ യേശുവെന്ന പാപരഹിതനായ മനുഷ്യനാണ് വഴിയൊരുക്കിയത്: (1യോഹ, 3:5; യോഹ, 8:40). ഒന്നുകൂടി വ്യക്തമാക്കിയാൽ: ദൈവത്തിൻ്റെ ജഡത്തിലെ വെളിപ്പാട് (The manifestation of God in the Flesh) എന്നത് യേശു എന്ന് പേരുള്ള മനുഷ്യൻ്റെ അസ്തിത്വവും (Existence), യഹോവ എന്നത് അവൻ്റെ പൂർവ്വാസ്തിത്വവും (Pre-existencel) ആണ്. അതുകൊണ്ടാണ്, പഴയനിയമത്തിൽ യഹോവയെക്കുറിച്ചുള്ള പ്രവചനങ്ങളെല്ലാം യേശുവെന്ന മനുഷ്യനിൽ നിവർത്തിയാകുന്നത്: [കാണുക: ക്രിസ്തുവിനെ അറിയുക; ക്രിസ്ത്യാനിയാകുക, ദൈവഭക്തിയുടെ മർമ്മം]