☛ “യെഹോശൂവ ഹാ മശീഹാ” (Yehoshua ha-Mashiach) ദൈവമാണെന്നും, ആ നാമത്തിൽ സ്നാനം ഏറ്റില്ലെങ്കിൽ രക്ഷ പ്രാപിക്കില്ലെന്നും പലരും വിചാരിക്കുന്നു. ഇത് അബദ്ധത്തിൻ്റെ അങ്ങേയറ്റത്തെ ഉപദേശമാണ്. ➟ചില കാര്യങ്ങൾ അതിനോടുള്ള ബന്ധത്തിൽ പറയാം:

𝟭. “യെഹോശൂവ” (יְהוֹשֻׁעַ ⁃ Yehoshua) എന്ന നാമം (Name) പഴയനിയമത്തിൽ ഉള്ളതാണെങ്കിലും, പുതിയനിയമത്തിൽ ഇങ്ങനെയൊരു നാമമുള്ളതായി മൂലഭാഷയായ കൊയ്നേ ഗ്രീക്കിലോ, എബ്രായ പരിഭാഷയിലോ, ചരിത്രത്തിലോ കാണാൻ കഴിയില്ല.

𝟮. പുതിയനിയമത്തിൻ്റെ മൂലഭാഷയായ കൊയ്നേ ഗ്രീക്കിൽ നമ്മുടെ കർത്താവിന് പറഞ്ഞിരിക്കുന്ന നാമം: ഇ്യേസൂസ് അഥവാ, യേസൂസ് (Iesous) എന്നാണ്. Critical Text പാഠങ്ങളിൽ 917 പ്രാവശ്യവും, Textus Receptus പാഠങ്ങളിൽ 975 പ്രവശ്യവും നാമം കാണാം. Iesous എന്ന ഈ നാമമാണ് ദൈവകല്പനപ്രകാരം അവൻ്റെ അമ്മയപ്പന്മാർ എട്ടാം ദിവസം അവനിട്ടത്: (മത്താ, 1:21; ലൂക്കൊ, 1:31 ⁃ ലൂക്കൊ, 1:21). ദൈവശ്വാസീയമായ തിരുവെഴുത്തുകളിൽ (2തിമൊ, 3:16) ആയിരത്തോളം പ്രാവശ്യം അക്ഷരംപ്രതി ആലേഖനംചെയ്ത് വെച്ചിരിക്കുന്ന ഈ നാമത്തെ തള്ളി, മറ്റൊരു നാമം തൽസ്ഥാനത്ത് പ്രതിഷ്ഠിക്കാൻ എങ്ങനെ കഴിയും? എന്നിട്ട് ആ നാമത്തിൽ സ്നാനമേറ്റില്ലെങ്കിൽ രക്ഷപ്രാപിക്കില്ലെന്ന് പറയുന്നത് ഏത് ആത്മാവിലാണ്?

𝟯. പുതിയനിയമത്തിൻ്റെ മൂലഭാഷ ഗ്രീക്ക് ആകയാൽ, ഏതെങ്കിലും ഒരു എബ്രായ പരിഭാഷയിൽ “യെഹോശൂവ” (Yehoshua) എന്ന നാമം ഉണ്ടായാൽപ്പോലും അതിന് യാതൊരു ആധികാരികതയുമില്ല. എങ്കിലും പരിഭാഷയിൽപ്പോലും യെഹോശൂവ എന്ന നാമം കാണുന്നില്ല എന്നതാണ് വാസ്ഥവം.
➟ ഗ്രീക്ക് പുതിയനിയമം പൂർത്തിയായി 13 നൂറ്റാണ്ടുകൾക്ക് ശേഷം 1385-കളിലാണ് പുതിയനിയമത്തിൻ്റെ മത്തായി സുവിശേഷം ആദ്യമായി എബ്രായ ഭാഷയിലേക്ക് പരിഭാഷ ചെയ്യപ്പെട്ടത്. “ഷെം ടോബ് ബെൻ ഷാഫ്രുട്ട്” (Shem-Tob ben Isaac ibn Shaprut) എന്ന സ്പാനിഷ് ജൂത പണ്ഡിതൻ, ക്രിസ്തീയ ഉപദേശങ്ങളെ പ്രതിരോധിക്കാനും സംവാദങ്ങൾ നടത്താനുമാണ് ഇത് എബ്രായയിലേക്ക് ആദ്യമായി പരിഭാഷ ചെയ്തത്. ഇതിൽനിന്നാണ് 1987-ൽ അമേരിക്കൾ ബൈബിൾ പണ്ഡിതനും എബ്രായ-ഗ്രീക്ക് ഭാഷാ പ്രൊഫസറുമായിരുന്ന “ജോർജ്ജ് ഹവ്വാഡ്” (George Howard) “The Gospel of Matthew According to a Primitive Hebrew Text” എന്ന പേരിൽ പുനഃപ്രസിദ്ധീകരിച്ചത്. ➟ഇതിൽ ശ്രദ്ധേയമായ കാര്യം എന്താണെന്ന് ചോദിച്ചാൽ: രണ്ട് പരിഭാഷയിലും Yehoshua (יְהוֹשֻׁעַ ⁃ യെഹോശൂവ) എന്നുമല്ല; Yeshua (יֵשׁוּעַ ⁃ യേശൂവ) എന്നുമല്ല; Yeshu (ישו ⁃ യേശു) എന്നാണ് കാണുന്നത്. മറ്റ് പരിഭാഷകളിൽ (ഉദാ: Ellias Hutter 1599, Franz Delitzsch 1901) “യേശൂവ” (יֵשׁוּעַ ⁃ Yeshua) എന്ന് കാണുന്നുണ്ട്. എന്നാൽ ഒരു പരിഭാഷകളിലും Yehoshua (יְהוֹשֻׁעַ ⁃ യെഹോശൂവ) എന്ന നാമമുള്ളതായി കാണുന്നില്ല. പിന്നെങ്ങനെയാണ് “യെഹോശൂവ” ദൈവമാണെന്നും, ആ നാമത്തിൽ സ്നാനം ഏറ്റില്ലെങ്കിൽ രക്ഷപ്രാപിക്കില്ലെന്നും പറയാൻ കഴിയുന്നത്? [കാണുക: Shem-Tob, George Howard, Ellias Hutter, Franz Delitzsch]

☛ ഇനി ശ്രദ്ധേയമായ രണ്ട് കാര്യങ്ങൾ കാണിക്കാം:
𝟭. “യെഹോശൂവ ഹാ മശീഹാ” (Yehoshua ha-Mashiach) എന്നത് കർത്താവിൻ്റെ നാമമാണെന്നാണ് ഇവരുടെ അവകാശവാദം. എന്നാൽ ഇതൊരു നാമമല്ല; പ്രയോഗമാണ്. എന്തെന്നാൽ എബ്രായഭാഷയിൽ “യെഹോശൂവ” (Yehoshua) എന്നത് നാമവും (Name), “ഹാ മശീഹ” (ha-Mashiach) എന്നത് പദവിയും (Title) ആണ്. ഇതിൻ്റെ അർത്ഥം: “അഭിഷിക്തൻ” (The Anointed) എന്നാണ്. അതായത്, “യെഹോശൂവ ഹാ മശീഹാ” എന്നത് ഒരു പേരല്ല; ഒരു പ്രയോഗമാണെന്ന് മനസ്സിലാക്കാം. ഈ പ്രയോഗത്തിൻ്റെ അർത്ഥം: “അഭിഷിക്തനായ യെഹോശൂവ” (Yehoshua who is the Anointed) എന്നാണ്.

𝟮. Ha-Mashiach (അഭിഷിക്തൻ) ദൈവമല്ല; അഭിഷേകദാതാവാണ് ദൈവം: (പ്രവൃ, 10:38). ഇത് ജാതികൾക്ക് അറിയില്ലെങ്കിലും എബ്രായർക്കും എബ്രായ ഭാഷാപണ്ഡിതന്മാർക്കും നല്ലവണ്ണം അറിയാം. അതുകൊണ്ടാണ്, എബ്രായ പരിഭാഷകർ പുതിയനിയമത്തിൽ കർത്താവിന് Yeshua Mashiach എന്ന്  നാമംപോലെ എഴുതാതെ, ha എന്ന ആർട്ടിക്കിൾ ചേർത്ത് Yeshua ha Mashiach എന്ന് എഴുതുന്നത്. ഗ്രീക്കിൽ Iesous Christos (യേശു ക്രിസ്തു) എന്ന നാമംപോലെ എഴുതിയിരിക്കുന്ന സ്ഥലങ്ങളിൽപ്പോലും (ഉദാ: യോഹ, 17:3; പ്രവൃ, 2:38), എബ്രായ പരിഭാഷയിൽ, Yeshua ha Mashiach എന്നാണ് കാണുന്നത്. Christos/Mashiach (അഭിഷിക്തൻ) ദൈവം അല്ലാത്തതുകൊണ്ടാണ് എബ്രായർ ആർട്ടിക്കിൾ ചേർത്ത് പേരും പദവിയും വേർതിരിച്ച് എഴുതുന്നത്. എബ്രായയിൽ Yeshua ha Mashiach എന്ന പ്രയയോഗത്തിന്, “യെശൂവ എന്ന് പേരുള്ള അഭിഷിക്തനായ മനുഷ്യൻ” എന്നാണ് അവർ മനസ്സിലാക്കുന്നത്. 

☛ Christos (ക്രിസ്തു) എന്നത് യഥാർത്ഥത്തിൽ നമ്മുടെ കർത്താവായ Iesous (യേശു) എന്ന് പേരുള്ള മനുഷ്യൻ്റെ (യോഹ, 9:11) “പദവി” (Title) ആണെങ്കിലും, പിൽക്കാലത്ത് അത് പേരിനൊപ്പം ചേർക്കപ്പെട്ട് പേരുപോലെയായി: (യോഹ, 17:3; പ്രവൃ, 2:38). ഗ്രീക്കിൽ Iesous Christos (യേശുക്രിസ്തു) എന്ന പൂർണ്ണനാമം ഏകദേശം 150-തോളം പ്രാവശ്യമുണ്ട്. എന്നാൽ എബ്രായയിൽ അത്രയും പ്രാവശ്യവും Yeshua ha Mashiach (യേശൂവ ഹാ മശീഹാ) എന്ന പ്രയോഗമായിട്ടാണ് പരിഭാഷ ചെയ്തിരിക്കുന്നത്.

☛ എബ്രായയും ഗ്രീക്കും തമ്മിലുള്ള പ്രധാന വ്യത്യാസം എന്താണെന്ന് ചോദിച്ചാൽ: എബ്രായയിൽ ഒരിക്കലും പേരിനൊപ്പം Ha എന്ന ആർട്ടിക്കിൽ ചേർക്കില്ല. അത് വ്യാകരണ വിരുദ്ധമാണ്. എബ്രായ പരിഭാഷയിൽ Ha Yehovah (ഹാ യഹോവ) എന്നാ, Ha Moshe (ഹാ മോശെ) എന്നോ പേരിനൊപ്പം (Name) ഒരിക്കലും ആർട്ടിക്കിൾ കാണാൻ കഴിയില്ല. ഇംഗ്ലീഷിലും പേരിനൊപ്പം ആർട്ടിക്കിൽ സാധാരണമല്ല. എന്നാൽ ഗ്രീക്കിൽ പേരിനൊപ്പം ആർട്ടിക്കിൾ അവർത്തിച്ചു കാണാം: ഉദാ: Ho Iesous (ὁ Ἰησοῦς ⁃ ഹോ യേസൂസ് ) [മത്താ, 3:13; 3:15; 3:16], Ho Petros (ὁ Πέτρος ⁃ ഹോ പത്രൊസ്) (മത്താ, 14:28; 14:29; 15:15).

☛ എന്നാൽ എബ്രായയിലും ഗ്രീക്കിലും ഒരുപോലെ പദവികൾക്ക് (Titels) ആർട്ടിക്കിൾ ഉപയോഗിക്കും. ➟എബ്രായ: Ha Mashiach (הַמָּשִׁ֛יחַ ⁃ ഹാ മശീഹാ) [ലേവ്യ, 4:3; 4:5; 4:16], Ha-Kohen (הַכֹּהֵ֛ן ⁃ ഹാ കൊഹേൻ – പുരോഹിതൻ) [പുറ, 20:30; 31:10; 35:19]. ➟ഗ്രീക്ക്: Ho Christos (ὁ Χριστός ⁃ ഹോ ഖ്രിസ്തോസ് – ക്രിസ്തു) [മത്താ, 2:4; 6:16; 6:20], Ho Prophetes (ὁ προφήτης ⁃ ഹോ പ്രോഫെറ്റ്സ് – പ്രവാചകൻ) [മത്താ, 21:11; യോഹ, 1:21; 1:23].

☛ അതായത്, പുതിയ നിയമത്തിൻ്റെ എബ്രായ പരിഭാഷയിൽ Yeshua Mashiach (യേശൂവ മശീഹാ) എന്ന് പേരുപോലെ എഴുതാതെ, Yeshua ha Mashiach (യേശൂവ ഹാ മശീഹാ) എന്ന് ആർട്ടിക്കിൽ ചേർത്ത് എഴുതുന്നത്, Yeshua (യേശൂവാ) എന്ന് പേരുള്ളവൻ ദൈവം (Elohim – God) അല്ല; ദൈവത്താൽ അഭിഷിക്തനായ (ha Mashiach) മനുഷ്യൻ (Adam – Man) ആണെന്ന് അനുവാചകർക്ക് മനസ്സിലാകാൻ വേണ്ടിയാണ്.

☛ യേസൂസ് (Iesous) ആരാണ്?
➟ യേശു ദൈവത്തിൻ്റെ ജഡത്തിലെ വെളിപ്പാടിനായി (1Tim, 3:16 – Joh, 1:18) പരിശുദ്ധാത്മാവിനാൽ പ്രകൃത്യാതീതമായി മറിയത്തിൽ ഉല്പാദിതനായ (മത്താ, 1:20; ലൂക്കൊ, 1:21), അവളുടെ ആദ്യജാതനായി ജനിച്ച (ലൂക്കൊ, 2:7), ദൂതന്മാരെക്കാൾ അല്പമൊരു താഴ്ചവന്ന (എബ്രാ, 2:9), ദേഹവും (Soma – Body) ദേഹിയും (Psyche – Soul) ആത്മാവുമുള്ള (Spirit – Pneuma) പാപരഹിതനായ മനുഷ്യനാണ്: (1പത്രൊ, 2:24; മത്താ, 26:38; ലൂക്കൊ, 23:46; 1യോഹ, 3:5; യോഹ, 8:40). [കാണുക: ക്രിസ്തുവിനെ അറിയുക]

☛ യേശു എന്ന വ്യക്തി:
➟ പഴയനിയമത്തിൽ യേശുവിന്ക്കുറിച്ചുള്ള പ്രവചനങ്ങൾ അല്ലാതെ, യേശുവെന്ന വ്യക്തിയെ കാണാൻ കഴിയില്ല: യേശുവിൻ്റെ ജന്മസ്ഥലം (മീഖാ, 5:2), കന്യകാജനനം (യെശ, 7:14), അഭിഷേകം (യെശ, 61:1), പുത്രത്വം (ലൂക്കൊ, 1:32; ലൂക്കൊ, 1:35 – ലൂക്കൊ, 3:22), പ്രവാചകത്വം (ആവ, 18:15; 18:18-19), ശുശ്രൂഷ (യെശ, 42:1-3), കഷ്ടാനുഭവവും (യെശ, 52:14; യെശ, 53:2-8), മരണം (യെശ, 53:10-12), അടക്കം (യെശ, 53:9), പുനരുത്ഥാനം (സങ്കീ, 16:10), കർത്തൃത്വം (ലൂക്കൊ, 2:11 – പ്രവൃ, 2:36), പിൻവരുന്ന മഹിമ (1പത്രൊ, 1:11) മുതലായ എല്ലാം പ്രവചനങ്ങളായിരുന്നു. ആദ്യപ്രവചനം ഉല്പത്തി 3:15 ആണ്. ഒരു പ്രവചനം നിവൃത്തിയാകുമ്പോഴാണ് അത് ചരിത്രമാകുന്നത്. പ്രവചനനിവൃത്തിയായി AM 3755-ലാണ് (BC 6) യേശു എന്ന് പേരുള്ള മനുഷ്യൻ മറിയത്തിൻ്റെ ആദ്യജാതനായി ജനിക്കുന്നത്: (ലൂക്കൊ, 2:7; യോഹ, 9:11). അപ്പോൾ മുതലാണ് യേശുവെന്ന വ്യക്തിയുടെ ചരിത്രം ആരംഭിക്കുന്നത്. “യേശു/യേസൂസ്” (Iesous) എന്ന പേർപോലും അവൻ ജനിക്കുന്നതിനും ഒൻപത് മാസവും ഒൻപത് ദിവസവും മുമ്പുമാത്രം വെളിപ്പെടുത്തപ്പെട്ടതാണ്: (ലൂക്കൊ, 1:31; മത്താ, 1:21). പിന്നെങ്ങനെയാണ് യേശു ദൈവമാകുന്നത്?

☛ യേശു എന്ന ക്രിസ്തു:
➟ യേശുവിന് ഏകദേശം മുപ്പതു വയസ്സായപ്പോൾ യെശയ്യാവിൻ്റെയും ദൂതൻ്റെയും പ്രവചനങ്ങളുടെ നിവൃത്തിയായി, AM 3789-ൽ (AD 29) യോർദ്ദാനിൽ വെച്ച് ദൈവം പരിശുദ്ധാത്മാവിനാലും ശക്തിയാലും അഭിഷേകം ചെയ്തപ്പോഴാണ് അവൻ “ക്രിസ്തു” (അഭിഷിക്തൻ) ആയത്: (യെശ, 61:1; ലൂക്കൊ, 2:11; ലൂക്കൊ, 3:22; പ്രവൃ, 4:27;  പ്രവൃ, 10:38). താൻ “അഭിഷിക്തൻ” (ക്രിസ്തു) ആയത് അപ്പോഴാണെന്ന് നസറെത്തിൽ വെച്ചുള്ള തൻ്റെ പ്രഥമശുശ്രൂഷയിൽ, യെശയ്യാപ്രവചനം ഉദ്ധരിച്ചുകൊണ്ട് യേശു തന്നെ സാക്ഷ്യപ്പെടുത്തിയിട്ടുണ്ട്: (യെശ, 61:1-2; ലൂക്കൊ, 4:16-21). “നീ (ദൈവം) അഭിഷേകം ചെയ്ത യേശു എന്ന നിന്റെ പരിശുദ്ധദാസൻ” എന്നാണ് ആദിമസഭ അവനെ വിശേഷിപ്പിച്ചത്: (പ്രവൃ, 4:27 – പ്രവൃ, 3:13; പ്രവൃ, 3:26; പ്രവൃ, 4:30). അവൻ ദൈവമോ, ദൈവവും മനുഷ്യനുമെന്ന ഇരുപ്രകൃതിയുള്ളവനോ ആയിരുന്നെങ്കിൽ, അവന് അഭിഷേകത്തിൻ്റെ ആവശ്യമെന്താണ്? ദൂതന്മാർക്കു പോലും അഭിഷേകം ആവശ്യമില്ലാതിരിക്കേ, എന്തിനായിരുന്നു; ദൈവം അവനെ തൻ്റെ ആത്മാവിനാൽ ശക്തിപ്പെടുത്തിയത്? (ലൂക്കൊ, 4:14). വൺനെസ്സുകാർ കരുതുന്നതുപോലെ അവൻ ഏകദൈവമോ, ട്രിനിറ്റി  വിചാരിക്കുന്നപോലെ അവൻ ദൈവതോട് സമനായ ദൈവമോ, ദൈവവും മനുഷ്യനുമെന്ന ഇരുപ്രകൃതിയുള്ളവനോ ആയിരുന്നെങ്കിൽ, മനുഷ്യർക്കുമാത്രം ആവശ്യമുള്ള അഭിഷേകത്തിൻ്റെ ആവശ്യമെന്തായിരുന്നു? അവൻ ദൂതന്മാരെക്കാൾ അല്പമൊരു താഴ്ചവന്ന മനുഷ്യൻ ആയതുകൊണ്ടാണ് അവന് അഭിഷേകം ആവശ്യമായി വന്നത്. (എബ്രാ, 2:9; യോഹ, 8;40).

☛ യേശു എന്ന ദൈവപുത്രൻ:
➟ അഭിഷേകാനന്തരം, “അവൻ വലിയവനാകും; അത്യുന്നതന്റെ പുത്രൻ എന്നു വിളിക്കപ്പെടും” (ലൂക്കൊ, 1:32), “ഉത്ഭവിക്കുന്ന വിശുദ്ധപ്രജ ദൈവപുത്രൻ എന്നു വിളിക്കപ്പെടും” (ലൂക്കൊ, 1:35) എന്നീ ഗബ്രീയേൽ ദൂതൻ്റെ രണ്ട് പ്രവചനങ്ങളുടെ നിവൃത്തിയായി, പിതാവായ ദൈവത്താൽ “നീ എന്റെ പ്രിയപുത്രൻ” എന്നു വിളിക്കപ്പെട്ടപ്പോഴാണ്, യേശുവെന്ന അഭിഷിക്തനായ മനുഷ്യന് “ദൈവപുത്രൻ” (Son of God) എന്ന സവിശേഷ പദവി ലഭിച്ചത്: (ലൂക്കൊ, 3:22). പ്രവചനം ഭൂതവർത്തമാനകാലത്തിലെ ചരിത്രമല്ല; ഭാവിയിൽ സംഭവിപ്പാനുള്ളതാണ്. ഒരു പ്രവചനം നിവൃത്തിയാകുമ്പോഴാണ് അത് ചരിത്രം (യാഥാർത്ഥ്യം) ആകുന്നത്: (സംഖ്യാ, 24:14; ദാനീ, 2:28). ചിലർ കരുതുന്നപോലെ, അവൻ ദൈവത്തിൻ്റെ നിത്യപുത്രനായ ദൈവം ആയിരുന്നെങ്കിൽ, “അവൻ ദൈവപുത്രൻ എന്നു വിളിക്കപ്പെടും” എന്ന് ദൂതൻ രണ്ടുവട്ടം പ്രവചിച്ചത് എന്തിനായിരുന്നു? യോർദ്ദാനിലെ പ്രവചനനിവൃത്തിയുടെ ആവശ്യമെന്തായിരുന്നു? ബൈബിൾ ഒരു കോമഡി പുസ്തകമല്ല; ദൈവശ്വാസീയമാണെന്ന് ആദ്യം വിശ്വസിക്കുക: 2തിമൊ, 3:16).

☛ ഉപസംഹാരം:
➟ ഗ്രീക്കിൽ Ho Iesous ho Christos (ὁ Ἰησοῦς ὁ Χριστός) എന്ന് പറഞ്ഞാലും, എബ്രായയിൽ Yeshua ha Mashiach (ישוע המשיח) എന്ന് പറഞ്ഞാലും “അഭിഷിക്തനായ യേസൂസ്/യേശൂവ” (Iesos/Yeshua who is the Anointed) എന്നാണർത്ഥം. അതായത്, യേശു ദൈവത്താൽ അഭിഷിക്തനായ മനുഷ്യനാണ്. ➟പിതാവാണ്, ഏകദൈവം അഥവാ, ഒരേയൊരു ദൈവം (Monos Theos ⁃ The only God) , പിതാവാണ് ഏകസത്യദൈവം അഥവാ, പിതാവാണ് ഒരേയൊരു സത്യദൈവം (Pater ho monos alethinos Theos ⁃ Father, the only true God), ഞാൻ മനുഷ്യനാണ് (Anthropos ⁃ Man) എന്ന് ഖണ്ഡിതമായായണ് യേശുക്രിസ്തു പഠിപ്പിച്ചത്: (യോഹ, 5:44; യോഹ, 17:3; യോഹ, 8:40). യേശുക്രിസ്തു പഠിപ്പിച്ച ഒരേയൊരു സത്യദൈവമായ പിതാവിനെ തള്ളിക്കളഞ്ഞ് ഞാൻ മനുഷ്യനാണെന്ന് പഠിപ്പിച്ച യേശുവിനെപ്പിടിച്ച് വൺനെസ്സുകാർ ഏകദൈവം ആക്കിയപ്പോൾ, ട്രിനിറ്റി അവനെ പിതാവിനോട് സമനായ ദൈവമാക്കി ബഹുദൈവത്തിൽ വിശ്വസിക്കുന്നു. ഇതാണ് ക്രൈസ്തവരുടെ ഇന്നത്തെ അവസ്ഥ.

☛ യേശുവിന് ദൈവവും മനുഷ്യനുമെന്ന ഇരുപ്രകൃതിയുണ്ടെന്ന് ക്രൈസ്തവരിൽ ബഹൂഭൂരിപക്ഷംപേരും വിശ്വസിക്കുന്നു. എന്നാൽ അക്കാര്യം യേശുക്രിസ്തുവിനുപോലും അറിയില്ലെന്നതാണ് യഥാർത്ഥ വസ്തുത:
➟ ദൈവം വ്യക്തിയാണെന്നോ, ദൈവത്തിൽ വ്യക്തികളുണ്ടെന്നോ വചനം പഠിപ്പിക്കുന്നില്ല. എങ്കിലും ട്രിനിറ്റിയുടെ ദൈവം എല്ലാ അർത്ഥത്തിലും തുല്യരായ മൂന്ന് വ്യക്തികളാണെന്ന് അവർ അവകാശപ്പെടുന്നു. പിതാവ് പൂർണ്ണദൈവം, പുത്രൻ പുർണ്ണദൈവവും പൂർണ്ണമനുഷ്യനും, പരിശുദ്ധാത്മാവ് പൂർണ്ണദൈവം. പിതാവിനും പരിശുദ്ധാത്മാവിനും ഏകപ്രകൃതിയും പുത്രന് ഇരുപ്രകൃതിയും. ഇതിലെവിടെയാണ് തുല്യത? അടുത്തത്, പിതാവും പുത്രനും പരിശുദ്ധാത്മാവും വ്യത്യസ്ത വ്യക്തികളാണെന്നാണ് ഇവരുടെ വാദം. വ്യക്തി” (Person) എന്നാൽ “മനുഷ്യൻ, ആൾ, ഒരാൾ” എന്നൊണർത്ഥം. അതായത്, മൂന്ന് മനുഷ്യരുടെ കൂട്ടായ്മയാണ് ഇവരുടെ ദൈവം. അങ്ങനെയൊരു ദൈവം ബൈബിളിലുണ്ടോ? ഇനി വ്യക്തികളുടെ എണ്ണം എടുക്കാം: 𝟭.പിതാവ് ഒരു വ്യക്തി, 𝟮.പരിശുദ്ധാത്മാവ് ഒരു വ്യക്തി, 𝟯.പുത്രനിലെ ദേഹവും (1പത്രൊ, 2:24), ദേഹിയും (മത്താ, 26:38), ആത്മാവുമുള്ള (ലൂക്കൊ, 23:46) മനുഷ്യൻ (യോഹ, 9:11) ഒരു വ്യക്തി. 𝟰.പുത്രനിലെ പൂർണ്ണദൈവം ഒരു വ്യക്തി. ഇവർക്ക് പിതാവും പരിശുദ്ധാത്മാവും ദൈവ വ്യക്തികളായിരിക്കെ, പുത്രനിലെ പുർണ്ണദൈവവും വ്യക്തി ആയിരിക്കണം. അപ്പോൾ മൊത്തത്തിൽ എത്ര വ്യക്തിയായി? മൂന്നല്ല; നാല് വ്യക്തികളായി. അതായത്, ഇവരുടെ ദൈവം ത്രിത്വമല്ല; ചതുർത്വമാണ്. എന്നാൽ ഇവർ പറയുന്നത് യേശു എന്ന ഒരു വ്യക്തിയിൽ ഇരുപ്രകൃതി എന്നാണ്. ഇതൊക്കെ ഏത് പ്രാകൃത ഗോത്രത്തിലെ ഉപദേശങ്ങളാണ്? നമുക്ക് വിശദമായി നോക്കാം:

☛ ഒരേയൊരു സത്യദൈവം:
➟ പിതാവാണ്, “ഏകദൈവം” (Monos Theos), “പിതാവാണ് ഏകസത്യദൈവം” (Pater ho monos alethinos Theos) എന്നൊക്കെയാണ് യേശുക്രിസ്തു പഠിപ്പിച്ചത്: (യോഹ, 5:44; യോഹ, 17:3). ഗ്രീക്കിലെ Monos Theos-ൻ്റെ അർത്ഥം: ഒരു ദൈവം എന്നല്ല; ഒരേയൊരു ദൈവം (The only God) എന്നാണ്. പിതാവാണ്, “ഒരേയൊരു ദൈവം” എന്ന് യേശു പഠിപ്പിച്ചാൽ, പിന്നെ താനും മറ്റൊരുത്തനും ദൈവം അല്ലെന്നാണർത്ഥം. Pater ho monos alethinos Theos-ൻ്റെ അർത്ഥം: പിതാവ് ഒരു സത്യദൈവമാണ് എന്നല്ല; പിതാവാണ് ഒരേയോരു സത്യദൈവം (Father, the only true God) എന്നാണ്. പിതാവാണ് ഒരേയൊരു സത്യദൈവം എന്ന് ക്രിസ്തു പഠിപ്പിച്ചാൽ, താനും സ്വർഗ്ഗത്തിലും ഭൂമിയിലുമുള്ള മറ്റൊരുത്തനും സത്യദൈവം അല്ലെന്നാണർത്ഥം. അതായത്, “ദൈവം” (സത്യദൈവം) എന്ന പ്രകൃതി (Nature) പിതാവിനല്ലാതെ, മറ്റാർക്കുമില്ലെന്നാണ് യേശുക്രിസ്തു അസന്ദിഗ്ദ്ധമായി പഠിപ്പിച്ചത്. എന്തെന്നാൽ ഗ്രീക്കിലെ Monos, ഇംഗ്ലീഷിലെ Alone, Only, മലയാളത്തിലെ “ഒരേയൊരു, മാത്രം, തനിയെ” എന്നിവ മറ്റാരെയും ഉൾപ്പെടുത്താത്ത (Exclusive) പദങ്ങളാണ്. ഞാൻ “മനുഷ്യൻ” (Anthropos ⁃ Man) ആണെന്നും, പിതാവ് എൻ്റെയും നിങ്ങളുടെയും ദൈവമാണെന്നും യേശു സംശയലേശമെന്യ പഠിപ്പിച്ചിട്ടുണ്ട്: (യോഹ, 8:40; മത്താ, 11:19 ⁃ യോഹ, 20:17). അതിനാൽ യേശുക്രിസ്തു ദൈവമോ, ദൈവവും മനുഷ്യനുമെന്ന ഇരുപ്രകൃതിയുള്ളവനോ ആണെന്ന് പറയണമെങ്കിൽ, ആദ്യം അവൻ പഠിപ്പിച്ചതെല്ലാം ഭോഷ്ക്കാണെന്ന് സമ്മതിക്കണം. അതായത്, പിതാവ് മാത്രമാണ് ദൈവം എന്ന് പഠിപ്പിച്ച ക്രിസ്തുവിനോട് എതിർത്തുകൊണ്ടല്ലാതെ അല്ലെങ്കിൽ, എതിർക്രിസ്തു ആകാതെ പിതാവല്ലാതെ മറ്റൊരും ദൈവമാണെന്ന് പറയാൻ കഴിയില്ല.

☛ മരിച്ചിട്ട് ഉയിർത്തവൻ:
➟ “ക്രിസ്തു മരിച്ചിട്ടു ഉയിർത്തെഴുന്നേറ്റിരിക്കയാൽ ഇനി മരിക്കയില്ല; മരണത്തിന്നു അവന്റെമേൽ ഇനി കർത്തൃത്വമില്ല എന്നു നാം അറിയുന്നുവല്ലോ.” (റോമർ 6:9) ⁃⁃ “അവൻ സ്വർഗ്ഗത്തിലേക്കു പോയി ദൈവത്തിന്റെ വലത്തുഭാഗത്തു ഇരിക്കുന്നു. ദൂതന്മാരും അധികാരങ്ങളും ശക്തികളും അവന്നു കീഴ്പെട്ടുമിരിക്കുന്നു.” (1പത്രൊ, 3:22). ദൈവത്തിനും മനുഷ്യർക്കുമിടയിൽ മദ്ധ്യസ്ഥനായി മരിച്ചത് ദൂതന്മാരെക്കാൾ അല്പമൊരു താഴ്ചവന്ന മനുഷ്യനാണ്: (1തിമൊ, 2:5-6; എബ്രാ, 2:9). ദൈവം മരണത്തിൽ ഉയിർപ്പിച്ചതും നസറായനായ യേശു എന്ന പുരുഷനെയാണ്: (പ്രവൃ, 2:23-24; 10:40). “ക്രിസ്തു മരിച്ചിട്ടു ഉയിർത്തെഴുന്നേറ്റിരിക്കയാൽ ഇനി മരിക്കയില്ല” എന്നും വചനം പറയുന്നു: (റോമർ 6:9).

☛ ദൈവത്തിൻ്റെ വലത്തുഭാഗത്ത് ഇരിക്കുന്നു:
➟ ഉയിർത്തെഴുന്നേറ്റ് സ്വർഗ്ഗത്തിൽ തൻ്റെ പിതാവും ദൈവവും ആയവൻ്റെ അടുക്കലേക്ക് കരേറിപ്പോയ ക്രിസ്തു (യോഹ, 20:17; പ്രവൃ, 1:9), ദൈവത്തിൻ്റെ വലത്തുഭാഗത്ത് ഇരിക്കുന്നതായി പറഞ്ഞിരിക്കുന്ന അനേകം വാക്യങ്ങളുണ്ട്: “ഇങ്ങനെ കർത്താവായ യേശു അവരോടു അരുളിച്ചെയ്തശേഷം സ്വർഗ്ഗത്തിലേക്കു എടുക്കപ്പെട്ടു. ദൈവത്തിന്റെ വലത്തുഭാഗത്തു ഇരുന്നു.” (മർക്കൊസ് 16:19 ⁃ മത്താ, 26:64; പ്രവൃ, 2:33; പ്രവൃ, 7:56; റോമർ 8:34; എഫെ, 1:21; കൊലൊ, 3:1; എബ്രാ, 1:3; എബ്രാ, 8:1; എബ്രാ, 10:12; എബ്രാ, 12: 1പത്രൊ, 3:22). യേശു സ്വർഗ്ഗത്തിലേക്ക് കരേറി സിംഹാസനത്തിൽ ഇരിക്കുന്നു എന്നല്ല; ദൈവത്തിൻ്റെ വലത്തുഭാഗത്തിരിക്കുന്നു എന്നാണ് വചനം അസന്ദിഗ്ദ്ധമായി പഠിപ്പിക്കുന്നത്. അതിനാൽ യേശുക്രിസ്തു ഏകദൈവമാണെന്ന് പറയുന്ന വൺനെസ്സ് ഉപദേശം ഭോഷ്ക്കിൻ്റെ ഉപദേശമാണെന്ന് മനസ്സിലാക്കാം.

☛ മനുഷ്യപുത്രനായ യേശു:
➟ “ഞാൻ മനുഷ്യനല്ല ദൈവം അത്രേ” എന്നാണ് യഹോവായ ഏകദൈവം പറയുന്നത്: (ഹോശേ, 11:9). യഹോവ “മനുഷ്യനും മനുഷ്യപുത്രനും അല്ലെന്നു” പഴയനിയമ ഭക്തന്മാരും പറയുന്നു: (സംഖ്യാ, 23:19; 1ശമൂ, 15:29; ഇയ്യോ, 9:32). എന്നാൽ സ്തെഫാനോസ് സ്വർഗ്ഗത്തിൽ ദൈവത്തിൻ്റെ വലത്തുഭാഗത്ത് കാണുന്നത് ദൈവത്തെയോ, ദൈവവും മനുഷ്യനുമെന്ന ഇരുപ്രകൃതിയുള്ളവനെയോ അല്ല; യേശു എന്ന മനുഷ്യപുത്രനെയാണ്. “ഇതാ, സ്വർഗ്ഗം തുറന്നിരിക്കുന്നതും മനുഷ്യപുത്രൻ ദൈവത്തിന്റെ വലത്തു ഭാഗത്തു നില്ക്കുന്നതും ഞാൻ കാണുന്നു എന്നു പറഞ്ഞു.” (പ്രവൃ, 7:56). അതിനാൽ യേശു ദൈവത്തോടു സമനായ ദൈവമാണെന്നും, ദൈവവും മനുഷ്യനുമെന്ന ഇരുപ്രകൃതിയുള്ളവനാണെന്ന് പറയുന്ന ട്രിനിറ്റിയുടെ ഉപദേവും ഭോഷ്ക്കാണെന്ന് മനസ്സിലാക്കാം. ഇവരുടെ ഉപദേശംപോലെ യേശു ദൈവമോ, ദൈവവും മനുഷ്യനുമെന്ന ഇരുപ്രകൃതിയുള്ളവനോ ആയിരുന്നെങ്കിൽ, സ്വർഗ്ഗത്തിൽ അവനെ കാണുമ്പോൾ അവനെ “മനുഷ്യപുത്രൻ” (Son of Man) എന്ന് സ്തെഫാനോസ് വിശേഷിപ്പിക്കുമായിരുന്നില്ല. പരിശുദ്ധാത്മാവ് നിറഞ്ഞവനായ സ്തെഫാനോസ് ഭോഷ്ക്ക് പറയുമോ?

☛ ദൈവവും വലത്തുഭാഗത്ത് ഇരിക്കുന്നവനും:
➟ നിലവിൽ ദൈവത്തിൻ്റെ വലത്തുഭാഗത്താണ് യേശുക്രിസ്തുവിൻ്റെ സ്ഥാനം. സ്വർഗ്ഗത്തിലെ സിംഹാസനത്തിൽ ദൈവം ഇരിക്കുന്നു: (വെളി, 4:2; 1രാജാ, 22:19; യെശ, 6:1). ദൈവത്തിൻ്റെ വലത്തുഭാഗത്ത് യേശുക്രിസ്തു ഇരിക്കുന്നു: (1പത്രൊ, 3:22). ഇത് അനേകം വാക്യങ്ങളിൽ എഴുതിവെച്ചിട്ടുള്ള വസ്തുതയാണ്. തന്നെയുമല്ല; പരിശുദ്ധാത്മാവ് നിറഞ്ഞവനായ സ്തെഫാനോസ് സ്വർഗ്ഗത്തിൽ കണ്ടതുമാണ്: (പ്രവൃ, 7:56). അതായത്, ദൈവത്തിൽനിന്ന് യേശുക്രിസ്തുവിനെ വ്യക്തമായി വേർതിരിച്ചാണ് പറഞ്ഞിരിക്കുന്നത്. വൺനെസ്സ് വിശ്വാസംപോലെ യേശുക്രിസ്തു ഏകദൈവമാണെങ്കിൽ, യേശുക്രിസ്തുവിൻ്റെ ഇടത്തുഭാഗത്ത് സിഹാസനത്തിൽ ഇരിക്കുന്ന ദൈവം ആരാണ്? വൺനെസ്സ് ഏകദൈവ വിശ്വാസമോ, ബഹുദൈവവിശ്വാസമോ? ട്രിനിറ്റിയുടെ വിശ്വാസപ്രകാരം, യേശുക്രിസ്തു ദൈവവും മനുഷ്യനുമെന്ന ഇരുപ്രകൃതിയുള്ളവനാണ്. അപ്പോൾ ദൈവത്തിൻ്റെ വലത്തുഭാഗത്തിരിക്കുന്ന ദൈവവും മനുഷ്യനുമെന്ന ഇരുപ്രകൃതിയുള്ളവൻ ആരാണ്? ഒരു ദൈവം സിംഹാനനത്തിൽ ഇരിക്കുന്നു; ആ ദൈവത്തിൽനിന്ന് വിഭിന്നനായ ദൈവവും മനുഷ്യനുമെന്ന ഇരുപ്രകൃതിയുള്ള യേശുക്രിസ്തു ദൈവത്തിൻ്റെ വലത്തുഭാഗത്ത് ഇരിക്കുന്നു. ഇതൊക്കെ ഭോഷ്ക്കിൻ്റെ ഉപദേശങ്ങളല്ലാതെ മന്തെന്താണ്?

☛ ഏകദൈവവും ഏകകർത്താവും:
➟ പിതാവായ ഏകദൈവവും യേശുക്രിസ്തു എന്ന ഏകകർത്താവുമാണ് നമുക്കുള്ളത്: (1കൊരി, 8:6). നമ്മുടെ പിതാവ് ഏകസത്യദൈവവും (Father, the only true God) യേശുക്രിസ്തു മനുഷ്യനുമാണ്: (യോഹ, 17:3; യോഹ, 8:40; 1തിമൊ, 2:5-6). നമ്മുടെ പാപങ്ങൾ തൻ്റെ ശരീരത്തിൽ ചുമന്നുകൊണ്ട് ക്രൂശിൽമരിച്ച പുരുഷനായ (Man) നസറായനായ യേശുവിനെ ദൈവം മരണത്തിൽനിന്ന് ഉയിർപ്പിച്ച് തൻ്റെ വലങ്കയ്യാൽ ഉയർത്തിയപ്പോഴാണ് (1പത്രൊ, 2:24; പ്രവൃ, 2:23-24; പ്രവൃ, 5:31), ദൂതന്മാരെക്കാൾ അല്പമൊരു താഴ്ചവന്ന മനുഷ്യനായ യേശുക്രിസ്തു മഹത്വവും ബഹുമാനവും അണിഞ്ഞതും (യോഹ, 8:40; എബ്രാ, 2:9; 1പത്രൊ, 1:21), ദൂതന്മാരെക്കാൾ ശ്രേഷ്ഠനായതും (എബ്രാ, 1:4), സ്വർഗ്ഗത്തിലും ഭൂമിയിലുമുള്ള സകല അധികാരം ലഭിച്ചതും (മത്താ, 28:18). സ്വർഗ്ഗത്തെക്കാൾ ഉന്നതനായിത്തീർന്നതും. (എബ്രാ, 7:26). ➟ദൈവം തൻ്റെ വലങ്കയ്യാൽ ഉയർത്തിയപ്പോൾ മഹത്വമണിഞ്ഞ മനുഷ്യനായ യേശുക്രിസ്തുവാണ് ദൈവത്തിൻ്റെ വലത്തുഭാഗത്തിരുന്ന് നമുക്കുവേണ്ടി പക്ഷവാദം ചെയ്യുന്നത്. അല്ലാതെ, ദൈവത്തിൻ്റെ വലത്തുഭാഗത്ത് മറ്റൊരു ദൈവമല്ല ഇരിക്കുന്നത്.

☛ ത്രിത്വത്തിലെ വ്യക്തികളുടെ പ്രകൃതി:
➟ ബൈബിളിലെ ദൈവം ഒരുത്തൻ മാത്രം (Monos Theos ⁃ The only God) ആണ്: (യോഹ, 5:44; 17:3; റോമ, 16:27; 1തിമൊ, 1:17; യൂദാ, 1:25). ഈ ദൈവം വ്യക്തിയാണെന്നോ, ദൈവത്തിൽ വ്യക്തികളുണ്ടെന്നോ വചനം പറയുന്നില്ല. “വ്യക്തി” (Person) എന്നാൽ “മനുഷ്യൻ, ആൾ, ഒരാൾ” എന്നൊക്കെയാണർത്ഥം. ഒരു വ്യക്തിയിൽ ഇരുപ്രകൃതി എങ്ങനെയുണ്ടാകുമെന്ന് ആരും ചോദിക്കരുത്. യേശു എന്ന് പേരുള്ള ദേഹവും (1പത്രൊ, 2:24), ദേഹിയും (മത്താ, 26:38), ആത്മാവുമുള്ള (ലൂക്കൊ, 23:46) മനുഷ്യനിൽ (യോഹ, 9:11) ദൈവം എന്ന മറ്റൊരു പ്രകൃതികൂടി ഉണ്ടെന്നാണ് ട്രിനിറ്റിയുടെ അവകാശവാദം. പിതാവല്ല പുത്രൻ; പുത്രനല്ല പരിശുദ്ധാത്മാവ്; പരിശുദ്ധാത്മാവല്ല പിതാവ്. സമനിത്യരും വ്യത്യസ്തരുമായ മൂന്ന് വ്യക്തിയാണ് ട്രിനിറ്റിക്കുള്ളത്. അതായത്, എല്ലാ അർത്ഥത്തിലും സമന്മാരായ മൂന്നു വ്യക്തികളാണ് അവരുടെ ദൈവം എന്നാണ് അവർ അവകാശപ്പെടുന്നത്. ഇനി ട്രിനിറ്റിയിലെ വ്യക്തികളുടെ പ്രകൃതി (Nature) അവരുടെ ഭാഷയിൽ ഒന്നു പരിശോധിക്കാം: ➟പിതാവ് പൂർണ്ണദൈവം, ➟പരിശുദ്ധാത്മാവ് പൂർണ്ണദൈവം, ➟പുത്രൻ പൂർണ്ണദൈവവും പൂർണ്ണമനുഷ്യനും. ➟പിതാവിനും പരിശുദ്ധാത്മാവിനും ഏകപ്രകൃതിയും പുത്രന് ഇരുപ്രകൃതിയും. ഇതിലെവിടെയാണ് സമത്വമുള്ളത്? അപ്പോൾ, മൂന്ന് വ്യക്തികളുടെ സമത്വമെന്ന ഉപദേശം സ്വാഹ! ദുരുപദേശങ്ങൾ എല്ലായ്പ്പോഴും പരസ്പരവിരുദ്ധമായിരിക്കും. ആരും ഇതൊന്നും കാര്യമാക്കണ്ട. ശക്തിയോടെ പിന്നെയും അതിൽത്തന്നെ വിശ്വസിക്കുക. [കാണുക: യേശുവിൻ്റെ ഇരുപ്രകൃതിവാദം വാസ്തവമോ?]

☛ യേശു പ്രകൃത്യാതീതമായി കന്യകയിൽനിന്ന് ഉത്ഭവിച്ചവനാകയാൽ, അവൻ ദൈവമാണെന്ന് വിചാരിക്കുന്നവരുണ്ട്: (മത്താ, 1:20; ലൂക്കൊ, 1:35; ലൂക്കൊ, 2:21). യേശു മാത്രമല്ല; യിസ്ഹാക്കും യോഹന്നാൻ സ്നാപകനും പ്രകൃത്യാതീതമായി ജനിച്ചവരാണ്:

𝟭. യിസ്ഹാക്ക്:
➟ യിസ്ഹാക്കിൻ്റെ അമ്മ സാറാ മച്ചിയായിരുന്നു (ഉല്പ, 11:30), അവൾക്ക് സ്ത്രീകൾക്കുള്ള പതിവും (മാസമുറ) നിന്നുപോയിരുന്നു: (ഉല്പ, 18:1). തന്നെയുമല്ല, അവളും ഭർത്താവും വൃദ്ധരായിരുന്നു: (ഉല്പ, 18:11-12). അവനെ “മൃതപ്രായൻ” എന്നാണ് എബ്രായലേഖകൻ വിശേഷിപ്പിച്ചിരിക്കുന്നത്: (എബ്രാ, 11:12). അബ്രാഹാമിന് തൊണ്ണൂറ്റൊമ്പത് വയസ്സുള്ളപ്പോൾ ദൈവം അവനോടു: നിനക്ക് സാറായിൽ നിന്ന് ഒരു മകൻ ജനിക്കുമെന്ന് പറയുകയുണ്ടായി: (ഉല്പ, 17:16). അതുകേട്ട് അവൻ ചിരിച്ചുവെന്നല്ല; “അബ്രാഹാം കവിണ്ണുവീണു ചിരിച്ചു” എന്നാണ് അവിടെ പറഞ്ഞിരിക്കുന്നത്. “ചിരിച്ചുചിരിച്ച് മണ്ണുകപ്പി” എന്ന മലയാള പ്രയോഗം ഒരുപക്ഷെ അബ്രാഹാമിൻ്റെ ഈ ചിരിയിൽനിന്ന് ഉണ്ടായതാകാം. എന്നിട്ട് അവൻ തൻ്റെ ഹൃദയത്തിൽ പറഞ്ഞത്: “നൂറു വയസ്സുള്ളവന്നു മകൻ ജനിക്കുമോ? തൊണ്ണൂറു വയസ്സുള്ള സാറാ പ്രസവിക്കുമോ?” എന്നാണ്: (ഉല്പ, 17:17). പിന്നെ അവൻ ദൈവത്തിന് ഒരു വഴിയും പറഞ്ഞുകൊടുത്തു: “യിശ്മായേൽ നിന്റെ മുമ്പാകെ ജീവിച്ചിരുന്നാൽ മതി.” (ഉല്പ, 17:18). അതായത്, വൃദ്ധരായ ഞങ്ങൾക്ക് മക്കളെ തരാൻ നീ ബുദ്ധിമുട്ടണ്ട, അതിന് സാധിക്കില്ല; പകരം തൻ്റെ പുത്രനായ യിശ്മേയേലിന് ഒരു സംരക്ഷണം കൊടുത്താൽ മതി എന്ന ഒരു ലളിതമായ മാർഗ്ഗം ദൈവത്തിന് അവൻ പറഞ്ഞുകൊടുക്കുകയായിരുന്നു. സാറായും മകൻ ജനിക്കുമെന്ന വാഗ്ദത്തം കേട്ടപ്പോൾ ഉള്ളുകൊണ്ടു ചിരിച്ചതായി കാണാം: (ഉല്പ, 18:12). മൃതപ്രായരായ അവരിൽ നിന്നാണ് യിസ്ഹാക്കും ആകാശത്തിലെ നക്ഷത്രങ്ങൾ പോലെയും ഭൂമിയിലെ പൊടിപോലെയും അബ്രാഹാമിന് സന്തതികൾ ജനിച്ചത്: (എബ്രാ, 11:12; ഉല്പ, 22:18)

𝟮. യോഹന്നാൻ:
➟ എലീശബെത്ത് മച്ചിയും ഇരുവരും വയസ്സു ചെന്നവരും ആയിരുന്നു: (ലൂക്കോ, 1:7). വയസ്സായ സമയത്ത് ഗർഭിണിയായതിനാൽ അവൾ അഞ്ചുമാസം ഒളിച്ചുപാർത്തതായി കാണാം: (ലൂക്കൊ, 1:25). അതായത്, അബ്രാഹാമിൻ്റെയും സാറായുടെയും, സെഖര്യാവിൻ്റെയും എലീശബെത്തിൻ്റെയും അവസ്ഥ ഒരുപോലെയായിരുന്നു. ബൈബിളിൽ പല മച്ചികളുടെയും ഗർഭം ദൈവം തുറന്നുകൊടുത്തിട്ട് അവർ മക്കളെ പ്രസവിച്ചതായി പറഞ്ഞിട്ടുണ്ട്. ഉദാ: റാഹേൽ (ഉല്പ, 29:31; 30:22). മനോഹയുടെ ഭാര്യ (ന്യായാ, 13:2-3, 13:24), ഹന്ന (1ശമൂ, 1:5; 1:20) മുതലായവർ ഉദാഹരണങ്ങളാണ്. എന്നാൽ യിസ്ഹാക്കിൻ്റെയും യോഹാന്നാൻ്റെയും ജനനം അപ്രകാരമായിരുന്നില്ല. സാറായും എലീശബെത്തും മച്ചി മാത്രമായിരുന്നില്ല; അവർക്കും അവരുടെ ഭർത്താക്കന്മാർക്കും മകളെ ഉല്പാദിപ്പിക്കാനുള്ള പ്രായവും കടന്നുപോയിരുന്നു. അതിനാൽ ഇരുവരുടെയും ജനനം പ്രകൃത്യാതീതമായിരുന്നു എന്ന് മനസ്സിലാക്കാം.

𝟯. യേശുവിൻ്റെ ജനനം:
➟ യോസേഫിന് വിവാഹനിശ്ചയം ചെയ്തിരുന്ന കന്യകയായ മറിയം പരിശുദ്ധാത്മാവിനാലാണ് യേശുവിനെ ഗർഭംധരിച്ച് പ്രസവിച്ചത്: (മത്താ, 1:18; 1:20; ലൂക്കൊ, 1:35; 2:21). അതായത്, പുതിയനിയമരക്ഷയ്ക്കായി (മത്താ, 1:21; എബ്രാ, 2:14-15) പരിശുദ്ധാത്മാവിനാൽ പ്രകൃത്യാതീതമായി മറിയത്തിൽ ഉല്പാദിതനായ (മത്താ, 1:20; ലൂക്കൊ, 1:21), അവളുടെ ആദ്യജാതനായി ജനിച്ച (ലൂക്കൊ, 2:7), ദൂതന്മാരെക്കാൾ അല്പമൊരു താഴ്ചവന്ന (എബ്രാ, 2:9), ദേഹവും (Soma – Body) ദേഹിയും (Psyche – Soul) ആത്മാവുമുള്ള (Spirit – Pneuma) പാപരഹിതനായ മനുഷ്യനാണ് യേശു: (1പത്രൊ, 2:24; മത്താ, 26:38; ലൂക്കൊ, 23:46; 1യോഹ, 3:5; യോഹ, 8:40).

☛ തമ്മിലുള്ള വ്യത്യാസം:
➟ ഒന്നുമില്ലായ്മയിൽ നിന്ന് സകലവും ഉളവാക്കിയവനും കല്ലുകളിൽ നിന്നുപോലും മക്കളെ ഉളവാക്കാൻ കഴിയുന്നവനുമായ ദൈവത്താൽ പ്രകൃത്യാതീതമായാണ് സാറായും എലീശബെത്തും മറിയയും ഗർഭംധരിച്ചു പ്രസവിച്ചത്. എന്നാൽ വ്യത്യാസമെന്താണെന്ന് ചോദിച്ചാൽ: ദൈവം യിസ്ഹാക്കിൻ്റെയും യോഹന്നാൻ്റെയും മാതാപിതാക്കൾക്ക് പുത്രോല്പാദനത്തിനുള്ള ശക്തി പ്രകൃത്യാതീതമായി നല്കിയിട്ട് അവർ സ്വാഭാവികമായ രീതിയിലാണ് മക്കളെ ജനിപ്പിച്ചത്. അതായത്, യിസ്ഹാക്കും യോഹന്നാനും ഏതൊരു മനുഷ്യനെപ്പോലെയും പിതാവിൻ്റെയും മാതാവിൻ്റെയും വേരിൽനിന്ന് ജനിച്ചതാകയാൽ അവർ പാപത്തിലാണ് ജനിച്ചത്. എന്നാൽ കന്യകയായ മറിയ പുരുഷബന്ധം കൂടാതെയും അവളുടെ യാതൊരു ഭാഗഭാഗിത്വവും കൂടാതയും പരിശുദ്ധാത്മാവിനാലാണ് യേശുവിനെ ഗർഭംധരിച്ചത്. പുരുഷൻ്റെ ബീജവും സ്ത്രീയുടെ അണ്ഡവും സംയോജിക്കുമ്പോഴാണ് ഒരു കുഞ്ഞ് ജനിക്കുന്നത്. യോസേഫിൻ്റെ ബീജം മറിയയിൽ എത്തിയിട്ടില്ലാത്തതിനാൽ, മറിയയുടെ അണ്ഡവും നിഷ്ക്രിയമായിരുന്നു എന്ന് മനസ്സിലാക്കാം. ➟അതിനാൽ, മനുഷ്യരുടെ വേരിൽനിന്നല്ല യേശുവിൻ്റെ ജനനമെന്നതിനാൽ അവൻ്റെ ജനനം പാപരഹിതമാണ്: (1യോഹ, 3:5). [കാണുക: ക്രിസ്തു അമ്മയിൽനിന്ന് ശരീരം സ്വീകരിച്ചോ?]

☛ മൂവരുടെയും പ്രകൃതി:
➟ മൂന്നുപേരും മനുഷ്യരാണ്: (യോഹ, 8:40). എന്നാൽ യിസ്ഹാക്കും യോഹന്നാനും പാപജഡത്തിലും യേശു പാപജഡത്തിൻ്റെ സാദൃശ്യത്തിലായിരുന്നു: (റോമ, 8:3). അഥവാ, യിസ്ഹാക്കിൻ്റെയും യോഹന്നാൻ്റെയും പാപസഹിത ജനനവും യേശുവിൻ്റെ പാപരഹിത ജനനവും ആയിരുന്നു; (1യോഹ, 3:5). യേശു എല്ലാ മനുഷ്യരെപ്പോലയും ദേഹവും (1പത്രൊ, 2:24) ദേഹിയും (മത്താ, 26:38) ആത്മാവുമുള്ളവനും (ലൂക്കൊ, 23:46) അഥവാ, അവൻ ജഡരക്തങ്ങളോടു കൂടിയവൻ ആയിരുന്നെങ്കിലും (എബ്രാ, 2:14), പാപമറിയാത്തവനും (2കൊരി, 5:21) പവിത്രനും നിർദ്ദോഷനും നിർമ്മലനും പാപികളോടു വേറുവിട്ടവനും (എബ്രാ, 7:26) പാപം ചെയ്തിട്ടില്ലാത്തവനും വായിൽ വഞ്ചനയില്ലാഞ്ഞവനും (1പത്രൊ, 2:22) പാപമില്ലാത്തവനും ആയിരുന്നു: (1യോഹ, 3:5). 

☛ മൂവരുടെയും ജനനത്തിൻ്റെ ഉദ്ദേശ്യം: 
➟ മൂവരുടെയും ജനനത്തിൻ്റെ പ്രത്യേകത എന്താണെന്ന് ചോദിച്ചാൽ: മൂവരും ജനനത്തിനുമുമ്പെ ദൈവത്താൽ നാമകരണം ചെയ്യപ്പെട്ടവരും, പ്രകൃത്യാതീതമായും പ്രത്യേക ഉദ്ദേശ്യത്തോടെയും ജനിച്ചവർ ആയിരുന്നു: (ഉല്പ, 17:19 ⁃ ലൂക്കൊ, 1:13 ⁃ മത്താ, 1:21; ലൂക്കൊ, 1:31)

𝟭. യിസ്ഹാക്ക്:
➟ ദൈവം കൽദയരുടെ പട്ടണമായ ഊരിൽനിന്ന് വിളിച്ചുവേർതിരിച്ച തൻ്റെ സ്നേഹിതനായ അബ്രാഹാമിനോട് ദൈവം തന്നെക്കൊണ്ടുതന്നെ സത്യംചെയ്ത് പറഞ്ഞ വാഗ്ദത്തത്തിൻ്റെ നിവൃത്തിയാണ് യിസ്ഹാക്കിൻ്റെ ജനനം: (ഉല്പ, 22:17-18; ഗലാ, 4:23). 

𝟮. യോഹന്നാൻ:
➟ നിത്യരക്ഷയുടെ കാരണഭൂതനായിത്തീർന്ന ക്രിസ്തുവിൻ്റെ വഴിയൊരുക്കാനാണ് യോഹന്നാൻ ജനിച്ചത്: (എബ്രാ, 5:7-9 – ലൂക്കൊ, 1:16-17; 1:76-77). [കാണുക: യഹോവയ്ക്ക് വഴിയൊരുക്കാൻ വന്നവൻ ആർക്കാണ് വഴിയൊരുക്കിയത്?].

𝟯. യേശുക്രിസ്തു:
➟ പിതാവായ ദൈവത്തിൻ്റെ ജഡത്തിലെ വെളിപ്പാടിനായാണ് യേശു എന്ന മനുഷ്യൻ ജനിച്ചത്: (1Tim, 3:16; Joh, 1:18; Joh, 8:40). മനുഷ്യരെല്ലാം പാപികളായതുകൊണ്ട് (ഇയ്യോ, 15:14; ഇയ്യോ, 25:4; സഭാ, 7:20; റോമ, 3:23; റോമ, 5:12), മനുഷ്യന് മനുഷ്യൻ്റെ പാപം പോക്കാൻ കഴിയാത്തതിനാൽ (സങ്കീ, 49:7-9) പാപത്തിൻ്റെ ശമ്പളം മരണം (റോമ, 6:23), പാപം ചെയ്യുന്ന ദേഹി മരിക്കും (യെഹെ, 18:4; 18:20), രക്തം ചൊരിഞ്ഞിട്ടല്ലാതെ വിമോചനമില്ല (എബ്രാ, 9:22) എന്ന ദൈവനീതി നിവൃത്തിക്കാൻ മാറ്റമോ, ഗതിഭേദത്താൽ ആഛാദനമോ ഇല്ലാത്ത പിതാവായ യഹോവ (യാക്കോ, 1:17; മലാ, 3:6) തൻ്റെ ജഡത്തിലെ വെളിപ്പാടിനായി പരിശുദ്ധാത്മാവിനാൽ പ്രകൃത്യാതീതമായി മറിയത്തിൽ ഉല്പാദിപ്പിച്ച (മത്താ, 1:20; ലൂക്കൊ, 1:21), ദേഹവും (1പത്രൊ, 2:24) ദേഹിയും (മത്താ, 26:38) ആത്മാവുമുള്ള (ലൂക്കൊ, 23:46) പാപരഹിതനായ മനുഷ്യനാണ്: (യോഹ, 8:40). അതായത്, ജഡത്തിൽ വെളിപ്പെട്ടത് ജീവനുള്ള ദൈവമായ പിതാവും; വെളിപ്പാട് പുത്രനുമാണ്: (മത്താ, 16:16 – യോഹ, 1:18). [കാണുക: ക്രിസ്തുവിനെ അറിയുക; ക്രിസ്ത്യാനിയാകുക, ദൈവഭക്തിയുടെ മർമ്മം].

☛ “അവൻ (യേശു) നസറായൻ എന്നു വിളിക്കപ്പെടും എന്നു പ്രവാചകന്മാർ മുഖാന്തരം അരുളിച്ചെയ്തതു നിവൃത്തിയാവാൻ തക്കവണ്ണം നസറെത്ത് എന്ന ഗ്രാമത്തിൽ ചെന്നു പാർത്തു.” (മത്തായി 2:23). പഴയനിയമത്തിൽ നേരിട്ട് ഇങ്ങനെയൊരു പ്രവചനം കാണാൻ കഴിയില്ല. അതിനാൽ രണ്ട് ആശയങ്ങളെ ബന്ധിപ്പിച്ചുകൊണ്ടാണ്, മത്തായി പറയുന്നതിനെ മനസ്സിലാക്കാൻ കഴിയുന്നത്:

𝟭. യെശയ്യാവ് 11:1-ൽ “യിശ്ശായിയുടെ കുറ്റിയിൽനിന്നു ഒരു മുള പൊട്ടി പുറപ്പെടും” എന്ന് പറയുന്ന വാക്യത്തിലെ “മുള, ശാഖ” (Sprout, Branch) എന്നർത്ഥമുള്ള എബ്രായപദം “Netzer” (נֵצֶר) ആണ്. എബ്രായ പാരമ്പര്യത്തിലെ ശബ്ദസാമ്യ ശൈലി അനുസരിച്ച്, “നെറ്റ്സർ” (Netser) എന്ന പദവും “Nazareth” (Ναζαρέτ) എന്ന സ്ഥലപ്പേരും തമ്മിൽ നേരിട്ടുള്ള ബന്ധമുണ്ട്. പഴയനിയമ പ്രവചനത്തിലെ “നെറ്റ്സർ” (മുള) ആയ മശിഹാ, യഥാർത്ഥത്തിൽ നസറെത്ത് എന്ന ഗ്രാമത്തിൽ വളർന്നുവന്നതിലൂടെ ആ പ്രവചനം അർത്ഥപൂർണ്ണമായി നിവൃത്തിക്കപ്പെട്ടു. അല്ലാതെ, ചിലർ കരുതുന്നപോലെ പഴയനിയമത്തിൽ ദൈവത്തിനുവേണ്ടി വേർതിരിക്കപ്പെട്ട “നാസീർ” (Nazirite) എന്ന വ്രതമല്ല; പ്രത്യുത, “നെറ്റ്സർ” എന്ന മുളയുടെ ആശയമാണ് “നസറായൻ” എന്ന പദത്തിലൂടെ അർത്ഥമാക്കുന്നത്. നമ്മുടെ കർത്താവായ ക്രിസ്തു, ശിംശോനെയും യോഹന്നാൻ സ്നാപകനെയുംപോലെ നാസീർ വ്രതക്കാരനായിരുന്നില്ല എന്നത് പ്രത്യേകം ഓർക്കുക: (മത്തായി 11:19; ലൂക്കൊസ് 7:34)

𝟮. ലൂക്കോസ് 1:26-ൽ നസറെത്തിനെ “പട്ടണം” (City) എന്നർത്ഥത്തിൽ ‘പോളിസ്’ (πόλις) എന്ന് വിശേഷിപ്പിച്ചിട്ടുണ്ടെങ്കിലും, ഒന്നാം നൂറ്റാണ്ടിൽ ഏകദേശം 200-400 ആളുകളും കേവലം 40-50 വീടുകൾ മാത്രമുള്ള ഒരു ചെറിയ ഗ്രാമമായിരുന്നു നസറെത്ത് എന്നാണ് ചരിത്രരേഖകൾ പറയുന്നത്. അന്നത്തെ കാലത്ത് ഔദ്യോഗികമായി ഒരു ഭരണകേന്ദ്രത്തിന് കീഴിൽ വരുന്ന പ്രദേശങ്ങളെ പൊതുവായി സൂചിപ്പിക്കാൻ പോളിസ് എന്ന വാക്ക് വിപുലമായ അർത്ഥത്തിൽ ഉപയോഗിക്കാറുണ്ടായിരുന്നു. അതുകൊണ്ടാണ്, ഒരു ഗ്രാമമായിരുന്നിട്ടും നസറെത്തിനെ ബൈബിളിൽ “നസറെത്ത് എന്ന ഗലീലപട്ടണം” എന്ന് ലൂക്കൊസ് വിശേഷിപ്പിച്ചിരിക്കുന്നത് എന്നാണ് ചരിത്രകാരന്മാരുടെ നിരീക്ഷണം. അതായത്, ഏറ്റവും സാധാരണക്കാരായ കുറച്ച് മനുഷ്യർ താമസിച്ചിരുന്നതും വളരെ നിസ്സാരവുമായ ഒരു ഗ്രാമവുമായിരുന്നു അക്കാലത്തെ നസറെത്ത്. അതുകൊണ്ടാണ്, “നസറെത്തിൽനിന്നു വല്ല നന്മയും വരുമോ?” എന്ന് നഥനയേൽ ചോദിച്ചത്: (യോഹന്നാൻ 1:46). അതായത്, ക്രിസ്തുവിന്റെ താഴ്മയെയും ലോകം തള്ളിക്കളഞ്ഞ നിന്ദിതാവസ്ഥയെയുമാണ് നസറെത്തിലെ വാസം അഥവാ, നസറായൻ എന്ന വിശേഷണം സൂചിപ്പിക്കുന്നത്: (സങ്കീർത്തനം 22:6, യെശയ്യാവ് 53:3).

☛ ഈ രണ്ട് കാര്യങ്ങളുടെയും നിവർത്തിയായിട്ടാണ് മത്തായി 2:23-നെ കാണാൻ കഴിയുന്നത്. നേരെമറിച്ച്, പ്രസ്തുത വേദഭാഗം ഏതെങ്കിലും ഒരു പ്രത്യേക പ്രവചനത്തിന്റെ മാത്രം നിവർത്തിയായിരുന്നു എങ്കിൽ, മത്തായി സുവിശേഷകൻ ”പ്രവാചകന്മാർ മുഖാന്തരം” (Dia tōn prophētōn – By the prophets) എന്ന് ബഹുവചനത്തിൽ പറയില്ലായിരുന്നു. പ്രത്യുത, മശിഹായുടെ താഴ്മയെക്കുറിച്ചും അവനുണ്ടാകുവാനുള്ള നിന്ദകളെക്കുറിച്ചും പഴയനിയമ പ്രവാചകർ പലയിടങ്ങളിലായി പറഞ്ഞിട്ടുള്ള സമഗ്രമായ പ്രവചനങ്ങളുടെ സംഗ്രഹമാണ് “നസറായൻ” (Nazarene) എന്ന വിശേഷണം കാണിക്കുന്നത്: (മത്തായി 2:22; 26:71; മർക്കൊസ് 1:24; 10:47; ലൂക്കൊസ് 4:34). അതിനാൽ ആ പ്രവചനം പഴയനിയമത്തിൽ പറഞ്ഞിട്ടില്ലല്ലോ എന്നോർത്ത് ആരും കുണ്ഠിതപ്പെടാൻ ആവശ്യമില്ല.

☛ പെന്തെക്കൊസ്ത് ഒരു അനുഭവമാണെന്ന് പലരും പറയാറുണ്ട്. “അനുഭവം” എന്നതുകൊണ്ട് ഉദ്ദേശിക്കുന്നത് ഇവർ പറയുന്ന അന്യഭാഷയാണ്. എന്നാൽ 1901-ൽ പെന്തെക്കൊസ്ത് പ്രസ്ഥാനത്തിൻ്റെ ഉത്ഭവത്തിന് കാരണമായ അന്യഭാഷാഭാഷണ ചരിത്രം ശരിയായി പഠിച്ചാൽ, ഇവരുടെ അനുഭവം ആവിയായിപ്പോകും. കാരണം, അന്യഭാഷാഭാഷണ ചരിത്രത്തിൽനിന്ന് ഇവരുടെ നേതാക്കന്മാർ പഠിപ്പിക്കാതെ മറച്ചുവെച്ച, ചില അഴുകിയ പിന്നാമ്പുറ കഥകളുണ്ട്:

☛ പെന്തെക്കൊസ്തു ചരിത്രം:
➟ പെന്തെക്കൊസ്ത് പ്രസ്ഥാനം പഠിപ്പിക്കുന്ന ചരിത്രം ഇപ്രകാരമാണ്: “ഇരുപതാം നൂറ്റാണ്ടിലെ പെന്തെക്കൊസ്ത് പ്രവർത്തനങ്ങളെക്കുറിച്ചുള്ള പഠനങ്ങളൊക്കെ 1901 ജനുവരി ഒന്നിനു കൻസാസ് സിറ്റിയിലെ റ്റോപ്പിക്കയിൽ ചാൾസ് പർഹാം നടത്തിയ ബഥേൽ ബൈബിൾ കോളേജിലെ വിദ്യാർത്ഥിനിയായ “ആഗ്നസ് ഓസ്മാൻ” അന്യഭാഷ പറയുന്ന സംഭവത്തോടുകൂടിയാണ് ആരംഭിക്കുന്നത്. ആ വർഷം (1900-ൽ) അവരുടെ കോളേജിലെ വിദ്യാർത്ഥികൾ പരിശുദ്ധാത്മാവിനെപ്പറ്റി നടത്തിയ ഒരു പഠനത്തിൽ അന്യഭാഷാഭാഷണം പരിശുദ്ധാത്മ സ്നാനത്തിന്റെ പ്രത്യക്ഷ അടയാളമാണെന്ന നിഗമനത്തിൽ അവർ എത്തിച്ചേർന്നിരുന്നു. ആണ്ടറുതി യോഗത്തിൽ പതിനെട്ട് വയസ്സുള്ള ആഗ്നസ് (അവളുടെ അദ്ധ്യാപകനോടും സഹ വിദ്യാർത്ഥികളോടും “ഞാൻ അന്യഭാഷയിൽ സംസാരിച്ചുകൊണ്ട് പരിശുദ്ധാത്മസ്നാനം പ്രാപിക്കേണ്ടതിന് എന്റെ തലയിൽ കൈവയക്കുക” എന്ന് ആവശ്യപ്പട്ടു. അവർ ആഗ്നസിന്റെ തലയിൽ കൈവച്ചു പ്രാർത്ഥിച്ചു. പെട്ടെന്നുതന്നെ അവൾ അന്യഭാഷയിൽ സംസാരിച്ചു തുടങ്ങി. ആദ്യദിവസം ആഗ്നസ് ചൈനീസ് ഭാഷയാണ് സംസാരിച്ചത്. ഇംഗ്ലീഷ് അവളുടെ നാവിൽ വന്നതേയില്ല. എന്താണ് നിന്റെ അനുഭവം എന്നു സഹപാഠികൾ അവളോടു ചോദിച്ചു. അതിനവൾ മറുപടി പറഞ്ഞതും ചൈനീസിൽ തന്നെ. ഇംഗ്ലീഷ് മാത്രമറിയാവുന്ന പെൺകുട്ടിയായിരുന്നു ആഗ്നസ്. കാര്യങ്ങൾ എഴുതി കാണിക്കാൻ സഹപാഠികൾ അവളോട് ആവശ്യപ്പെട്ടു. അവിടെ അത്ഭുതം വീണ്ടും ആവർത്തിക്കപ്പട്ടു. ചൈനീസ് ഭാഷയിലാണ് അവൾ എഴുതിയതും. (അന്ന് പത്രങ്ങൾ ആഗ്നസ് ഓസ്മാന്റെ ‘ചൈനീസ് എഴുത്തുകൾ’ ബ്ലോക്കെടുത്തു പ്രസിദ്ധീകരിച്ചിരുന്നു). രണ്ടാം ദിവസം മിസ്സ് ഓസ്മാൻ ബോഹീമിയൻ ഭാഷ സംസാരിച്ചു തുടങ്ങി. ക്രമേണ ഓരോ ദിവസവും കഴിഞ്ഞപ്പോൾ അവളുടെ സഹപാഠികൾ ഓരോരുത്തരായി അന്യഭാഷകളിൽ സംസാരിച്ചുതുടങ്ങി. ഭാഷകൾക്ക് വ്യാഖ്യാനമുണ്ടായി. (എന്നാൽ മറ്റുള്ളവർ അന്യഭാഷകളിൽ സംസാരിക്കുന്നതു കണ്ട് മിസ്സ് ഓസ്മാൻ അത്ഭുതപ്പട്ടു. കാരണം അവൾ ചിന്തിച്ചത് ഈ വരം അവൾക്കുമാത്രം നൽകപ്പെട്ടതാണെന്നാണ്).” ⟦സാജു മാത്യു, കേരള പെന്തെക്കൊസ്തു ചരിത്രം, പേജ് 24⟧. 

☛ ലേഖകൻ വിവരിച്ചിരിക്കുന്ന ഈ അന്യഭാഷയുടെ ചരിത്രം പരിശോധിച്ചാൽ, വേദപുസ്തകവുമായിട്ടോ, പെന്തക്കൊസ്തു നാളിലെ യഥാർത്ഥ അന്യഭാഷയുമായിട്ടോ, യാതൊരു ബന്ധവുമില്ലെന്ന് മനസ്സിലാക്കാൻ സാധിക്കും:

𝟭. ആഗ്നസ് ഓസ്മാൻ എന്ന സ്വീകർത്താവ് അദ്ധ്യാപകനോടും സഹപാഠികളോടും തന്റെ തലയിൽ കൈ വെയ്ക്കാൻ ആവശ്യപ്പെടുകയാണ് ചെയ്യുന്നത്. ഇത് വേദപുസ്തകത്തിൽ ഒരിടത്തുമില്ലാത്ത കാര്യമാണ്. അപ്പൊസ്തലന്മാർ പരിശുദ്ധാത്മാവിനും (പ്രവൃ, 8:17), കൃപാവരങ്ങൾക്കും (19:6) വേണ്ടി തലയിൽ കൈവെച്ചിട്ടുണ്ട്. അതാരും ആവശ്യപ്പെട്ടിട്ടല്ല, ആത്മനിയോഗപ്രകാരമാണ് അവരത് ചെയ്തത്.

𝟮. ചൈനീസ് ഭാഷ സംസാരിക്കുകയും, ആ ഭാഷയിൽ മറുപടി പറയുകയും, ആ ഭാഷതന്നേ എഴുതിക്കാണിക്കുകയും, ഓരോ ദിവസവും വ്യത്യസ്ഥ ഭാഷകൾ സംസാരിക്കുകയും ചെയ്തു. ഇതും ബൈബിളിൽ ഒരിടത്തും കാണാത്ത കാര്യമാണ്. ബൈബിളിൽ അന്യഭാഷ സംസാരിച്ചതായി പറയുന്നുണ്ടെങ്കിലും, അന്യഭാഷയിൽ മറുപടി പറയുകയോ, എഴുതുകയോ ചെയ്തതായി കാണുന്നില്ല.

𝟯. ആഗ്നസും മറ്റുള്ളവരും ഒരുമിച്ചിരുന്നാണ് ആത്മസ്നാനത്തിന്റെ പ്രത്യക്ഷമായ അടയാളമാണ് അന്യഭാഷയെന്ന് പർഹാമിൽനിന്ന് പഠിച്ചത്. എന്നിട്ടും അന്യഭാഷ ലഭിച്ചപ്പോൾ ആഗ്നസ് ഓസ്മാന്റെ സങ്കുചിത മനോഭാവം കണ്ടോ? ഈ വരം അവൾക്കുമാത്രം നൽകപ്പെട്ടതാണെന്നാണ് അവൾ ചിന്തിച്ചത്. ഇത് വേദപുസ്തകം വെളിപ്പെടുത്തുന്ന ദൈവത്തിന്റെ ആത്മാവ് തന്നെയോ? ആത്മാവ് താൻ ഇച്ഛിക്കുന്നതുപോലെയാണ് അവനവന് വരം പകുത്തുകൊടുത്തിരുന്നത്: (1കൊരി, 12:11). ആദിമസഭ തങ്ങൾക്കുള്ളതെല്ലാം പൊതുവക എന്നെണ്ണിയപ്പോൾ, ആഗ്നസ് തനിക്ക് ലഭിച്ച വരംപോലും (അവരുടെ ഭാഷയിൽ) തൻ്റേതുമാത്രമാണെന്ന് വിചാരിച്ചു. അതായത്, ആഗ്നസിന് ലഭിച്ചത് ഏതോ സ്വാർത്ഥതയുടെ ആത്മാവാണ്.

𝟰. ഇതിൽ ഏറ്റവും അബദ്ധം എന്താണെന്ന് ചോദിച്ചാൽ: ആഗ്നസ് ഓസ്മാൻ അന്യഭാഷ എഴുതി എന്നുള്ളതാണ്. അന്യഭാഷ എഴുതുന്നതിനെക്കുറിച്ച് യാതൊരു സൂചനയും വചനത്തിൽ ഇല്ലെന്ന് മാത്രമല്ല; ബൈബിൾ പറയുന്ന അന്യഭാഷയെന്ന കൃപാവരത്തിന് വിരുദ്ധവുമാണിത്. പെന്തെക്കൊസ്തിലുണ്ടായ അന്യഭാഷ കേൾവിക്കാർക്ക് അവരവരുടെ ഭാഷകളിൽൽ മനസ്സിലായി: (പ്രവൃ, 2:11). അല്ലാതെ, അവരെ എഴുതിക്കാണിക്കാൻ ആവശ്യമുണ്ടായിരുന്നില്ല. ➟കൊരിന്ത്യരിൽ “അന്യഭാഷയിൽ സംസാരിക്കുന്നവൻ മനുഷ്യരോടല്ല ദൈവത്തോടത്രേ സംസാരിക്കുന്നു; ആരും തിരിച്ചറിയുന്നില്ലല്ലോ; എങ്കിലും അവൻ ആത്മാവിൽ മർമ്മങ്ങളെ സംസാരിക്കുന്നു” എന്ന് പൗലൊസ് പറഞ്ഞിട്ടുണ്ട്: (1കൊരി, 14:2). അല്ലാതെ, അന്യഭാഷയിൽ എഴുതുന്നവൻ ദൈവത്തിന് എഴുത്തെഴുതുന്നു എന്ന് ഒരിടത്തും പറഞ്ഞിട്ടില്ല. ➟ഇതും നോക്കുക: (1കൊരി, 14:4; 14:13; 14:19; 14:27).

📌 അന്യഭാഷാഭാഷണ ചരിത്രത്തിൻ്റെ അഴുകിയ പിന്നാമ്പുറ കഥകൾ:
➟ കേരള പെന്തെക്കൊസ്തു ചരിത്രത്തിൽ “സാജു മാത്യു” വിട്ടുകളഞ്ഞ അല്ല; വിഴുങ്ങിക്കളഞ്ഞ ചില കൊടിയ തട്ടിപ്പുകളുണ്ട്. ചെറിയ ചരിത്രത്തോടൊപ്പം വലിയ തട്ടിപ്പുകളും ഈ അന്യഭാഷാഭാഷണ ചരിത്രത്തിലുണ്ട്. ➟അതെന്താണെന്ന് നോക്കാം:

𝟭. ആഗ്നസ് സംസാരിച്ചതും എഴുതിയതും ചൈനീസ് ഭാഷയാണെന്ന് പർഹാമും അന്ന് അവിടെയുണ്ടായിരുന്നവരും വിശ്വസിക്കുകയും പത്രങ്ങളിലൂടെ അവകാശപ്പെടുകയും ചെയ്തിരുന്നു. അന്നത്തെ ചില പത്രങ്ങൾ (ഉദാ: Topeka State Journal) ആഗ്നസ് എഴുതിയ അടയാളങ്ങളുടെ ചിത്രങ്ങൾ പ്രസിദ്ധീകരിച്ചിട്ടുമുണ്ട്.

☛ എന്നാൽ ഭാഷാശാസ്ത്രജ്ഞരും (Linguists) ചൈനീസ് ഭാഷാ വിദഗ്ദ്ധരും ഈ എഴുത്തുകൾ പരിശോധിച്ചപ്പോൾ അത് ചൈനീസ് ഭാഷയല്ലെന്നും, നിലവിലുള്ള ഒരു മനുഷ്യഭാഷയുമായും അതിന് ബന്ധമില്ലെന്നും വ്യക്തമാക്കി.

𝟮. ആഗ്നസ് ഓസ്മാൻ ചൈനീസും ബോഹീമിയനും സംസാരിച്ചുവെന്നാണ് അവകാശപ്പെട്ടതെങ്കിൽ, ബഥേൽ ബൈബിൾ കോളേജിലുണ്ടായിരുന്ന മറ്റ് വിദ്യാർത്ഥികളും അധ്യാപകരും ലോകത്തിലെ ഇരുപതോളം വ്യത്യസ്ത ഭാഷകൾ സംസാരിച്ചതായി പർഹാമും അദ്ദേഹത്തിന്റെ അനുയായികളും അവകാശപ്പെട്ടിരുന്നു. ഫ്രഞ്ച്, ജർമ്മൻ, സ്വീഡിഷ്, സ്പാനിഷ്, ഇറ്റാലിയൻ, ഹംഗേറിയൻ (വിവിധ യൂറോപ്യൻ ഭാഷകൾ), ജപ്പാനീസ്, കൊറിയൻ, ഹിന്ദി, ബംഗാളി, മലായാളം ഉൾപ്പെടെയുള്ള ഏഷ്യൻ ഭാഷകൾ, വിവിധ ആഫ്രിക്കൻ, അലാസ്കൻ (എസ്കിമോ) പ്രാദേശിക ഭാഷകൾ മുതലായവ.

𝟯. തങ്ങൾ സംസാരിക്കുന്നത് യഥാർത്ഥ വിദേശ ഭാഷകളാണെന്നും, ഇനി ഭാഷ പഠിക്കാതെ തന്നെ ചൈനയിലും മറ്റ് വിദേശ രാജ്യങ്ങളിലും പോയി സുവിശേഷം പ്രസംഗിക്കാമെന്നുമാണ് പർഹാമും ശിഷ്യന്മാരും കരുതിയിരുന്നത്. എന്നാൽ പിന്നീട് വിദേശങ്ങളിൽ പോയ മിഷനറിമാർക്ക് അവിടെയുള്ള ആളുകളോട് സംസാരിക്കാൻ സാധിച്ചില്ല. തുടർന്ന് ഇത് ലോകത്തിലെ യഥാർത്ഥ ഭാഷകളല്ല, പ്രത്യുത, ദൈവവുമായുള്ള ആത്മീയ സംഭാഷണത്തിനുള്ള അന്യഭാഷകളാണ് എന്ന വിശദീകരണത്തിലേക്ക് അവർ മലക്കം മറിയുകയാണ് ചെയ്തത്.

☛ അപ്പോൾ യഥാർത്ഥത്തിൽ പർഹാമിൻ്റെ ബൈബിൾ സ്കൂളിൽ സംഭവിച്ചത് എന്താണ്?
➟ ആഗ്നസ് ഓസ്മാൻ ഏതോ പൈശാചിക ഉന്മാദാവസ്ഥയിൽ പിച്ചും പേയും പുലമ്പിയതായിരുന്നു. അവർ മലക്കം മറിഞ്ഞതുപോലെ ദൈവത്തോട് സംസാരിക്കുന്ന. ആരുംതിരിച്ചറിയാത്ത ഭാഷയായിരുന്നില്ല. അതിന് പല തെളിവുകളുണ്ട്:

𝟭. ദൈവത്തോട് സംസാരിക്കുന്ന ഭാഷയായിരുന്നെങ്കിൽ, അത് ചൈനീസ്, ബോഹീമിയൻ ഭാഷകളായിരുന്നു എന്ന് പറയുമായിരുന്നില്ല.

𝟮. സഹപാഠികളുടെ ചോദ്യത്തിന് അന്യഭാഷയിൽ ഉത്തരം പറയാൻ കഴിയില്ലായിരുന്നു. കാരണം, ചോദ്യം ആഗ്നസിന് മനസ്സിലാകുമെങ്കിലും, ഉത്തരം സഹപാഠികൾക്ക് മനസ്സിലാകില്ല. പരിശുദ്ധാത്മാവിനാലുള്ള അന്യഭാഷ വ്യാഖ്യാനം കൂടാതെ മനസ്സിലാകില്ല. വ്യാഖ്യാനവരം ആർക്കും ലഭിച്ചതായി പറഞ്ഞിട്ടില്ല.

𝟯. ദൈവത്തോട് മാത്രം സംസാരിക്കുന്ന ഒരു ഭാഷയ്ക്ക് ലിപി ഉണ്ടാകില്ല. ഇനി ലിപി ഉണ്ടാകുമെന്ന് വാദിച്ചാലും, യഥാർത്ഥ ആത്മാവാണ് അവളിൽ ഉണ്ടായിരുന്നതെങ്കിൽ, ആർക്കും മനസ്സിലാകാത്ത ഒരു ഭാഷ എഴുതി അത് പത്രങ്ങളിൽ പ്രസിദ്ധപ്പെടുത്തി സഭയ്ക്ക് അപമാനം വരുത്താൻ ശ്രമിക്കില്ലായിരുന്നു.

𝟰. അവൾ എഴുതിയത് ലോകത്തിൽ ഇല്ലാത്ത ഭാഷയാണെന്ന് ഭാഷാ വിദഗ്ധർ കണ്ടെത്തി. അപ്പോൾ അവർ സംസാരിച്ചതും വ്യാജഭാഷയാണെന്ന് വ്യക്തമാണ്. സംസാരിച്ചത് വ്യാജമാണെന്നതിൻ്റെ തെളിവാണ്, അതേ ആത്മാവിൽ എഴുതിയത് തെറ്റിപ്പോയത്.

𝟱. പർഹാമും ആഗ്നസ്സും മറ്റ് ശിഷ്യഗണങ്ങളുംകൂടി ലോകത്തുള്ള ഇരുപതിലേറെ ഭാഷകളിൽ സംസാരിച്ചതായി അവർതന്നെ അവകാശപ്പെട്ടു. എന്നാൽ ഒന്നുപോലും തെളിയിക്കപ്പെട്ടില്ല. അത് ബൈബിൾ പറയുന്ന ദൈവത്തോട് സംസാരിക്കുന്ന ഭാഷയിരുന്നെങ്കിൽ, ഇരുപതിലേറെ ഭാഷകളുടെ പേർ ഒരിക്കലും പറയില്ലായിരുന്നു. പറഞ്ഞ സ്ഥിതിക്ക് അവർക്ക്, അല്ലെങ്കിൽ, അവരിൽ വ്യാപരിച്ചിരുന്ന ആത്മാവിന് അത് തെളിയിക്കാൻ ബാധ്യതയുണ്ട്. എന്നാൽ അവർക്ക് ഒന്നും സാധിക്കാതെ മലക്കം മറിയുകയാണ് ചെയ്തതത്.

☛ തന്മൂലം, അവളിലും അവരിലും അന്ന് വ്യാപരിച്ചിരുന്നതും, അവരുടെ അനുയായികളിലൂടെ ഇന്നും അന്യഭാഷയെന്ന കോമാളിവേഷം കെട്ടിയാടുന്നതും പരിശുദ്ധാത്മാവല്ല; ദുരാത്മാവാണെന്ന് ഭാഷണവും വാക്കുകളും കൂടാതെ ആർക്കും മനസ്സിലാക്കാം.

☛ ഒന്നുകൂടി വ്യക്തമായി പറഞ്ഞാൽ: പർഹാമിൻ്റെ സ്കൂളിൽ ചരിത്രപരമായി ഉണ്ടായി എന്നവകാശപ്പെടുന്നതും അവർ വ്യാജമായി സംസാരിച്ച ഭാഷയുമല്ല ഇന്നത്തെ പെന്തൊക്കൊസ്തുകാർ സംസാക്കുന്ന അന്യഭാഷ. അവർ സംസാരിച്ചതും എഴുതിയതും ലിപിയുള്ള ഭാഷയായിരുന്നു. അവരുടെ വ്യാജം ചരിത്രപരമായി പൊളിഞ്ഞപ്പോൾ (ലോകഭാഷകളല്ല എന്ന് തെളിഞ്ഞപ്പോൾ) അവർ മലക്കംമിഞ്ഞ് ദൈവത്തോട് സംസാരിക്കുന്ന ഭാഷയാണെന്ന് ഭോഷ്ക്ക് പറയുകയാണ് ചെയ്തത്. ➟ആ ഭോഷ്ക്കാണ് ഇന്നത്തെ പെന്തെക്കൊസ്തുകാർ അനുഭവം എന്നുപറഞ്ഞ് എടുത്തിട്ടലക്കുന്ന വിഴുപ്പ്. ➟അതായത്, സാത്താന്യ ഭോഷ്കിലൂടെ ഒരു ചരിത്രമുണ്ടാക്കാൻ നോക്കി; അത് പാളിപ്പോയി. അപ്പോൾ വീണത് വിദ്യയാക്കിയതാണ് ഇന്നത്തെ വ്യാജ അന്യഭാഷ.

☛ ഈ വ്യാജ ചരിത്രം മറനീക്കി പുറത്തുവന്നതുകൊണ്ടോ, ഇനി ദൈവംതമ്പുരാൻ ഇറങ്ങിവന്ന് പറഞ്ഞാലോ പെന്തെക്കൊസ്തിലെ വ്യാജഭാഷാവരം നില്ക്കുമെന്ന് ഈയുള്ളവൻ കരുതുന്നില്ല. ദൈവം നീക്കിക്കളഞ്ഞിട്ടും ഉണ്ടെന്ന വ്യാജേന സഹവിശ്വാസികളെയും നാട്ടുകാരെയും കൊഞ്ഞനംകുത്തുന്ന ഈ ദൂഷണഭാഷ ഇനിയും കൂടത്തേയുള്ളൂ. സത്യവിശ്വാസം ദുർബലപ്പെട്ടുപോയാലും ഒരു അന്ധവിശ്വാസവും ഇല്ലാതാകാൻ പോകുന്നില്ല; എന്തെന്നാൽ അന്ധവിശ്വാസത്തിന്മേൽ അഴിഞ്ഞാടുന്നത് ഈ ലോകത്തിൻ്റെ ദൈവമാണ്. അവൻ തനിക്ക് ഇനി അല്പകാലംകൂടി മാത്രമേ ഉള്ളെന്ന് അറിഞ്ഞുകൊണ്ട് സകല മനുഷ്യരെയും ദുരുപദേശത്തിലേക്ക് വീണ്ടുംവീണ്ടും ഉദ്യമിപ്പിച്ചുകൊണ്ടിരിക്കും.

☛ ഇന്നത്തെ പെന്തെക്കൊസ്തുകാരുടെ വഞ്ചന:
➟ പെന്തെക്കൊസ്തുകാർ വിശ്വാസികളെ വഞ്ചിക്കുന്നത്: പെന്തെക്കൊസ്തുനാളിൽ അപ്പൊസ്തലന്മാർക്കുണ്ടായ പരിശുദ്ധാത്മാവിലൂടെയുള്ള അനുഭവമാണ് ഇതെന്ന് പറഞ്ഞുകൊണ്ടാണ്. എന്നാൽ ഇത് വായിക്കുന്ന ആരും തെറ്റിപ്പോകാതിരിക്കാൻ ഞാൻ ആ സത്യം പറയാം. ഇവരുടെ ഭാഷയ്ക്ക് പെന്തെക്കൊസ്തുനാളിലെ അന്യഭാഷയുമായി യാതൊരു ബന്ധവുമില്ല. സഭാ ചരിത്രത്തിൽ “നവപ്രവചനം” (New Prophecy) അല്ലെങ്കിൽ “മോണ്ടനിസം” (Montanism) എന്നറിയപ്പെടുന്ന ഒരു പാഷാണ്ഡ പ്രസ്ഥാനം രണ്ടാം നൂറ്റാണ്ടിന്റെ ഉത്തരാർദ്ധത്തിൽ ഏകദേശം എ.ഡി. 156-177 കാലത്ത് നിലനിന്നിരുന്നു.

☛ അതിന്റെ സ്ഥാപകൻ മോണ്ടനസ് (Montanus) ആയിരുന്നു. പ്രിസ്ക (Prisca/Priscilla), മാക്സിമില്ല (Maximilla) എന്ന രണ്ട് സ്ത്രീ അനുയായികളും പുള്ളിക്കുണ്ടായിരുന്നു. ഒരു ക്ഷേത്രത്തിലെ പൂജാരിയായിരുന്ന മോണ്ടാനസ്, പിന്നീട് ക്രിസ്ത്യാനിയാവുകയും തന്നിൽ പരിശുദ്ധാത്മാവ് പ്രത്യേകമായി ഇറങ്ങിവന്നുവെന്ന് അവകാശപ്പെടുകയും ചെയ്തു. തുടർന്ന് ഇയാൾ ബോധരഹിതനാവുകയും, തീവ്രമായ വികാരത്തോടെ അന്യഭാഷകളിൽ സംസാരിക്കുകയും, ഭാവികാര്യങ്ങൾ പ്രവചിച്ചുകൊണ്ട് സംസാരിക്കുകയും ചെയ്യുമായിരുന്നു. “തങ്ങളിലൂടെ നേരിട്ട് സംസാരിക്കുന്നത് ദൈവമാണെന്നും, തങ്ങളുടെ പ്രവചനങ്ങൾ ബൈബിളിനേക്കാൾ ഉപരിയാണെന്നും” ഈ ദുരുപദേശകർ അവകാശപ്പെട്ടിരുന്നു.

☛ ഏകദേശം 20–21 വർഷമായപ്പോൾ AD 177-ൽ പാഷണ്ഡത (Heresy) മുദ്രകുത്തി സഭ അവരെ പുറത്താക്കി. പിന്നെയും ഈ പ്രസ്ഥാനം ഉൾഗ്രാമങ്ങളിൽ തഴച്ചുവളർന്നു. ആറാം നൂറ്റാണ്ടിൽ (എ.ഡി 530-കളിൽ) ജസ്റ്റിനിയൻ ചക്രവർത്തി (Emperor Justinian) മോണ്ടാനിസ്റ്റുകളെ അടിച്ചമർത്താൻ സൈന്യത്തെ അയച്ചപ്പോൾ, കഠിനമായ പീഡനം ഭയന്ന് നിരവധി മോണ്ടാനിസ്റ്റുകൾ തങ്ങളുടെ ആരാധനാലയങ്ങൾക്ക് തീയിട്ട് അതിനുള്ളിൽ കിടന്ന് കൂട്ടത്തോടെ ആത്മഹത്യ ചെയ്യുകയുണ്ടായി. സഭാപിതാവെന്ന് അറിയപ്പെട്ടിരുന്ന തെർത്തുല്യനെപ്പോലും (Tertullian) തെറ്റിച്ചുകളഞ്ഞ ഈ പാഷാണ്ഡപ്രസ്ഥാനത്തിൻ്റെ നവ ഉദയമായിരുന്നു 1901-ലെ പെന്തെക്കൊസ്ത് പ്രസ്ഥാനം.

☛ ബൈബിളിലെ അന്യഭാഷയും, പെന്തെക്കൊസ്ത് അന്യഭാഷയും:
➟ ബൈബിളിലെ അന്യഭാഷ: “പുർണ്ണമായ അതു വരുമ്പോൾ അംശമായ വരങ്ങളായ പ്രവചനം, അന്യഭാഷ, ജ്ഞാനം മുതലായവ നിന്നും നീങ്ങിയും പോകും” എന്ന പൗലൊസിൻ്റെ പ്രവചനംപോലെ, പൂർണ്ണമായ ദൈവത്തിൻ്റെ വചനം (തിരുവെഴുത്തുകൾ) വന്നപ്പോൾ നിന്നുപോയി: (1കൊരി, 13:8-110). അതായത്, എ.ഡി. 96-ൽ യോഹന്നാൻ പത്മോസിൽവെച്ച് അവസാനത്തെ പുസ്തകമായ വെളിപ്പാട് പുസ്തകം എഴുതി അവസാനത്തെ കുത്തിട്ടപ്പോൾ, പൂർണ്ണമായ “അതു” വരികയും അംശമായ വരങ്ങൾ നീങ്ങിപ്പോകുകയും പൗലൊസിൻ്റെ പ്രവചനം അന്നേ നിവൃത്തിയാകുകയും ചെയ്തു.

☛ എന്നാൽ മോണ്ടനസ് (Montanus) എന്ന പാഷാണ്ഡിയിലൂടെ ഉണ്ടായ അന്യഭാഷയാണ് 1901-ൽ പുനർജനിച്ചതും ഉണ്ടെന്ന വ്യാജേന ഇന്നും പെന്തെക്കൊസ്തുകാർ തുടർന്നുപോരുന്നതും. ഇവരുടെ പ്രവചനങ്ങൾ വ്യാജമാണെന്ന് 2019-ലെ ആണ്ടറുതി യോഗത്തിൽ ചരിത്രപരമായി തെളിയിക്കപ്പെട്ടതാണ്. 2020-ൽ അനുഗ്രഹം വരുന്നെന്ന് പെന്തെക്കൊസ്തിലെ എല്ലാ വ്യാജന്മാരും ഒരുമിച്ച് പ്രവചിച്ചതാണ്. അത് കൊറോണ കൊണ്ടുപോയി. ഒരു പ്രവചനം ഒത്തു വന്നില്ലെങ്കിൽ അത് വ്യാജമാണെന്ന് ബൈബിൾ പറയുന്നു. അന്യഭാഷകളും വ്യാജമാണെന്ന് അവരുടെ മത്സരിച്ചുള്ള അന്യഭാഷകൾ കേട്ടിലറിയാം. ഇത് പഠിച്ചും കേട്ടും പറയുന്ന വ്യാജഭാഷകൾ മാത്രമാണ്.

☛ ബൈബിൾ വെളിപ്പെടുത്തുന്ന അന്യഭാഷ നിന്നുപോയിട്ട് ഇന്നേക്ക് ഏകദേശം 1930 വർഷങ്ങളായി. [കാണുക: പുർണ്ണമായത് എന്താണ്?]

📌 പെന്തെക്കൊസ്ത് അന്യഭാഷയും കത്തോലിക്കാ അന്യഭാഷയും ഒരു താരതമ്യം:
➟ ആധുനിക അന്യഭാഷാഭാഷണത്തിന് രണ്ട് ചരിത്രങ്ങളാണുള്ളത്: ആദ്യത്തേത്; 1901-ൽ അമേരിക്കയിലെ കൻസാസ് സിറ്റിയിലെ റ്റോപ്പിക്കയിൽ വെച്ച് (Topeka, Kansas, USA), “ആഗ്നസ് ഓസ്മാൻ” എന്ന പതിനെട്ടു വയസ്സുകാരി പെൺകുട്ടിയിലൂടെയും (യഥാർത്ഥ വയസ്സ് 30. ജനനനം: 1870. സംഭവം 1901), രണ്ടാമത്തത്; 1926-ൽ ജർമ്മനിയിലെ ബവേറിയയിലെ കൊന്നേർസ്രൂത്ത് (Konnersreuth, Bavaria, Germany) എന്ന ഗ്രാമത്തിൽവെച്ച് “തെരേസാ ന്യൂമാൻ” എന്ന ഇരുപത്തെട്ട് വയസ്സുകാരിയിലൂടെയുമാണ് (ജനനം: 1898 ഏപ്രിൽ 8).

☛ രണ്ടാം ചരിത്രം “കത്തോലിക്കാ അന്യഭാഷ” ഇങ്ങനെ: “ഒരു ജർമ്മൻ കത്തോലിക്കാ മിസ്റ്റിക്കും ‘പഞ്ചക്ഷതാനുഭവിയും’ (stigmatist) ആയിരുന്നു ‘തെരേസ ന്യൂമാൻ’ (1898-1962) ജർമ്മനിയിൽ ബവേറിയയിലെ കൊന്നേർസ്രൂത്ത് എന്ന ഗ്രാമത്തിൽ ജനിച്ച അവർ ജീവിതകാലം ചെലവഴിച്ചത് അവിടെയാണ്. ഒരു നിർദ്ധന കുടുംബത്തിൽ 1898-ലെ ദുഃഖവെള്ളിയാഴ്ച ജനിച്ച തെരേസയ്ക്ക് ഇരുപതാം വയസ്സിൽ സംഭവിച്ച വീഴ്ചയെ തുടർന്ന് കാഴ്ച നഷ്ടപ്പെടുകയും ശരീരം തളർന്നു പോവുകയും ചെയ്തു. ക്രമേണ കാഴ്ചശക്തിയും ശരീരസൗഖ്യവും തിരികെ കിട്ടിയ അവർ, 1923-ൽ  കത്തോലിക്കാ വിശുദ്ധയായ ‘ലിസ്യൂവിലെ കൊച്ചുത്രേസ്യ’ തനിക്കു പ്രത്യക്ഷപ്പെട്ട് സൗഖ്യം തന്നതാണെന്ന് അവകാശപ്പെട്ടു. ദിവസേന പ്രഭാതത്തിൽ സ്വീകരിച്ചിരുന്ന വിശുദ്ധ കുർബ്ബാനയുടെ അപ്പം ഒഴിച്ചുള്ള ഭക്ഷണപാനീയങ്ങൾ അവർ 1923 മുതൽ ഉപേക്ഷിച്ചെന്നും, എങ്കിലും ക്ഷീണമോ ശരീരക്ഷയമോ ഇല്ലാതെയിരുന്നെന്നും പറയപ്പെടുന്നു. 1926-ൽ അവരുടെ കൈകാലുകളിലും ഹൃദയഭാഗത്തും, ക്രൂശിതനായ യേശുവിന്റെ പഞ്ചക്ഷതങ്ങൾക്കു സമാനമായ മുറിവുകൾ പ്രത്യക്ഷപ്പെട്ടു. വെള്ളിയാഴ്ചകളിൽ പതിവായി ലഭിച്ചിരുന്ന ഒരാത്മീയദർശനത്തിൽ തെരേസ, യേശുവിന്റെ പീഡാസഹനങ്ങളുടെ അനുഭവത്തിലൂടെ കടന്നു പോയി. ജർമ്മൻ ഭാഷ മാത്രം അറിയാമായിരുന്ന അവർ ഈ ദർശനവേളകളിൽ അരമായ, ഗ്രീക്ക്, എബ്രായ ഭാഷകളിലെ വാക്കുകൾ ഉരുവിട്ടിരുന്നതായി പറയപ്പെടുന്നു. ⟦”ഒരു യോഗിയുടെ ആത്മകഥ”പരമഹംസ യോഗാനന്ദൻ, ജെയ്ക്കോ ബുക്കസ്, അദ്ധ്യായം 39 പുറങ്ങൾ 360-61⟧
  
☛ പെന്തെക്കൊസ്തുകാരുടെ അന്യഭാഷാചരിത്രം സത്യമാണെന്ന് വിശ്വസിക്കാമെങ്കിൽ, കത്തോലിക്കരുടെ അന്യഭാഷാ ചരിത്രത്തിന് എന്താണ് കുഴപ്പം? ആഗ്നസ് ഓസ്മാൻ രണ്ടു ഭാഷകൾ സംസാരിച്ചുവെങ്കിൽ, തെരാസാ ന്യൂമാൻ മൂന്നു ഭാഷകൾ സംസാരിച്ചു. ആഗ്നസ് ഓസ്മാൻ ചൈനീസും, ബോഹീമിയനുമാണ് സംസാരിച്ചതെങ്കിൽ; തെരാസാ ന്യൂമാൻ ബൈബിൾ മൂലഭാഷകളാണ് സംസാരിച്ചത്. ആഗ്നസ് ഓസ്മാൻ അന്യഭാഷ എഴുതിക്കാണിച്ചു; ബൈബിളിൽ ഒരിടത്തും അന്യഭാഷ എഴുതിയതായിട്ട് കാണുന്നില്ല; തെരാസാ ന്യൂമാനും അന്യഭാഷ ഏഴുതിയില്ല. തമ്മിൽ ഭേദം കത്തോലിക്കരുടെ അന്യഭാഷ തന്നെയല്ലേ? ഇവിടെ വചനവിരുദ്ധമായത് ഒന്നും കാണാനില്ല.

☛ എങ്കിലും പെന്തെക്കൊസ്തുകാർ പറയുന്നത്: കത്തോലിക്കർ രക്ഷിക്കപ്പെട്ടവരല്ല; അതുകൊണ്ട് അവരുടെ അന്യഭാഷ വ്യാജമാണ്; ഞങ്ങളുടെ അന്യഭാഷ മാത്രമാണ് സത്യം എന്നാണ്. ഇതിലെന്ത് ന്യായമാണുള്ളത്?

☛ യാക്കോബ്മല്ലുപിടിച്ചത് ദൈവത്തോടാണെന്നും ആ ദൈവം യേശുക്രിസ്തു ആയിരുന്നു എന്നൊക്കെ ചില ത്രിത്വവിശ്വാസികൾ വിചാരിക്കുന്നു. അതിലെ വസ്തുത എന്താണെന്ന് പരിശോധിക്കാം: “രാത്രിയിൽ അവൻ എഴുന്നേറ്റു. തന്റെ രണ്ടു ഭാര്യമാരെയും രണ്ടു ദാസിമാരെയും പതിനൊന്നു പുത്രന്മാരയും കൂട്ടി യാബ്ബോൿ കടവു കടന്നു. …. അപ്പോൾ ഒരു പുരുഷൻ ഉഷസ്സാകുവോളം അവനോടു മല്ലു പിടിച്ചു. അവനെ ജയിക്കയില്ല എന്നു കണ്ടപ്പോൾ അവൻ അവന്റെ തുടയുടെ തടം തൊട്ടു; …. എന്നെ വിടുക; ഉഷസ്സു ഉദിക്കുന്നുവല്ലോ എന്നു അവൻ പറഞ്ഞതിന്നു: നീ എന്നെ അനുഗ്രഹിച്ചല്ലാതെ ഞാൻ നിന്നെ വിടുകയില്ല എന്നു അവൻ പറഞ്ഞു. …. നീ ദൈവത്തോടും മനുഷ്യരോടും മല്ലുപിടിച്ചു ജയിച്ചതുകൊണ്ടു നിന്റെ പേർ ഇനി യാക്കോബ് എന്നല്ല യിസ്രായേൽ എന്നു വിളിക്കപ്പെടും എന്നു അവൻ പറഞ്ഞു. …. ഞാൻ ദൈവത്തെ മുഖാമുഖമായി കണ്ടിട്ടും എനിക്കു ജീവഹാനി വന്നില്ല എന്നു യാക്കോബ് പറഞ്ഞു, ആ സ്ഥലത്തിന്നു പെനീയേൽ എന്നു പേരിട്ടു.” (ഉല്പ, 32:22-30). 

☛ മേല്പറഞ്ഞ വേദഭാഗത്ത്, “നീ ദൈവത്തോടും മനുഷ്യരോടും മല്ലുപിടിച്ചു ജയിച്ചതുകൊണ്ടു നിന്റെ പേർ ഇനി യാക്കോബ് എന്നല്ല യിസ്രായേൽ എന്നു വിളിക്കപ്പെടും” എന്ന് പറഞ്ഞിരിക്കയാൽ, യാക്കോബ് മല്ലുപിടിച്ചത് ദൈവത്തോടാണെന്ന് പലരും വിചാരിക്കുന്നു. എന്നാൽ യബ്ബോക്ക് കടവിൽവെച്ച് യാക്കോബ് മല്ലുപിടിച്ചത് ദൈവത്തോടല്ല; ഒരു പുരുഷനോടാണ്. (ഉല്പ, 32:24). എന്നാൽ പ്രസ്തുത വേദഭാഗങ്ങൾ ശ്രദ്ധയോടെ പഠിപ്പാൽ, അവൻ മല്ലുപിടിച്ച പുരുഷൻ ദൈവമല്ല; ഒരു ദൂതനാണെന്ന് വ്യക്തമാകും:

❶ പുരുഷൻ: 
➦ “അപ്പോൾ ഒരു പുരുഷൻ ഉഷസ്സാകുവോളം അവനോടു മല്ലു പിടിച്ചു.” (ഉല്പ, 32:24). ഇവിടെപ്പറയുന്ന “പുരുഷൻ” (Man) എബ്രായയിൽ “Ish” (אִישׁ֙) ആണ്. ഇത്, പുല്ലിംഗ ഏകവചന നാമപദമാണ് (Masculine Singular Noun). അതായത്, മനുഷ്യരിലെ ”പുരുഷനെ” കുറിക്കുന്ന പദമാണ്. “ദൂതൻ/ദൂതന്മാർ” മനുഷ്യരൂപത്തിൽ വന്നിരിക്കുന്ന പല വേദഭാഗങ്ങൾ തിരുവെഴുത്തുകളിൽ കാണാം: മമ്രേയുടെ തോപ്പിൽ അബ്രാഹാം കണ്ട മൂന്ന് പുരുഷന്മാരിൽ (Three Men) രണ്ടുപേർ ദൂതന്മാരാണെന്ന് (Ha-Mal’akhim – Angels) അവിടെ വ്യക്തമായി പറഞ്ഞിട്ടുണ്ട്: (ഉല്പ, 18:22 – ഉല്പ, 19:1). ഇവിടെ, “പുരുഷന്മാർ” (Men) എന്നർത്ഥത്തിൽ “Anashim” (אֲנָשִׁים) എന്ന പുല്ലിംഗ ബഹുവചന നാമപദമാണ് (Masculine Plural Noun) ഉപയോഗിച്ചിരിക്കുന്നത്. യഹോവയുടെ സൈന്യത്തിൻ്റെ അധിപതിയായ ദൂതനെ യോശുവ കണ്ടത്, “ആൾ/പുരുഷൻ” (Man) ആയിട്ടാണ്. എബ്രായയിൽ “Ish” ആണ്: (യോശു, 5:13-14). ഗബ്രീയേൽ ദൂതനെ ദാനീയേൽ പ്രവാചകൻ ഒരു “പുരുഷൻ” (Ish – Man) ആയിട്ടാണ് കണ്ടത്: (ദാനീ, 9:21). സെഖര്യാപ്രവാചകൻ കണ്ട “പുരുഷനും” (Ish – Man) ദൂതൻ മനുഷ്യനായി വന്നതാണ്: (സെഖ, 1:8-9). 

❷ നീ ദൈവത്തോട് മല്ലുപിടിച്ചു:
➦ “നീ ദൈവത്തോടും മനുഷ്യരോടും മല്ലുപിടിച്ചു ജയിച്ചതുകൊണ്ടു നിന്റെ പേർ ഇനി യാക്കോബ് എന്നല്ല യിസ്രായേൽ എന്നു വിളിക്കപ്പെടും എന്നു അവൻ പറഞ്ഞു.” (ഉല്പ, 32:28). “നീ ദൈവത്തോടും മനുഷ്യരോടും മല്ലുപിടിച്ചു” എന്ന് ആ പുരുഷനും “ഞാൻ ദൈവത്തെ മുഖാമുഖമായി കണ്ടിട്ടും എനിക്കു ജീവഹാനി വന്നില്ല” എന്ന് യാക്കോബും പറയുന്നതുകൊണ്ടാണ് (ഉല്പ, 32:30) അവൻ ദൈവമാണെന്ന് വിചാരിക്കുന്നത്. എന്നാൽ യഹോവയുടെ ദൂതനെ “ദൈവം” (god) എന്ന് വിളിക്കുന്ന പല ഭാഗങ്ങളുണ്ട്: “യഹോവയുടെ ദൂതൻ മാനോഹെക്കും ഭാര്യക്കും പിന്നെ പ്രത്യക്ഷനായില്ല; അങ്ങനെ അതു യഹോവയുടെ ദൂതൻ എന്നു മാനോഹ അറിഞ്ഞു. ദൈവത്തെ കണ്ടതുകൊണ്ടു നാം മരിച്ചുപോകും എന്നു മാനോഹ ഭാര്യയോടു പറഞ്ഞു.” (ന്യായാ, 13:21-22). ആദ്യവാക്യത്തിൽ “യഹോവയുടെ ദൂതൻ” എന്ന് രണ്ടുപ്രാവശ്യം പറഞ്ഞശേഷം, “ദൈവത്തെ കണ്ടതുകൊണ്ടു നാം മരിച്ചുപോകും” എന്ന് പറയുന്നതാ ശ്രദ്ധിക്കുക. ഇവിടെ ദൈവത്തെ കുറിക്കുന്ന “എലോഹീം” (elohim) എന്ന പദമാണ്. ➟“നീ അവനെ ദൈവത്തെക്കാൾ അല്പം മാത്രം താഴ്ത്തി, തേജസ്സും ബഹുമാനവും അവനെ അണിയിച്ചിരിക്കുന്നു.” (സങ്കീ, 8:5). ഇവിടെ എബ്രായയിൽ, “മനുഷ്യപുത്രനെ ദൈവത്തെക്കാൾ (എലോഹീം) അല്പം മാത്രം താഴ്ത്തി” എന്നാണ്. എന്നാൽ LXX-ലും KJV, NKJV, NIV മുതലായ മിക്ക ഇംഗ്ലീഷ് പരിഭാഷകളിലും, പുതിയനിയമ ഉദ്ധരണിയിലും “ദൂതന്മാരെക്കാൾ (Angles) അല്പം മാത്രം താഴ്ത്തി” എന്നാണ്. (എബ്രാ, 2:7). 

☛ അതായത്, “ദൈവം” (God/god) എന്ന് പരിഭാഷ ചെയ്തിരിക്കുന്ന “എലോഹീം”  (Elohim – God) എന്ന പദം സത്യദൈവത്തിന് മാത്രമല്ല; ദൂതന്മാർക്കും ജാതികളുടെ ദേവീദേവന്മാർക്കും യിസ്രായേലിനും മോശെയ്ക്കും അഭിന്നമായി ഉപയോഗിച്ചിട്ടുണ്ട്: (ന്യായാ, 13:22; സങ്കീ, 8:5 ⁃ ന്യായാ, 9:27; ന്യായാ, 11:24; 1രാജാ, 11:5 ⁃ സങ്കീ, 82:1; സങ്കീ, 82:6 – യോഹ, 10:34-35 ⁃ പുറ, 4:16; പുറ, 7:1). “എലോഹീം” എന്ന പദത്തിന് ഉന്നതൻ, ബലവാൻ, ശക്തൻ എന്നൊക്കെയാണ് പദത്തിൻ്റെ അർത്ഥം. ദൈവത്തിൻ്റെ ആജ്ഞാനുവർത്തികളായ എലോഹീമുകൾ (ദൂതന്മാർ) മനുഷ്യരെക്കാൾ പലമടങ്ങ് ശക്തന്മാരാണ്: (2രാജാ, 19:35). അതുകൊണ്ടാണ്, “ശക്തനായവനോട് മല്ലുപിടിച്ചു ജയിച്ചു” എന്ന അർത്ഥത്തിൽ “എലോഹീമിനോട് മല്ലുപിടിച്ചു ജയിച്ചു” എന്ന് പറഞ്ഞിരിക്കുന്നത്. വചനപരമായ ചില തെളിവുകളും അവിടെക്കാണാം:  

❸ തുടയുടെ തടം തൊട്ടു:
➦ ഉഷസ്സാകുവോളം യാക്കോബിനോടു മല്ലു പിടിച്ചിട്ടും അവനെ ജയിക്കയില്ലെന്ന് ആ പുരുഷൻ കണ്ടപ്പോൾ, യാക്കോബിൻ്റെ തുടയുടെ തടമുളുക്കുന്ന ഒരു വിദ്യ പ്രയോഗിച്ചാണ് അവനെ ജയിച്ചത്. സത്യദൈവത്തേക്കാൾ ശക്തനാണ് യാക്കോബ് എന്നത് യുക്തിക്കും ബുദ്ധിക്കും നിരക്കുന്നതല്ല. 

❹ എന്നെ വിടുക; ഉഷസ്സു ഉദിക്കുന്നുവല്ലോ:
➦ ആ പുരുഷൻ യാക്കോബിനോട് പറയുന്നത്: “എന്നെ വിടുക; ഉഷസ്സു ഉദിക്കുന്നുവല്ലോ” എന്നാണ്. ഇത് കൃത്യസമയത്ത് മടങ്ങിച്ചെല്ലാൻ നിയോഗിക്കപ്പെട്ട ഒരു ദൂതൻ്റെ ഭാഷയാണ്. ദൈവം സർവ്വസ്വതന്ത്രനാണ്; സ്ഥലകാലസമയബദ്ധനുമല്ല. തന്മൂലം, ദൈവമയച്ച ഒരു ദൂതനുമായാണ് യാക്കോബ് മല്ലുപിച്ചതെന്ന് സംശയലേശമന്യേ മനസ്സിലാക്കാം. 

❺ തനാഖ്:
➦ എബ്രായരുടെ ഒദ്യോഗിക ബൈബിളായ തനാഖിൽ (Tanakh) ഇംഗ്ലീഷ് പരിഭാഷയുമുണ്ട്. അതിൽ “ദൂതൻ” (Angel) എന്ന് ബ്രാക്കറ്റിൽ കൊടുത്തിട്ടുണ്ട്: “And he said, Your name shall no longer be called Jacob, but Israel, because you have commanding power with [an 𝗮𝗻𝗴𝗲𝗹 of] God and with men, and you have prevailed.” [കാണുക: Gen, 32:28, Tanakh]. യാക്കോബ് മുഖാമുഖം കണ്ടതും ദൂതനെയാണെന്ന് പറഞ്ഞിട്ടുണ്ട്: “And Jacob named the place Peniel, for [he said,] I saw an 𝗮𝗻𝗴𝗲𝗹 face to face, and my soul was saved.” [കാണുക: Gen, 32:30, Tanakh].

❻ വിശുദ്ധഗ്രന്ഥം:
➦ സുറിയാനി (അരാമിക്) മൂലഗ്രന്ഥമായ പെശീത്തയിൽ (Peshitta) നിന്ന് മലയാളത്തിലേക്ക് വിവർത്തനം ചെയ്ത “വിശുദ്ധഗ്രന്ഥം” പരിഭാഷയിൽ രണ്ട് വാക്യങ്ങളിലും “മാലാഖ” (Angel) എന്നാണ്: “അവന്‍ ഇവനോട്: ഇനിയും നിന്‍റെ പേര് വിളിക്കപ്പെടുന്നത് യാക്കോബ് എന്നല്ല, എന്നാലോ ഇസ്രായേല്‍ എന്നായിരിക്കും. എന്തെന്നാല്‍ നീ മാലാഖയോടും മനുഷ്യനോടും ബലപ്രയോഗം നടത്തി ജയിച്ചിരിക്കുന്നു.” (ഉല്പ, 32:28), ➟“യാക്കോബ് ആ സ്ഥലത്തിനു പെനൂയേല്‍ എന്നു പേരു വിളിച്ചു. എന്തെന്നാല്‍ ഞാന്‍ മാലാഖയെ മുഖാമുഖം കണ്ടിട്ടും എന്‍റെ പ്രാണന്‍ വിടുവിപ്പിക്കപ്പെട്ടല്ലോ, എന്ന് അവന്‍ പറഞ്ഞു.” (ഉല്പ, 32:30)

❼ ഹോശേയ പ്രവചനം:
➦ പ്രവാചകനായ ഹോശേയ യാക്കോബിന്റെ ജീവിതത്തിലെ ചില സംഭവങ്ങളെ ഉപമയായി (Analogy/Example) എടുത്തുകൊണ്ട്, അവൻ്റെ സന്തതികളായ യിസ്രായേൽ ജനത്തോട് അല്ലെങ്കിൽ എഫ്രയീമിനെക്കുറിച്ച് പറയുമ്പോൾ, അക്കാര്യം കുറച്ചുകൂടി വ്യക്തമായി മനസ്സിലാക്കാം: “അവൻ (യാക്കോബ്) ഗർഭത്തിൽവെച്ചു തന്റെ സഹോദരന്റെ കുതികാൽ പിടിച്ചു; തന്റെ പുരുഷപ്രായത്തിൽ ദൈവത്തോടു പൊരുതി. അവൻ ദൂതനോടു പൊരുതി ജയിച്ചു; അവൻ കരഞ്ഞു അവനോടു അപേക്ഷിച്ചു; അവൻ ബേഥേലിൽവെച്ചു അവനെ കണ്ടെത്തി, അവിടെവെച്ചു അവൻ നമ്മോടു സംസാരിച്ചു. യഹോവ സൈന്യങ്ങളുടെ ദൈവമാകുന്നു; യഹോവ എന്നു ആകുന്നു അവന്റെ നാമം.” (ഹോശേ, 12:3-5). ഉല്പത്തിയിൽ പറയുന്നതുപോലെ “ദൈവത്തോട് പൊരുതി” എന്ന് ആദ്യവാക്യത്തിൽ പറഞ്ഞശേഷം: “അവൻ ദൂതനോടു പൊരുതി ജയിച്ചു” എന്ന് അടുത്ത വാക്യത്തിൽ പറയുന്നത് ശ്രദ്ധിക്കുക. അതായത്; ദൈവമയച്ച ഒരു ദൂതനോടാണ് യാക്കോബ് പൊരുതിയത്. ഇത്, എബ്രായ കാവ്യരചനയിലെ “പര്യായ സമാന്തരത്വം” (Synonymous Parallelism) എന്നൊരു രീതിയാണ്. അതായത്, ഒരേ ആശയത്തെ വ്യത്യസ്ത പദങ്ങൾകൊണ്ട് ആവർത്തിച്ച് പറയുന്ന രീതി. ഇയ്യോബിലും സങ്കീർത്തനങ്ങളിലും ഇതാവർത്തിച്ച് കാണാം: (ഇയ്യോ, 8:3; 23:16; സങ്കീ, 28:1; 91:1). യഥാർത്ഥത്തിൽ ദൈവത്തോടാണ് അവൻ പൊരുതിയതെങ്കിൽ, “അവൻ ദൂതനോടു പൊരുതി ജയിച്ചു” രണ്ടാമത് പറയില്ലായിരുന്നു. 

❽ Tanakh:
➦ തനാഖിൻ്റെ (Tanakh) രണ്ട് വാക്യങ്ങളിലും ദുതൻ (Angle) എന്നുതന്നെയാണ്: “In the womb, he seized his brother’s heel, and with his strength he strove with an angel. He strove with an angel and prevailed; he wept and beseeched him; In Bethel he shall find Him, and there He shall speak with us.” [കാണുക: Tanakh]. 

❾ Visudhagrandham:
“അവന്‍റെ പ്രവൃത്തികള്‍ക്കനുസരിച്ച് അവനു പകരം ചെയ്യും. അവന്‍ ഉദരത്തില്‍ വച്ചു തന്‍റെ സഹോദരന്‍റെ കുതികാല്‍ പിടിച്ചു. തന്‍റെ ശക്തിയാല്‍ ദൈവ മുമ്പില്‍ ശ്രേഷ്ഠനായി. അവന്‍ ദൂതനോട് പൊരുതി ജയിച്ചു. അവന്‍ കരഞ്ഞു അവനോട് അനുഗ്രഹം അപേക്ഷിച്ചു.” (ഹോശെ, 12:3-4). വിശുദ്ധഗ്രന്ഥം പരിഭാഷയുടെ ആദ്യഭാഗം: “ദൈവത്തോടു പൊരുതി” എന്നതിന് പകരം, “തന്‍റെ ശക്തിയാല്‍ ദൈവ മുമ്പില്‍ ശ്രേഷ്ഠനായി” എന്നാണ്. അടുത്തഭാഗം: “അവന്‍ ദൂതനോട് പൊരുതി ജയിച്ചു” എന്നാണ്. അതായത്, അവൻ ദൈവത്തോടല്ല; ദൂതനോടാണ് പൊരുതിയതെന്ന് ഇവിടെ വ്യക്തമായി മനസ്സിലാക്കാം.

❿ ബേഥേലിൽവെച്ചു അവനെ കണ്ടെത്തി:
➦ ഹോശേയയുടെ 4-5 വാക്യങ്ങൾ ഒന്നുകൂടി ശ്രദ്ധിക്കുക: “അവൻ ദൂതനോടു പൊരുതി ജയിച്ചു; അവൻ കരഞ്ഞു അവനോടു അപേക്ഷിച്ചു; അവൻ ബേഥേലിൽവെച്ചു അവനെ കണ്ടെത്തി, അവിടെവെച്ചു അവൻ നമ്മോടു സംസാരിച്ചു. യഹോവ സൈന്യങ്ങളുടെ ദൈവമാകുന്നു; യഹോവ എന്നു ആകുന്നു അവന്റെ നാമം.” യബ്ബോക്ക് നദിയുടെ അടുത്തുവെച്ചാണ് ദൂതനുമായി മല്ലുപിടിച്ചത്. എന്നാൽ സൈന്യങ്ങളുടെ യഹോവയെ കണ്ടെത്തിയതും സംസാരിച്ചതും ബേഥേലിൽ വെച്ചാണ്. ഇവിടെ വ്യക്തമായി പറയുന്ന ഒരുകാര്യമുണ്ട്: യാക്കോബ് യഹോവയെ കണ്ടതും സംസാരിച്ചതും യാബോക്ക് കടവിൽവെച്ചല്ല; ബേഥേലിൽ വെച്ചാണ്. (ഉല്പ, 35:9-10 – 35:1; 35:7; 48:3). 
☛ അതായത്, ദൈവം യാക്കോബിന് പ്രത്യക്ഷമായത് രണ്ടുപ്രാവശ്യമാണ്. പദ്ദൻ-ആരാമിലേക്ക് പോകുമ്പോഴും തിരികെ വരുമ്പോഴും. (ഉല്പ, 28:12-13 ⁃ 35:1; 35:7. 35:9-10; 48:3). രണ്ടുപ്രാവശ്യവും ലൂസിൽവെച്ചാണ് യഹോവ പ്രത്യക്ഷനായത്. യാക്കോബ് ഏശാവിനെ പേടിച്ച് പദ്ദൻ-അരാമിൽ ബെഥൂവേലിൻ്റെ വീട്ടിലേക്ക് പോകുമ്പോൾ ബേഥേലിൽ വെച്ചാണ് ദൈവം ആദ്യമായി യാക്കോബിന് പ്രത്യക്ഷനാകുന്നത്. (ഉല്പ, 28:10-12). ബേഥേലിൻ്റെ പഴയ പേര് ലൂസ് എന്നാണ്: (ഉല്പ, 28:19). പദ്ദൻ-അരാമിൽനിന്ന് തൻ്റെ ഭാര്യമാരും മക്കളുമായി തിരികെപ്പോരുമ്പോൾ യാബോക്ക് നദി കടന്ന് ദൂതനുമായി മല്ലുപിടിച്ചശേഷം ലൂസ് എന്ന ബേഥേലിൽ വീണ്ടും എത്തിയപ്പോഴാണ്, ദൈവം അവന് രണ്ടാമത് പ്രത്യക്ഷനായത്:  (ഉല്പ, 35:9-10; 48:3). അവൻ സ്ഥലത്ത് ഒരു യാഗപീഠം പണിയുകയും, ആ സ്ഥലത്തിന്നു ഏൽ-ബേഥേൽ എന്നു പേർ വിളിക്കുകയും ചെയ്തു. (ഉല്പ, 35:6-7). 

☛ യഹോവ തന്നെയാണ് യേശു എന്ന് പറയുന്നവരോട് ഒന്നേ പറയാനുള്ളൂ: അക്കാര്യം യഹോവയ്ക്കോ, യേശുവിനോ അറിയില്ലായിരുന്നു. ➟“സ്ത്രീയുടെ സന്തതി, ➟മോശെയെപ്പോലെ ഒരു പ്രവാചകൻ“ എന്നൊക്കെയാണ് യഹോവ യേശുവിനെക്കുറിച്ച് പറഞ്ഞത്: (ഉല്പ, 3:15 ⁃⁃ ആവ, 18:18). ➟അല്ലാതെ ഞാനാണ് യേശു എന്നല്ല പറഞ്ഞത്. ➟“ദൈവമായ കർത്താവു ഏക കർത്താവു, ➟പിതാവാണ്, ഏകദൈവം (Monos Theos ⁃ The only God), ➟പിതാവാണ്, ഏകസത്യദൈവം (Ho monos alethinos Theos ⁃ The only true God), ➟പിതാവ് എന്നെക്കാൾ വലിയവനാണ്, ➟പിതാവ് എൻ്റെ ദൈവമാണ്, താൻ മനുഷ്യനാണു“ എന്നൊക്കെയാണ് യേശു യഹോവയെക്കുറിച്ച് പഠിപ്പിച്ചത്: (മർക്കൊ, 12:29-32; യോഹ, 5:44 ⁃⁃ യോഹ, 17:3 ⁃⁃ യോഹ, 14:29 ⁃⁃ മത്താ, 27:46; മർക്കൊ, 15:34; യോഹ, 20:17). ➟അല്ലാതെ ഞാനാണ് യഹോവ എന്നല്ല പഠിപ്പിച്ചത്. ➟യഹോവയായ ഏകദൈവത്തെയും ദൈവത്തിൻ്റെ ക്രിസ്തുവിനെയും അറിയാത്തവർക്കും അംഗീകരിക്കാത്തവർക്കും വിശ്വസിക്കാത്തവർക്കും എതിർക്കുന്നവർക്കും എന്തും വിശ്വസിക്കാം. ➟യേശു ആരാണെന്ന് ഇന്നും അനേകർക്കും അറിയില്ല എന്നതാണ് വാസ്തവം:

☛ യേശു ആരാണ്?
➦ യേശു ആരാണ്; അല്ലെങ്കിൽ അവൻ്റെ അസ്തിത്വം (𝗘𝘅𝗶𝘀𝘁𝗲𝗻𝗰𝗲) എന്താണ് എന്ന് ചോദിച്ചാൽ: ➟അവൻ ദൈവത്തിൻ്റെ ജഡത്തിലെ വെളിപ്പാടാണ്. ➟ആദ്യകാല ആധുനിക ഇംഗ്ലീഷ് പരിഭാഷകളിലും (Early Modern English Translations), സാമാന്തര ഗ്രീക്ക് വേഷനുകളിലും മലയാളത്തിലെ ബെഞ്ചമിൻ ബെയ്ലി പരിഭാഷകളിലും 𝗧𝗵𝗲𝗼𝘀 𝗲𝗽𝗵𝗮𝗻𝗲𝗿𝗼𝘁𝗵𝗲 𝗲𝗻 𝘀𝗮𝗿𝗸𝗶 ⁃⁃ 𝗚𝗼𝗱 𝘄𝗮𝘀 𝗺𝗮𝗻𝗶𝗳𝗲𝘀𝘁 𝗶𝗻 𝘁𝗵𝗲 𝗳𝗹𝗲𝘀𝗵 (ദൈവം ജഡത്തിൽ വെളിപ്പെട്ടു) എന്നാണ്: (Stephanus 1550, Beza 1598, Elzevir 1624, Scrivener 1894 ⁃⁃ Tyndale 1526, 1534, Coverdale 1535, Matthew’s 1537, The Great 1539, Geneva 1560, Bishops 1568, King James 1611 ⁃⁃ ബെ,ബെ). ➟അതാണ് പൗലൊസിലൂടെ വെളിപ്പെടുത്തപ്പെട്ട ദൈവഭക്തിയുടെ മർമ്മം: (1Tim. 3:16). ➟മശീയാനിക് യെഹൂദന്മാരുടെപരിഭാഷ (NMV) പരിശോധിച്ചാൽ 𝗚𝗼𝗱-𝗧𝗵𝗲 𝗙𝗮𝘁𝗵𝗲𝗿 𝘄𝗮𝘀 𝗺𝗮𝗻𝗶𝗳𝗲𝘀𝘁 𝗶𝗻 𝘁𝗵𝗲 𝗳𝗹𝗲𝘀𝗵 എന്ന് കാണാൻ കഴിയും: [കാണുക: NMV]. ➟അതായത്, ദൈവം അവതാരം (Incarnation) എടുത്തതോ, വേഷംമാറി (Disguise) വന്നതോ അല്ല; ➟ദൈവം തൻ്റെ ജഡത്തിലെ വെളിപ്പാടിനായി (1തിമൊ, 3:16) കന്യകയിൽ പ്രകൃതൃതീതമായി ഉല്പാദിപ്പിച്ച (മത്താ, 1:20; ലൂക്കൊ, 2:21) ദൂതന്മാരെക്കാൾ അല്പമൊരു താഴ്ചവന്ന (എബ്രാ, 2:9) ദേഹവും (1പത്രൊ, 2:24) ദേഹിയും (മത്താ, 26:38) ആത്മാവുമുള്ള (ലൂക്കൊ, 23:46) പാപരഹിതനായ (1യോഹ, 3:5) ഏകമനുഷ്യനാണ് യേശുക്രിസ്തു: (റോമ, 5:15). ➟❝ജഡത്തിൽ വെളിപ്പെട്ടത് ഏകദൈവമായ പിതാവും; വെളിപ്പാട് പുത്രനുമാണ്.❞ (യോഹ, 1:18). ➟അതായത്, യേശു എന്ന് പേരുള്ള മനുഷ്യൻ്റെ അസ്തിത്വം (𝗘𝘅𝗶𝘀𝘁𝗲𝗻𝗰𝗲) എന്നത്: ദൈവത്തിൻ്റെ ജഡത്തിലെ വെളിപ്പാട് (𝗧𝗵𝗲 𝗠𝗮𝗻𝗶𝗳𝗲𝘀𝘁𝗮𝘁𝗶𝗼𝗻 𝗼𝗳 𝗚𝗼𝗱 𝗶𝗻 𝘁𝗵𝗲 𝗙𝗹𝗲𝘀𝗵) അല്ലെങ്കിൽ, ദൈവത്തിൻ്റെ മനുഷ്യപ്രത്യക്ഷത (𝗧𝗵𝗲 𝗵𝘂𝗺𝗮𝗻 𝗺𝗮𝗻𝗶𝗳𝗲𝘀𝘁𝗮𝘁𝗶𝗼𝗻 𝗼𝗳 𝗚𝗼𝗱) എന്നാണ്. ➟യേശു യഹോവയായ ഏകദൈവത്തിൻ്റെ ജഡത്തിലെ വെളിപ്പാടാകയാൽ, അവൻ്റെ പൂർവ്വാസ്തിത്വം (𝗣𝗿𝗲-𝗘𝘅𝗶𝘀𝘁𝗲𝗻𝗰𝗲) സകലത്തിനും കാരണഭൂതനായ യഹോവ എന്ന നിലയിലാണ്. ➟അവൻ ഏകദൈവമായ യഹോവയുടെ ജഡത്തിലെ വെളിപ്പാടായതുകൊണ്ടും, അവൻ്റെ പൂർവ്വാസ്തിത്വം യഹോവയിൽത്തന്നെ ആയതുകൊണ്ടുമാണ്, ➟യഹോവയെക്കുറിച്ചുള്ള പ്രവചനങ്ങളെല്ലാം യേശുവിൽ നിവൃത്തിയാകുന്നത്. ➟ഉദാ: (യെശ, 25:8-9⁃⁃എബ്രാ, 2:14-15; യെശ, 29:18; യെശ, 35:3-6⁃⁃ലൂക്കൊ, 7:22; യെശ, 40:3; മലാ, 31⁃⁃യോഹ, 1:23; സെഖ, 12:10 വി.ഗ്ര; KJV⁃⁃യോഹ, 19:37). ➟[കാണുക: ദൈവഭക്തിയുടെ മർമ്മം; ക്രിസ്തുവിനെ അറിയുക; ക്രിസ്ത്യാനിയാകുക]. 

☛ 𝗧𝗵𝗲 𝗡𝗲𝘄 𝗠𝗲𝘀𝘀𝗶𝗮𝗻𝗶𝗰 𝗩𝗲𝗿𝘀𝗶𝗼𝗻
➦ മശീയാനിക് യെഹൂദന്മാരുടെ പരിഭാഷയെക്കുറിച്ച് മുകളിൽ സൂചിപ്പിച്ചതാണ്. ➟ഈ പരിഭാഷയിൽ സവിശേഷമായ മറ്റൊരു കാര്യംകൂടി കാണാം. ➟പഴയപുതിയനിയമങ്ങളിൽ യഹോവ (Yehovah) എന്ന ദൈവനാമം വരുന്നിടത്തൊക്കെ 𝗟𝗢𝗥𝗗-𝗬𝗲𝗵𝗼𝘃𝗮𝗵 (𝗠𝗲𝘀𝘀𝗶𝗮𝗵 𝗣𝗿𝗲-𝗜𝗻𝗰𝗮𝗿𝗻𝗮𝘁𝗲) എന്നാണ് കാണുന്നത്: (Gen, 2:4 ⁃⁃ Mat, 4:7). ➟“യഹോവയായ കർത്താവ് (മിശിഹാ അവതാരത്തിനു മുമ്പേ)“ എന്നാണർത്ഥം. ➟എന്നുവെച്ചാൽ, ക്രിസ്തു മനുഷ്യനായി വെളിപ്പെടുംമുമ്പേ യഹോവ ആയിരുന്നു എന്നാണ് അവർ മനസ്സിലാക്കുന്നത്. ➟“അവതാരം“ (𝗜𝗻𝗰𝗮𝗿𝗻𝗮𝘁𝗶𝗼𝗻) എന്നൊരു പദം മൂലഭാഷയിൽ ഉള്ളതല്ല. ➟ക്രിസ്തു ആരുടെയും അവതാരമല്ല. ➟പിതാവായ ദൈവത്തിൻ്റെ ജഡത്തിലെ വെളിപ്പാടാണെന്ന് 𝗡𝗠𝗩-ടെ പരിഭാഷയിൽത്തന്നെ പറഞ്ഞിട്ടുണ്ട്. ➟ദൈവഭക്തിയുടെ മർമ്മത്തിൽ: 𝗚𝗼𝗱-𝗧𝗵𝗲 𝗙𝗮𝘁𝗵𝗲𝗿 𝘄𝗮𝘀 𝗺𝗮𝗻𝗶𝗳𝗲𝘀𝘁 𝗶𝗻 𝘁𝗵𝗲 𝗳𝗹𝗲𝘀𝗵 എന്നാണ് കാണുന്നത്: (1Tim, 3:16). ➟ദൈവത്തിൻ്റെ ജഡത്തിലെ വെളിപ്പാടിനെക്കുറിച്ച് മുകളിൽ നാം കണ്ടതാണ്. ➟അതിനാൽ, 𝗣𝗿𝗲-𝗜𝗻𝗰𝗮𝗿𝗻𝗮𝘁𝗶𝗼𝗻 എന്നതിനെ: 𝗣𝗿𝗲-𝗠𝗮𝗻𝗶𝗳𝗲𝘀𝘁𝗮𝘁𝗶𝗼𝗻 എന്നോ, 𝗣𝗿𝗲-𝗘𝘅𝗶𝘀𝘁𝗲𝗻𝗰𝗲 എന്നോ മനസ്സിയാക്കിയാൽ മതി. ➟അതായത്, മനുഷ്യനായി മറിയത്തിലൂടെ വെളിപ്പെട്ട യേശുവിൻ്റെ പൂർവ്വാസ്തിത്വത്തെ സകലത്തിനും കാണഭൂതനായ യഹോവ എന്ന നിലയിലാണ് മശീയാനിക് യെഹൂദന്മാർ മനസ്സിലാക്കുന്നത്. ➟ദൈവത്തിൻ്റെ വചനം ഭരമേല്പിക്കപ്പെട്ടവരും (സങ്കീ, 147:19-20; യോഹ, 10:35; റോമ, 3:2; റോമ, 9:4) ➟ദൈവം പഴയപുതിയനിയമങ്ങൾ ചെയ്ത ഏകജാതിയും എന്ന നിലയിൽ മശീയാനിക് യെഹൂദന്മാരുടെ ഉപദേശം നൂറുശതമാനം വിശ്വാസയോഗ്യമാണ്: (പുറ, 20:1-18; പുറ, 24:3-11 ⁃⁃ യിരെ, 31:31-34; എബ്രാ, 8:8-12).). ➟[കാണുക: യെഹൂദന്നു എന്തു വിശേഷത?]

☛ മനുഷ്യപ്രത്യക്ഷത എന്തിന്?
➦ മനുഷ്യരെല്ലാം പാപികളായതുകൊണ്ട് (ഇയ്യോ, 15:14;25:4;സഭാ, 7:20;റോമ, 3:23;5:12) ➟മനുഷ്യന് മനുഷ്യൻ്റെ പാപം പോക്കാൻ കഴിയാത്തതിനാൽ (സങ്കീ, 49:7-9), ➟പാപത്തിൻ്റെ ശമ്പളം മരണം (റോമ, 6:23), ➟പാപം ചെയ്യുന്ന ദേഹി മരിക്കും (യെഹെ, 18:4;18:20), ➟രക്തം ചൊരിഞ്ഞിട്ടല്ലാതെ വിമോചനമില്ല (എബ്രാ, 9:22) എന്ന ദൈവനീതി നിവൃത്തിക്കാൻ ➟മാറ്റമോ, മരണമോ ഇല്ലാത്ത ഏകദൈവമായ യഹോവ തന്റെ ജഡത്തിലെ വെളിപ്പാടിനായി, ➟കന്യകയിലൂടെ പ്രകൃത്യാതീതമായി ഒരു മനുഷ്യനെ ഉല്പാദിപ്പിച്ചിട്ട്, ➟അവൻ്റെ രക്തത്താലും മരണത്താലുമാണ് പാപപരിഹാരം വരുത്തിയത്: (ലൂക്കൊ, 1:68, 1തിമൊ, 3:16 ബെ,ബെ; മത്താ, 1:20; ലൂക്കൊ, 2:21; 1പത്രൊ, 1:18-18; എബ്രാ, 2:14-15). ➟അതായത്, പ്രവചനംപോലെ തൻ്റെ ജനത്തെ അവരുടെ പാപങ്ങളിൽനിന്ന് രക്ഷിക്കാൻ ➟യിസ്രായേലിൻ്റെ ദൈവമായ യഹോവ തൻ്റെ ജഡത്തിലെ വെളിപ്പാടിനായി ➟മറിയയെന്ന കന്യകയിലൂടെ ഉല്പാദിപ്പിച്ച വിശുദ്ധപ്രജ അഥവാ, പാപരഹിതനായ മനുഷ്യനാണ് യേശു: (സങ്കീ, 40:6⁃⁃എബ്രാ, 10:5; യെശ, 7:14⁃⁃ മത്താ, 1:21; ഉല്പ, 3:15⁃⁃എബ്രാ, 2:14-15; ആവ, 18:15; 18:18⁃⁃പ്രവൃ, 3:22-23, 7:37; സങ്കീ, 49:7-9⁃⁃എബ്രാ, 2:12; മത്താ, 1:18; 1:20; 1:35; ലൂക്കൊ, 2:21; 1യോഹ, 3:5; യോഹ, 8:40). ➟പരിശുദ്ധാത്മാവ് കന്യകയിൽ ഉല്പാദിപ്പിച്ചത് ഒരു ദൈവത്തെയോ, ദൈവവും മനുഷ്യനുമെന്ന ഇരുപ്രകൃതിയുള്ളവനെയോ അല്ല: ➟യേശു എന്നു പേരുള്ള മനുഷ്യനെയാണ്: (ലൂക്കൊ, 1:31 ⁃⁃ യോഹ, 9:11). ➟ആദാമ്യപാപത്തിന് തൻ്റെ രക്തത്താലും മരണത്താലും പരിഹാരം വരുത്തേണ്ടത് ➟രക്തമോ, മരണമോ ഇല്ലാത്ത ദൈവമോ, ദൂതനോ അല്ല; പാപരഹിതനായ ഒരു മനുഷ്യനാണ്. ➟അങ്ങനെയൊരു മനുഷ്യൻ ഭൂമിയിൽ ഇല്ലാത്തതുകൊണ്ടാണ് യഹോവയായ ഏകദൈവം ഒരു മനുഷ്യപ്രത്യക്ഷത (𝗧𝗵𝗲 𝗵𝘂𝗺𝗮𝗻 𝗺𝗮𝗻𝗶𝗳𝗲𝘀𝘁𝗮𝘁𝗶𝗼𝗻) എടുത്തത്.

☛ അതിനാൽ, യേശു യഹോവയുടെ മനുഷ്യപ്രത്യക്ഷയാണ് (𝗧𝗵𝗲 𝗵𝘂𝗺𝗮𝗻 𝗺𝗮𝗻𝗶𝗳𝗲𝘀𝘁𝗮𝘁𝗶𝗼𝗻 𝗼𝗳 𝗚𝗼𝗱) എന്നും, യഹോവ യേശുവിൻ്റെ പുർവ്വാസ്തിത്വമാണ് (𝗣𝗿𝗲-𝗘𝘅𝗶𝘀𝘁𝗲𝗻𝗰𝗲) എന്നും അസന്ദിഗ്ധമായി മനസ്സിലാക്കാം. ➟അതിനാൽ യഹോവ തന്നെയാണ് യേശു എന്ന് പറയാൻ കഴിയില്ല. ➟കാരണം നമുക്ക് പിതാവും പുത്രനുമുണ്ട്: (1യോഹ, 2:22-23 ⁃⁃ 2യോഹ, 1:9-10). ➟എന്നാൽ യഹോവയും യേശുവും അല്ലെങ്കിൽ, പിതാവും പുത്രനും ഒന്നാണെന്ന് പറയാം: (യോഹ, 10:30 ⁃⁃ Joh, 8:24; Joh, 8:28; Joh, 8:58; യോഹ, 14:9). ➟താൻ ദൈവത്തിൻ്റെ മനുഷ്യപ്രത്യക്ഷത ആയതുകൊണ്ടാണ്, “ഞാനും പിതാവും ഒന്നാകുന്നു, എന്നെ കണ്ടവൻ പിതാവിനെ കണ്ടിരിക്കുന്നു” എന്നെക്കെ ക്രിസ്തു പഠിപ്പിച്ചത്.

☛ ഒരു ക്രിസ്തുവിൻ്റെ അനുയായി മൂന്ന് കാര്യങ്ങൾ മറക്കരുത്: 
❶ പിതാവായ ഏകദൈവവും യേശുക്രിസ്തു എന്ന ഏകകർത്താവും നമുക്കുണ്ട്. ➟പിതാവായ യഹോവയല്ലാതെ മറ്റൊരു ദൈവം സ്വർഗ്ഗത്തിലും ഭൂമിയിലും ഇല്ലെന്നാണ് പഴയപുതിയനിയമങ്ങൾ അസന്ദിഗ്ദ്ധമായി പഠിപ്പിക്കുന്നത്: 
☛ “മീതെ സ്വർഗ്ഗത്തിലും താഴെ ഭൂമിയിലും യഹോവ തന്നേ ദൈവം, മറ്റൊരുത്തനുമില്ല എന്നു നീ ഇന്നു അറിഞ്ഞു മനസ്സിൽ വെച്ചുകൊൾക.“ (ആവ, 4:39 ⁃⁃ആവ, 3:24;യോശു, 2:11;1രാജാ, 8:23;2ദിന, 6:14;സങ്കീ, 73:25). 
☛ “ആകാശത്തിലോ (𝐇𝐞𝐚𝐯𝐞𝐧) ഭൂമിയിലോ ദേവന്മാർ (𝐠𝐨𝐝𝐬) എന്നു പേരുള്ളവർ (വിളിക്കപ്പെടുന്നവർ) ഉണ്ടെന്നുവരികിലും പിതാവായ ഏക ദൈവമേ നമുക്കുള്ളു; അവൻ സകലത്തിന്നും കാരണഭൂതനും നാം അവന്നായി ജീവിക്കേണ്ടതും ആകുന്നു.” (1കൊരി, 8:5-6 ⁃⁃ റോമ, 16:26, എഫെ, 4:6; 1തിമൊ, 1:17; യൂദാ, 1:24).
☛ ക്രിസ്തു തൻ്റെ ശുശ്രൂഷയിലൂടെയും മഹാപൂരോഹിത്യ പ്രാർത്ഥനയിലൂടെയും അക്കാര്യമാണ് അസന്ദിഗ്ദ്ധമായി പഠിപ്പിച്ചത്: (മത്താ, 4:10; മത്താ, 24:36; മർക്കൊ, 12:29; യോഹ, 5:44; യോഹ, 17:3;).

❷ ദൈവകൃപയും ഏകമനുഷ്യനായ യേശുക്രിസ്തുവിൻ്റെ കൃപയാലുള്ള ദാനവുമാണ് മനുഷ്യരുടെ രക്ഷ: 
➦ “ലംഘനത്തിന്റെ കാര്യവും കൃപാവരത്തിന്റെ കാര്യവും ഒരുപോലെയല്ല; ഏകന്റെ ലംഘനത്താൽ അനേകർ മരിച്ചു എങ്കിൽ ദൈവകൃപയും ഏകമനഷ്യനായ യേശുക്രിസ്തുവിന്റെ കൃപയാലുള്ള ദാനവും അനേകർക്കു വേണ്ടി ഏറ്റവും അധികം കവിഞ്ഞിരിക്കുന്നു.“ (റോമ, 9:5). ➨“കര്‍ത്താവായ യേശുവിന്റെ കൃപയാൽ രക്ഷപ്രാപിക്കും എന്നു നാം വിശ്വസിക്കുന്നതു പോലെ അവരും വിശ്വസിക്കുന്നു.“ (പ്രവൃ, 15:11). ➟ദൈവത്തിൻ്റെ ജഡത്തിലെ വെളിപ്പാടായ യേശു എന്ന് പേരുള്ള പാപരഹിതനായ ഏകമനുഷ്യനാണ് നമ്മുടെ പാപത്തിൻ്റെ വില ഏകദൈവത്തിന് കൊടുത്തത്: (യോഹ, 9:11; 1യോഹ, 3:5 ⁃⁃ എഫെ, 5:2; 1തിമൊ, 2:5-6; എബ്രാ, 2:9). ➟അതിനാൽ ഏകമനുഷ്യനായ യേശുക്രിസ്തുവിനെ തള്ളുന്നവർ സ്വന്തരക്ഷയാണ് തള്ളുന്നത്.

❸ ഒരേയൊരു സത്യദൈവമായ പിതാവ് (Pater ho monos alethinos Theos ⁃⁃ Father, the only true God) യേശുവിൻ്റെ ദൈവവും നമ്മുടെ ദൈവവുമാണ്: (𝐉𝐨𝐡, 𝟏𝟕:𝟑 ⁃⁃ 𝟐𝐊𝐢𝐧, 𝟏𝟗:𝟏𝟓)
➦ യേശുക്രിസ്തുവും പൗലൊസും പത്രൊസും യോഹന്നാനും ഈ വസ്തുത വെളിപ്പെടുത്തിയിട്ടുണ്ട്: ➟“യേശു അവളോടു: എന്നെ തൊടരുതു; ഞാൻ ഇതുവരെ പിതാവിന്റെ അടുക്കൽ കയറിപ്പോയില്ല; എങ്കിലും നീ എന്റെ സഹോദരന്മാരുടെ അടുക്കൽ ചെന്നു: എന്റെ പിതാവും നിങ്ങളുടെ പിതാവും എന്റെ ദൈവവും നിങ്ങളുടെ ദൈവവുമായവന്റെ അടുക്കൽ ഞാൻ കയറിപ്പോകുന്നു എന്നു അവരോടു പറക എന്നു പറഞ്ഞു.“ (𝐉𝐨𝐡, 𝟐𝟎:𝟏𝟕 ⁃⁃ 𝐌𝐚𝐭, 𝟐𝟕:𝟒𝟔; 𝐌𝐚𝐫, 𝟏𝟓:𝟑𝟒). ➟“നമ്മുടെ കർത്താവായ യേശുക്രിസ്തുവിന്റെ ദൈവവും പിതാവുമായി എന്നേക്കും വാഴ്ത്തപ്പെട്ടവൻ ഞാൻ ഭോഷ്കല്ല പറയുന്നതു എന്നറിയുന്നു.“ (𝟐𝐂𝐨𝐫, 𝟏𝟏:𝟑𝟏 ⁃⁃ 𝐑𝐨𝐦, 𝟏𝟓:𝟓; 𝟐𝐂𝐨𝐫, 𝟏:𝟑; 𝐄𝐩𝐡, 𝟏:𝟑; 𝐄𝐩𝐡, 𝟏:𝟏𝟕; 𝐂𝐨𝐥, 𝟏:𝟓; 𝟏𝐏𝐞𝐭, 𝟏:𝟑; 𝐑𝐞𝐯, 𝟏:𝟔). ➟പിതാവ് തൻ്റെ ദൈവമാണെന്ന് യേശുവും യേശുവിൻ്റെ ദൈവമാണെന്ന് അപ്പൊസ്തലന്മാരും 𝟭𝟭 വാക്യങ്ങളിലായി 𝟭𝟯 പ്രാവശ്യം പറഞ്ഞിരിക്കെ, അതിനെ അവിശ്വസിക്കാൻ ആവശ്യമുണ്ടോ? ➟യഥാർത്ഥത്തിൽ യഹോവ തന്നെയാണ് യേശുവെങ്കിൽ, യേശുക്രിസ്തുവിൻ്റെ ദൈവം ആരാണെന്ന് പറയും?

☛ ഉപായിയായ സർപ്പത്തിൻ്റെ വഞ്ചന:
➦ ❝പൗലൊസിൻ്റെ ഭയംപോലെ ഏകപുരുഷനായ (𝐌𝐚𝐧) ക്രിസ്തുവിനോടുള്ള ഏകാഗ്രതയും നിർമ്മലതയും വിട്ട് സഭ വഷളായിപ്പോകാനും ഏകസത്യദൈവത്തെ തള്ളി മനുഷ്യനെ ദൈവമാക്കാനും ഉപായിയായ സർപ്പത്തിൻ്റെ ചതിയാൽ ഉണ്ടായ വേറൊരു സുവിശേഷമാണ് പലരും വിശ്വസിക്കുന്നത്: (2കൊരി, 11:2-4). ➟ദൈവകൃപയും ഏകമനുഷ്യനായ യേശുക്രിസ്തുവിൻ്റെ കൃപയാലുമാണ് രക്ഷയെന്നുപോലും പലർക്കും അറിയില്ല: (റോമ, 5:15 ⁃⁃ പ്രവൃ, 15:12). ➟ചിലർക്ക് വിവാഹനിശ്ചയം കഴിഞ്ഞ പുരുഷനെ (𝐌𝐚𝐧) വേണ്ട; ഏകദൈവത്തെ മാത്രം മതി. ➟മറ്റുചിലർക്ക് കാന്തനായ പുരുഷനെയും (𝐌𝐚𝐧) ദൈവമാക്കി ബഹുദൈവത്തിൽ വിശ്വസിക്കണം. ➟വേറെ ചിലർക്ക് പുരുഷനെ മിഖായേൽ ദൂതൻ ആക്കണം.❞ ➟എന്നിട്ട് ഒടുവിൽ എന്തുചെയ്യും?

☛ ദൈവാരാധനയും ആചാരപരമായ നമസ്കാരവും രണ്ടാണ്. ➟❛ഷഹാ❜ (𝐒𝐡𝐚𝐡𝐚) എന്ന പദവും ❛പ്രൊസ്കുനിയൊ❜ (𝐏𝐫𝐨𝐬𝐤𝐲𝐧𝐞𝐨) എന്ന പദവും എബ്രായ ബൈബിളിലും ക്രിസ്തുവും അപ്പൊസ്തലന്മാരും ഉപയോഗിച്ചിരുന്ന സെപ്റ്റ്വജിൻ്റ് (𝐋𝐗𝐗) ഗ്രീക്കിലും ഒരേ അർത്ഥത്തിൽ ഉപയോഗിച്ചിരിക്കുന്ന പദങ്ങളാണ്. ➟ഇവ ദൈവത്തെ ആരാധിക്കാനും, ദൂതന്മാരെ നമസ്കരിക്കാനും, മനുഷ്യരെയും രാജാക്കന്മാരെയും ആചാരപരമായി നമസ്കരിക്കാനും അഭിന്നമായി ഉപയോഗിച്ചിട്ടുള്ള പദമാണ്.
❶ ദൈവം: (ഉല്പ, 24:26; ഉല്പ, 24:48; ഉല്പ, 24:52; പുറ, 34:8; 1ശമൂ, 15:31; 2ശമൂ, 12:20).
❷ ദൂതന്മാർ: (ഉല്പ, 19:1).
❸ മനുഷ്യർ: (ഉല്പ,23:7; ഉല്പ, 33:3; ഉല്പ, 33:6; ഉല്പ, 33:7; ഉല്പ, 37:10; ഉല്പ, 42:6; ഉല്പ, 43:26).
❹ രാജാക്കന്മാർ: (1ശമൂ, 24:8; 1ശമൂ, 25:23; 2ശമൂ, 9:6; 2ശമൂ, 14:4; 2ശമൂ, 14:22; 2ശമൂ, 14:33; 2ശമൂ, 16:4; 2ശമൂ, 18:28; 2ശമൂ, 24:20; 1രാജാ, 1:16; 1രാജാ, 1:23; 1രാജാ, 1:31; 1രാജാ, 1:53; 1ദിന, 21:21). ➟𝗟𝗫𝗫-ൽ പ്രധാനമായും ❛𝗽𝗿𝗼𝘀𝗲𝗸𝘆𝗻𝗲𝘀𝗲𝗻❜ എന്ന പ്രഥമപുരുഷ ഏകവചന ക്രിയാപദമാണ് (𝐓𝐡𝐢𝐫𝐝 𝐏𝐞𝐫𝐬𝐨𝐧 𝐒𝐢𝐧𝐠𝐮𝐥𝐚𝐫 𝐕𝐞𝐫𝐛) കാണുന്നത്. ➟അതിൻ്റെ അർത്ഥം: ❛അവൻ ആരാധിച്ചു/നമസ്കരിച്ചു/വണങ്ങി❜ (𝐇𝐞 𝐰𝐨𝐫𝐬𝐡𝐢𝐩𝐩𝐞𝐝/𝐝𝐢𝐝 𝐨𝐛𝐞𝐢𝐬𝐚𝐧𝐜𝐞) എന്നാണ്. 

☛ ഷഹാ, പ്രൊസ്കുനിയൊ:
➦ ബൈബിളിൽ ❛ഷഹാ❜ (𝐒𝐡𝐚𝐡𝐚) അല്ലെങ്കിൽ ❛പ്രൊസ്കുനിയൊ❜ (𝐏𝐫𝐨𝐬𝐤𝐲𝐧𝐞𝐨) എന്ന് എഴുതിയിരിക്കുന്നത് കണ്ട് മാത്രം അത് ദൈവത്തെയാണോ, മനുഷ്യനെയാണോ ഉദ്ദേശിക്കുന്നതെന്ന് പറയാൻ കഴിയില്ല. ➟ആ വാക്ക് ആർക്കാണ് ഉപയോഗിച്ചിരിക്കുന്നത് എന്ന് നോക്കി വേണം ❛ദൈവാരാധന❜ ആണോ, ആചാരപരമായ ❛നമസ്‌കാരം/വന്ദനം❜ ആണോ എന്ന് തീരുമാനിക്കാൻ. ➟സകലത്തിൻ്റെയും സ്രഷ്ടാവും പരമാധികാരിയായ ഏകദൈവത്തെ (𝐌𝐨𝐧𝐨𝐬 𝐓𝐡𝐞𝐨𝐬 ⁃⁃ 𝐓𝐡𝐞 𝐨𝐧𝐥𝐲 𝐨𝐧𝐞 𝐆𝐨𝐝) മാത്രം അവൻ്റെ മഹത്വത്തിനൊത്തവണ്ണം ആരാധിക്കാനും (യെശ, 44:24; 2രാജാ, 19:15; യോഹ, 5:44; 17:3) മനുഷ്യരെ ആചാരപരമായി നമസ്കരിക്കാനും ഒരേ പദമാണ് എബ്രായയിലും ഗ്രീക്കിലും ഇംഗ്ലീഷിലും മലയാളത്തിലും ഉപയോഗിച്ചിരിക്കുന്നത്. ➟❛സന്ദർഭമാണ് ഏറ്റവും പ്രധാനം❜ (𝐂𝐨𝐧𝐭𝐞𝐱𝐭 𝐢𝐬 𝐊𝐢𝐧𝐠) എന്നതാണ് ആധുനിക ഭാഷാശാസ്ത്രത്തിലെ ഏറ്റവും പ്രധാനപ്പെട്ട ഒരു ഭാഷാതത്വം. ➟അതായത്, കേവലം വാക്കുകൾ നോക്കി അർത്ഥം തീരുമാനിക്കാതെ, ആ വാക്ക് എപ്പോൾ, എവിടെ, എന്തിനാണ് ഉപയോഗിച്ചിരിക്കുന്നത് എന്നതിനെ ആശ്രയിച്ചായിരിക്കണം അതിന്റെ അർത്ഥം നിർണ്ണയിക്കാൻ. ➟അല്ലാതെ, ആരാധന/നമസ്കാരം എന്ന് കണ്ടാൽ ഉടനെ അത് ദൈവാരാധനയാണെന്ന് ധരിക്കരുത്.

☛ അഭിഷിക്തരായ രാജാക്കന്മാർ:
➦ ശൗൽ, ദാവീദ്, ശലോമോൻ മുതലായ രാജാക്കന്മാർ ❛𝗽𝗿𝗼𝘀𝗸𝘆𝗻𝗲𝗼❜ (നമസ്കാരം) സ്വീകരിച്ചവരാണ്: (1ശമൂ, 24:8; 2ശമൂ, 2:1; 9:6; 14:4; 14:22; 14:33; 16:4;:18:28; 24:20; 1രാജാ, 1:16; 1:23; 1:31; 1രാജാ, 1:53; 1ദിന, 21:21). ➟ഇവരൊക്കെ പിൽക്കാലത്താണ് രാജാവായി അഭിഷേകം ചെയ്യപ്പെട്ടത്. ➟അപ്പോൾ ❛യെഹൂദന്മാരുടെ രാജാവായി പിറന്ന❜ യേശുവിന് 𝗽𝗿𝗼𝘀𝗸𝘆𝗻𝗲𝗼 സ്വീകരിച്ചുകൂടേ❓(മത്താ, 2:6). ➟പഴയനിയമത്തിലെ അഭിഷിക്തരായ (മശീഹമാർ/ക്രിസ്തുക്കൾ) മനുഷ്യർ ❛നമസ്കാരം❜ (𝐏𝐫𝐨𝐬𝐤𝐲𝐧𝐞𝐨) സ്വീകരിച്ചുവെങ്കിൽ, ദൈവം പരിശുദ്ധാത്മാവിനാലും ശക്തിയാലും നേരിട്ട് അഭിഷേകം ചെയ്ത യേശു എന്ന് പേരുള്ള മനുഷ്യന് നമസ്കാരം സ്വീകരിച്ചുകൂടേ❓ (ലൂക്കൊ, 2:22; പ്രവൃ, 10:38 ⁃⁃ യോഹ, 9:11).  ➟എന്നാലത് ദൈവാരാധനയല്ല; ആചാരപരവും ബഹുമാനപരവും നന്ദിസൂചകവുമായ നമസ്കാരമാണ്.

☛ പ്രൊസ്കുനിയൊ പുതിയനിയമത്തിൽ:
➦ പുതിയനിയമത്തിൽ ദൈവത്തെ ആരാധിക്കുന്നതിനും (മത്താ, 4:10; യോഹ, 4:21-24; 1കൊരി, 14:25; വെളി, 4:10; 7:11), ➟ക്രിസ്തുവിനെ നമസ്കരിക്കുന്നതിനും (മത്താ, 2:2,8,11; 8:2; 9:18; 14:33; 15:25), ➟ക്രിസ്തുവിനെ പടയാളികൾ പരിഹസിച്ച് നമസ്ക്കരിച്ചതിനും (മർക്കൊ, 15:19), ➟ഉപമയിലെ മനുഷ്യനെ നമസ്കരിക്കുന്നതിനും (മത്താ, 18:26), വിഗ്രഹങ്ങളെ നമസ്കരിക്കുന്നതിനും (പ്രവൃ, 7:43), ➟സഭയെ നമസ്കരിക്കുന്നതിനും (വെളി, 3:9), ➟ദുർഭൂതങ്ങളെയും ബിംബങ്ങളെയും (വെളി, 9:20), ➟മഹാസർപ്പത്തെയും (വെളി, 13:4), ➟മൃഗത്തെയും (വെളി, 13:4,8,12; 14:9,11), ➟പ്രതിമയെയും (വെളി, 13:15; 14:9, 11; 16:2) നമസ്കരിക്കുന്നതിനും ❛പ്രോസ്കുനിയൊ❜ (proskyneo) എന്ന പദമാണ് ഉപയോഗിച്ചിരിക്കുന്നത്. ➟പത്രൊസിനെ കൊർന്നേല്യൊസ് നമസ്കരിച്ചതും (പ്രവൃ, 10:25), ➟ദൂതനെ യോഹന്നാൻ നമസ്കരിച്ചതും (വെളി, 22:8) ഈ പദംകൊണ്ടാണ്.

☛ ലാത്രൂവോ:
➦ ദൈവത്തെ ആരാധിക്കാൻ ഉപയോഗിച്ചിരിക്കുന്ന, ❛ലാത്രൂവോ❜ (latreuo) എന്ന ഗ്രീക്കുപദം 𝟮𝟭 പ്രാവശ്യം പുതിയനിയമത്തിൽ ഉപയോഗിച്ചിട്ടുണ്ട്: (മത്താ, 4:10; ലൂക്കൊ, 1:74; 2:37; 4:8; പ്രവൃ, 7:7; 24:14; 26:7; 27:23; റോമ, 1:10; ഫിലി, 3:3; 2തിമൊ, 1:4; എബ്രാ, 8:5; 9:9; 9:14; 10:2; 12:28; 13:10; 7:15; 22:3 ⁃⁃ റോമ, 1:25; പ്രവൃ, 7:42). ➟ഇതിൽ രണ്ട് വാക്യം: കാളക്കുട്ടിയെ ആരാധിച്ച യിസ്രായേൽ ജനത്തെ ആകാശസൈന്യത്തെ ആരാധിപ്പാൻ ദൈവം കൈവിട്ടതിനെ കുറിക്കാനും, ➟അക്ഷയനായ ദൈവത്തിന്റെ തേജസ്സിനെ ക്ഷയമുള്ള മനുഷ്യൻ, പക്ഷിമൃഗാദികൾ എന്നിവയുടെ രൂപസാദശ്യമാക്കി മാറ്റുകയും ദൈവത്തിന്റെ സത്യം അവർ വ്യാജമാക്കി മാറ്റിക്കളഞ്ഞിട്ട് ജാതികൾ സൃഷ്ടിയെ ആരാധിച്ചതിനെ കുറിക്കാനും ഉപപയോഗിച്ചിട്ടുണ്ട്: (പ്രവൃ, 7:42; റോമ, 1:25). ➟ഇതിലെ ആദ്യവാക്യം: ദൈവത്തെ തള്ളിയവരെ, തന്നെ ആരാധിക്കാതെവണ്ണം ദൈവം തള്ളിയതും, ➟അടുത്തത്, ദൈവത്തെ അറിയാത്ത ജാതികൾ, ദൈവമല്ലാവയെ ദൈവമെന്ന് കരുതി ആരാധിച്ചതിനെക്കുറിച്ചുമാണ്. ➟അല്ലാതെ, സ്രഷ്ടാവായ ഏകദൈവത്തോടൊപ്പം ആരാധന സ്വീകരിച്ചതിനെക്കുറിച്ചല്ല. ➟പുതിയനിയമത്തിൽ ദൈവാരാധനയ്ക്ക് ഉപയോഗിക്കുന്ന ഈ പദം ക്രിസ്തുവിന് ഒരിക്കൽപ്പോലും ഉപയോഗിച്ചിട്ടില്ല. ➟കാരണം, ക്രിസ്തു ദൈവത്താൽ അഭിഷേകം പ്രാപിച്ച (പ്രവൃ, 10:38) ദൂതന്മാരെക്കാൾ അല്പമൊരു താഴ്ചവന്ന (എബ്രാ, 2:9) ദേഹവും (1പത്രൊ, 2:24) ദേഹിയും (മത്താ, 26:38) ആത്മാവുമുള്ള (ലൂക്കൊ, 23:46) പാപരഹിതനായ (1യോഹ, 3:5) ഏകമനുഷ്യനാണ്: (റോമ, 5:15). ➨❝ദൈവം അഭിഷേകം ചെയ്ത യേശു എന്ന അവൻ്റെ പരിശുദ്ധ ദാസൻ (𝐏𝐚𝐢𝐬 ⁃ 𝐒𝐞𝐫𝐯𝐚𝐧𝐭)❞ എന്നാണ് ആദിമസഭ യേശുവിനെ വിശേഷിപ്പിച്ചത്: (പ്രവൃ, 4:27 ⁃⁃ പ്രവൃ, 3:13; 3:26; 4:26; 4:30).

☛ ദൈവമായ കർത്താവിനെ ❛മാത്രം❜ നീ ആരാധിക്കണം:
➦ 𝗹𝗮𝘁𝗿𝗲𝘂𝗼 എന്ന പദംകൊണ്ടാണ്, ➨❝നിന്റെ ദൈവമായ കർത്താവിനെ നമസ്കരിച്ചു അവനെ മാത്രമേ ആരാധിക്കാവു❞ എന്ന് ക്രിസ്തു പഠിപ്പിച്ചത്: (മത്താ, 4:10; ലൂക്കൊ, 4:8). ➟ക്രിസ്തുവും അപ്പൊസ്തലന്മാരും ഉപയോഗിച്ചിരുന്ന 𝗟𝗫𝗫-ൻ്റെ ഉദ്ധരണിയാണിത്. ➟രണ്ടിലും ആരാധനയെ കറിക്കാൻ ❛𝗹𝗮𝘁𝗿𝗲𝘂𝘀𝗲𝗶𝘀❜ എന്ന പദമാണ് ഉപയോഗിച്ചിരിക്കുന്നത്. ➟ഇത് ❛𝗹𝗮𝘁𝗿𝗲𝘂𝗼❜ എന്ന ക്രിയയുടെ (𝐕𝐞𝐫𝐛) മധ്യമപുരുഷ ഭാവികാല ഏകവചനരൂപം (𝟐𝐧𝐝 𝐏𝐞𝐫𝐬𝐨𝐧 𝐒𝐢𝐧𝐠𝐮𝐥𝐚𝐫, 𝐅𝐮𝐭𝐮𝐫𝐞 𝐓𝐞𝐧𝐬𝐞) ആണ്. ➟❛നീ ആരാധിക്കണം❜ (𝐘𝐨𝐮 𝐬𝐡𝐚𝐥𝐥 𝐰𝐨𝐫𝐬𝐡𝐢𝐩) എന്നാണ് പദത്തിൻ്റെ അർത്ഥം. ➟പഴയനിയമത്തിൻ്റെ ഈ ഉദ്ധരണി യേശുവിൻ്റെ അധരങ്ങളിലൂടെ പുറത്തുവരുമ്പോൾ, അതിന് വളരെ ശ്രദ്ധേയമായ ഒരു വ്യത്യാസം കാണാം: ➟❛മാത്രം❜ (𝐎𝐧𝐥𝐲) എന്നർത്ഥമുള്ള ❛𝗠𝗼𝗻𝗼𝘀❜ എന്നൊരു പദം അവൻ കൂട്ടിച്ചേർത്തിട്ടുണ്ട്: ➨❝നിന്റെ ദൈവമായ കർത്താവിനെ ❛മാത്രം❜ (𝐌𝐨𝐧𝐨𝐬 ⁃ 𝐎𝐧𝐥𝐲) നീ ആരാധിക്കണം❞ എന്നാണ് ക്രിസ്തു പഠിപ്പിച്ചത്. ➟സ്രഷ്ടാവായ ദൈവത്തെ ആരാധിക്കേണ്ടവർ നാളെ തന്നെയും ആരാധിക്കുമെന്ന് ക്രിസ്തുവിന് അറിയാമായിരുന്നു. ➟അതുകൊണ്ടാണ്, ❝യഹോവയായ ദൈവത്ത മാത്രം നീ ആരാധിക്കണം❞ എന്ന് 𝗠𝗼𝗻𝗼𝘀 ചേർത്ത് ഖണ്ഡിതമായി പഠിപ്പിച്ചത്. ➟ഗ്രീക്കിലെ ❛𝗠𝗼𝗻𝗼𝘀❜ എന്ന പദവും ഇംഗ്ലീഷിലെ ❛𝗼𝗻𝗹𝘆❜ എന്ന പദവും മലയാളത്തിലെ ❛മാത്രം❜ എന്ന പദവും മറ്റാരെയും ഉൾപ്പെടുത്താത്ത (𝐄𝐱𝐜𝐥𝐮𝐬𝐢𝐯𝐞) പദമാണ്. ➟അതായത്, ഒരേയൊരു സ്രഷ്ടാവായ യഹോവയല്ലാതെ, മറ്റാരും ദൈവാരാധന സ്വീകരിക്കാൻ യോഗ്യനല്ലെന്ന് ഖണ്ഡിതമായാണ് യേശു പഠിപ്പിച്ചത്. (യെശ, 44:24).

☛ ഉത്തമ, മധ്യമ, പ്രഥമപുരുഷൻ:
➦ ❝യേശു അവനോടു: സാത്താനേ, എന്നെ വിട്ടുപോ; ❛നിന്റെ ദൈവമായ കർത്താവിനെ നമസ്കരിച്ചു അവനെ മാത്രമേ ആരാധിക്കാവു’ എന്നു എഴുതിയിരിക്കുന്നുവല്ലോ❜ എന്നു പറഞ്ഞു.❞ (മത്താ, 4:10 ⁃⁃ ലൂക്കൊ, 4:8). ➟ഇവിടെ ❛ദൈവമായ കർത്താവിണെ മാത്രം ആരാധിക്കണം❜ എന്ന് ക്രിസ്തു തന്നെക്കുറിച്ചുതന്നെയാണ് പഠിപ്പിച്ചതെന്ന് ചിലർ വിചാരിക്കുന്നത്. ➟ഭാഷയുടെ വ്യാകരണത്തിൽ യാതൊരു ധാരണയും ഇല്ലാഞ്ഞിട്ടാണ് അവർ അങ്ങനെ വിചാരിക്കുന്നത്. ➟യേശു സാത്താനോടാണ് ഇത് പറയുന്നത്. ➟ഇവിടെ യേശു ❛ഉത്തമപുരുഷൻ❜ (𝟏𝐬𝐭 𝐏𝐞𝐫𝐬𝐨𝐧) അഥവാ, സംസാരിക്കുന്ന ആളാണ്. ➟സാത്താൻ മധ്യമപുരുഷൻ (𝟐𝐧𝐝 𝐏𝐞𝐫𝐬𝐨𝐧) അഥവാ, കേൾക്കുന്നവനാണ്. ➟ദൈവമായ കർത്താവ് പ്രഥമപുരുഷൻ (𝟑𝐫𝐝 𝐏𝐞𝐫𝐬𝐨𝐧) അഥവാ, അവിടെ സന്നിഹിതനല്ലാത്തവനാണ്. ➟ഒന്നുകൂടി വ്യക്യമാക്കിയാൽ, യേശു സാത്താനോട് മൂന്നാമനായ ദൈവത്തെക്കുറിച്ചാണ് പറയുന്നത്. ➟തന്നെയുമല്ല, ഇവിടെ ദൈവമായ കർത്താവിനെ കുറിക്കാൻ ഉപയോഗിച്ചിരിക്കുന്ന അവനെ (𝐇𝐢𝐦) എന്നർത്ഥമുള്ള ❛𝗔𝘂𝘁𝗼❜ എന്ന ഗ്രീക്കുപദം 𝟯𝗿𝗱 𝗣𝗲𝗿𝘀𝗼𝗻 𝗦𝗶𝗻𝗴𝘂𝗹𝗮𝗿 𝗣𝗿𝗼𝗻𝗼𝘂𝗻 ആണ്. ➟അതായത്, ആരാധനയ്ക്ക് യോഗ്യൻ യേശു എന്ന ഒന്നാമനോ, സാത്താൻ എന്ന രണ്ടാമനോ അല്ല; ദൈവമായ കർത്താവ് (യഹോവ) എന്ന മൂന്നാമൻ മാത്രം (𝐌𝐨𝐧𝐨𝐬 ⁃ 𝐎𝐧𝐥𝐲) ആണ്.

☛ സ്വർഗ്ഗത്തിൻ്റെയും ഭൂമിയുടെയും ദൈവം:
➦ പിതാവായ യഹോവയല്ലാതെ മറ്റൊരു ദൈവം സ്വർഗ്ഗത്തിലും ഭൂമിയിലും ഇല്ലെന്നാണ് പഴയപുതിയനിയമങ്ങൾ സംശയലേശമെന്യേ പഠിപ്പിക്കുന്നത്: ➨❝മീതെ സ്വർഗ്ഗത്തിലും താഴെ ഭൂമിയിലും യഹോവ തന്നേ ദൈവം, മറ്റൊരുത്തനുമില്ല എന്നു നീ ഇന്നു അറിഞ്ഞു മനസ്സിൽ വെച്ചുകൊൾക.❞ (ആവ, 4:39 ⁃⁃ ആവ, 3:24; യോശു, 2:11; 1രാജാ, 8:23; 2ദിന, 6:14; സങ്കീ, 73:25). ➨❝ആകാശത്തിലോ (𝐇𝐞𝐚𝐯𝐞𝐧) ഭൂമിയിലോ ദേവന്മാർ (𝐠𝐨𝐝𝐬) എന്നു പേരുള്ളവർ (വിളിക്കപ്പെടുന്നവർ) ഉണ്ടെന്നുവരികിലും പിതാവായ ഏക ദൈവമേ നമുക്കുള്ളു; അവൻ സകലത്തിന്നും കാരണഭൂതനും നാം അവന്നായി ജീവിക്കേണ്ടതും ആകുന്നു.❞ (1കൊരി, 8:5-6 ⁃⁃ റോമ, 16:26, എഫെ, 4:6; 1തിമൊ, 1:17; യൂദാ, 1:24). ➟ക്രിസ്തു തൻ്റെ ശുശ്രൂഷയിലൂടെയും മഹാപൂരോഹിത്യ പ്രാർത്ഥനയിലൂടെയും അക്കാര്യമാണ് അസന്ദിഗ്ദ്ധമായി പഠിപ്പിച്ചത്. (മത്താ, 4:10; മത്താ, 24:36; മർക്കൊ, 12:29; യോഹ, 5:44; യോഹ, 17:3).

☛ യേശുവിൻ്റെ പ്രകൃതി:
➦ യേശുവിൻ്റെ പ്രകൃതി (𝐍𝐚𝐭𝐮𝐫𝐞) എന്താണെന്നും ദൈവശ്വാസീയമായ തിരുവെഴുത്തിൽ സത്യംചെയ്ത് പറഞ്ഞിട്ടുണ്ട്: ➨❝യേശുവിന്നു എതിരെ നിന്നിരുന്ന ശതാധിപൻ അവൻ ഇങ്ങനെ പ്രാണനെ വിട്ടതു കണ്ടിട്ടു: ഈ മനുഷ്യൻ ദൈവപുത്രൻ ആയിരുന്നു സത്യം എന്നു പറഞ്ഞു.❞ (മർക്കൊ, 15:39). ➟❛മനുഷ്യൻ❜ (𝐌𝐚𝐧) എന്നത് യേശുവിൻ്റെ ❛പ്രകൃതിയും❜ (𝐍𝐚𝐭𝐮𝐫𝐞) ➟❛പുത്രൻ❜ (𝐒𝐨𝐧) എന്നത് ഏകമനുഷ്യനായ യേശുവിൻ്റെ ❛പദവിയും❜ (𝐓𝐢𝐭𝐥𝐞) ആണ് (റോമ, 5:15). ➨❝ദൈവത്തോടു കേട്ടിട്ടുള്ള സത്യം നിങ്ങളോടു സംസാരിച്ചിരിക്കുന്ന മനുഷ്യനായ എന്നെ നിങ്ങൾ കൊല്ലുവാൻ നോക്കുന്നു❞ എന്നാണ് യേശു പഠിപ്പിച്ചത്. (യോഹ, 8:40 ⁃⁃ മത്താ, 11:19; ലൂക്കൊ, 7:34). ➟ഈ വേദഭാഗം ശ്രദ്ധിച്ചാൽ, ദൈവത്തിൽനിന്ന് മനുഷ്യനായ തന്നെ വ്യക്തമായി വേർതിരിച്ചാണ് ക്രിസ്തു പഠിപ്പിച്ചതെന്ന് കാണാൻ കഴിയും. ➟❛മനുഷ്യൻ❜ (മത്താ, 26:72; 26:74), ➟❛യേശു എന്നു പേരുള്ള മനുഷ്യൻ❜ (യോഹ, 9:11), ➟❛പുരുഷനായ (𝐌𝐚𝐧) നസറായനായ യേശു❜ (പ്രവൃ, 2:23), ➟❛ഏകമനുഷ്യനായ യേശുക്രിസ്തു❜ (റോമ, 5:15), ➟❛മനുഷ്യൻ❜ (1കൊരി, 5:21), ➟❛രണ്ടാം മനുഷ്യൻ❜ (1കൊരി, 15:47), ➟❛ഏകപുരുഷൻ❜ (𝐨𝐧𝐞 𝐌𝐚𝐧) (2കൊരി, 11:2), ➟❛മനുഷ്യനായ ക്രിസ്തുയേശു❜ (1തിമൊ, 2:6) എന്നിങ്ങനെ അപ്പൊസ്തലന്മാർ സാക്ഷ്പ്പെടുത്തുന്നത് നോക്കുക. ➟യേശു മനുഷ്യനാണെന്ന് 𝟱𝟬 പ്രാവശ്യം വചനത്തിൽ പറഞ്ഞിട്ടുണ്ട്.

☛ ക്രിസ്തു ആരാണ്❓
➦ ക്രിസ്തു ആരാണ്; അല്ലെങ്കിൽ അവൻ്റെ അസ്തിത്വം (𝐄𝐱𝐢𝐬𝐭𝐞𝐧𝐜𝐞) എന്താണെന്ന് അറിയാത്തതാണ് പലരുടെയും പ്രശ്നം. ➟ക്രിസ്തു ദൈവത്തിൻ്റെ ജഡത്തിലെ വെളിപ്പാടാണ്: ➨❝ദൈവം ജഡത്തിൽ വെളിപ്പെട്ടു❞ (𝐆𝐨𝐝 𝐰𝐚𝐬 𝐦𝐚𝐧𝐢𝐟𝐞𝐬𝐭 𝐢𝐧 𝐭𝐡𝐞 𝐟𝐥𝐞𝐬𝐡) എന്നാണ് വചനത്തിൽ കാണുന്നത്: (1തിമൊ, 3:16). ➟അതാണ് പൗലൊസിലൂടെ വെളിപ്പെടുത്തപ്പെട്ട ദൈവഭക്തിയുടെ മർമ്മം: (1തിമൊ, 3:16 ⁃⁃ 1Tim. 3:16). ➟𝐓𝐡𝐞 𝐍𝐞𝐰 𝐌𝐞𝐬𝐬𝐢𝐚𝐧𝐢𝐜 𝐕𝐞𝐫𝐬𝐢𝐨𝐧 ബൈബിൾ പരിശോധിച്ചാൽ: ❝𝐆𝐨𝐝-𝐓𝐡𝐞 𝐅𝐚𝐭𝐡𝐞𝐫 𝐰𝐚𝐬 𝐦𝐚𝐧𝐢𝐟𝐞𝐬𝐭 𝐢𝐧 𝐭𝐡𝐞 𝐟𝐥𝐞𝐬𝐡❞ എന്ന് കാണാൻ കഴിയും: [കാണുക: NMV]. ➟അതായത്, ദൈവം അവതാരം (Incarnation) എടുത്തതോ, വേഷംമാറി വന്നതോ അല്ല; ദൈവം തൻ്റെ ജഡത്തിലെ വെളിപ്പാടിനായി (1തിമൊ, 3:16) കന്യകയിൽ പ്രകൃതൃതീതമായി ഉല്പാദിപ്പിച്ച (മത്താ, 1:20; ലൂക്കൊ, 2:21) ദൂതന്മാരെക്കാൾ അല്പമൊരു താഴ്ചവന്ന (എബ്രാ, 2:9) ദേഹവും (1പത്രൊ, 2:24) ദേഹിയും (മത്താ, 26:38) ആത്മാവുമുള്ള (ലൂക്കൊ, 23:46) പാപരഹിതനായ (1യോഹ, 3:5) ഏകമനുഷ്യനാണ് യേശുക്രിസ്തു: (റോമ, 5:15). ➟❝ജഡത്തിൽ വെളിപ്പെട്ടത് ജീവനുള്ള ദൈവമായ പിതാവും; വെളിപ്പാട് പുത്രനുമാണ്.❞ (മത്താ, 16:16 ⁃⁃ യോഹ, 1:18). ➟ഒന്നുകൂടി വ്യക്തമാക്കിയാൽ: ദൈവത്തിൻ്റെ ജഡത്തിലെ വെളിപ്പാടിനായി (1തിമൊ, 3:16), ➟ഏകദൈവമായ യഹോവയുടെയും (ഉല്പ, 3:15⁃⁃എബ്രാ, 2:14-16; ആവ, 18:18⁃⁃പ്രവൃ, 3:22-23) ➟ദൈവപുരുഷനായ മോശെയുടെയും (ആവ, 18:15⁃⁃പ്രവൃ, 7:37) ➟പ്രവാചകന്മാരായ യെശയ്യാവിൻ്റെയും (യെശ, 7:14⁃⁃മത്താ, 1:22-23) ➟മീഖായുടെയും (മീഖാ, 5:2⁃⁃മത്താ, 2:46) പ്രവചനംപോലെ ➟യിസ്രായേലിൽനിന്ന് ഉത്ഭവിച്ചതാണ് (ലൂക്കൊ, 1:35) ➟യേശു എന്നു പേരുള്ള മനുഷ്യൻ: (യോഹ, 9:11⁃⁃യോഹ, 8:40). ➟അതാണ് ദൈവഭക്തിയുടെ മർമ്മവും പിതാവും ക്രിസ്തുവും എന്ന ദൈവമർമ്മവും: [1Tim, 3:16 ⁃⁃ Col, 2:2). ➨[കാണുക: ദൈവഭക്തിയുടെ മർമ്മം; ക്രിസ്തുവിനെ അറിയുക; ക്രിസ്ത്യാനിയാകുക].

☛ നിങ്ങൾ യേശുവിൽ വിശ്വസിക്കുന്നുണ്ടോ❓
➦ യേശുവിൽ വിശ്വസിക്കുന്നവൻ അവൻ്റെ വചനം വിശ്വസിക്കും: ➨❝എന്റെ വചനം കൈക്കൊള്ളാതെ എന്നെ തള്ളിക്കളയുന്നവനെ ന്യായം വിധിക്കുന്നവൻ ഉണ്ടു; ഞാൻ സംസാരിച്ച വചനം തന്നേ ഒടുക്കത്തെ നാളിൽ അവനെ ന്യായം വിധിക്കും.❞ (യോഹ, 12:48) ➟ദൈവമായ കർത്താവ് (യഹോവ) ഒരുവനാണെന്നും (𝐓𝐡𝐞 𝐋𝐨𝐫𝐝 𝐨𝐮𝐫 𝐆𝐨𝐝 𝐢𝐬 𝐨𝐧𝐞) ➟ദൈവം ഒരുത്തൻ ❛മാത്രം❜ (𝐓𝐡𝐞 𝐨𝐧𝐥𝐲 𝐨𝐧𝐞 𝐆𝐨𝐝) ആണെന്നും യേശു 𝗠𝗼𝗻𝗼𝘀 കൊണ്ട് ഖണ്ഡിതമായി പഠിപ്പിക്കയാൽ ദൈവം ത്രിത്വമല്ലെന്നും (മർക്കൊ, 12:29 ⁃ യോഹ, 5:44), ➟പിതാവ് ❛മാത്രം❜ സത്യദൈവം (𝐅𝐚𝐭𝐡𝐞𝐫, 𝐭𝐡𝐞 𝐨𝐧𝐥𝐲 𝐭𝐫𝐮𝐞 𝐆𝐨𝐝) എന്ന് 𝗠𝗼𝗻𝗼𝘀 കൊണ്ട് ഖണ്ഡിതമായി പഠിപ്പിക്കയാൽ താൻ സത്യദൈവം അല്ലെന്നും (യോഹ, 17:3), ➟ദൈവമായ കർത്താവിനെ ❛മാത്രം❜ (𝐨𝐧𝐥𝐲) ആരാധിക്കണം എന്ന് 𝗠𝗼𝗻𝗼𝘀 കൊണ്ട് ഖണ്ഡിതമായി പഠിപ്പിക്കയാൽ താൻ ആരാധനയ്ക്ക് യോഗ്യനല്ലെന്നും (മത്താ, 4:10), ➟പിതാവ് ❛മാത്രം❜ (𝐨𝐧𝐥𝐲) അല്ലാതെ പുത്രനുകൂടി അറിയുന്നില്ല എന്ന് 𝗠𝗼𝗻𝗼𝘀 കൊണ്ട് ഖണ്ഡിതമായി പഠിപ്പിക്കയാൽ താൻ സർവ്വജ്ഞാനി അല്ലെന്നും (മത്താ, 24:36), ➟പിതാവ് തൻ്റെ ദൈവമാണെന്ന് പഠിപ്പിക്കയാൽ താൻ ദൈവമേ അല്ലെന്നും (യോഹ, 20:17), ➟പിതാവ് എന്നെക്കാൾ വലിയവനാണെന്നും (യോഹ, 14:28) ➟പിതാവ് ചെയ്തുകാണുന്നതല്ലാതെ തനിക്ക് സ്വതേ ഒന്നും ചെയ്യാൻ കഴിയില്ലെന്നും (യോഹ, 5:19) ➟താൻ മനുഷ്യനാണെന്നും പഠിപ്പിച്ചിരിക്കയാൽ അവൻ ദൈവമല്ല; മനുഷ്യനാണെന്ന് അസന്ദിഗ്ധമായി മനസ്സിലാക്കാം: (യോഹ, 8:40; മത്താ, 11:19; ലൂക്കൊ, 7:34). ➟യേശുവിനോട് എതിർക്കാതെ, പിതാവല്ലാതെ മറ്റൊരു ദൈവം ഉണ്ടെന്ന് പറയാൻ സ്വർഗ്ഗത്തിലും ഭൂമിയിലും ആർക്കും കഴിയില്ല. ➟ക്രിസ്തുവിൻ്റെ അനുയായികൾ എന്ന് അഭിമാനിക്കുന്നവർ, ദൈവക്രോധം സമ്പാദിക്കാൻ അറിഞ്ഞോ, അറിയാതെയോ ക്രിസ്തുവിനോട് തന്നെയാണ് എതിർക്കുന്നത്: ➨❝പുത്രനിൽ വിശ്വസിക്കുന്നവന്നു നിത്യജീവൻ ഉണ്ടു; പുത്രനെ അനുസരിക്കാത്തവനോ ജീവനെ കാണുകയില്ല; ദൈവക്രോധം അവന്റെമേൽ വസിക്കുന്നതേയുള്ളൂ.❞ (യോഹ, 3:36).

☛ ദൈവം സമനിത്യരും വ്യതിരിക്തരുമായ മൂന്ന് വ്യക്തിക്കളാണെന്ന് കരുതുന്നവരുണ്ട്. ➟അല്ലെങ്കിൽ ദൈവം വ്യത്യസ്തരായ മൂന്ന് വ്യക്തികളുടെ സാരാംശം ആണെന്നാണ് അവർ വിചാരിക്കുന്നത്. ➟എന്നാൽ ദൈവത്തെ കുറിക്കുന്ന സർവ്വനാമങ്ങളെല്ലാം (Pronouns) ഏകവചനമാണെന്ന് (𝐒𝐢𝐧𝐠𝐮𝐥𝐚𝐫) കാണാൻ കഴിയും. ➟ദൈവത്തിൽ വ്യത്യസ്ത വ്യക്തികൾ ഉണ്ടായിരുന്നെങ്കിൽ, ബഹുവചന സർവ്വനാമം (𝐏𝐥𝐮𝐫𝐚𝐥) അല്ലാതെ, ഏകവചനസർവ്വനാമം ഉപയോഗിക്കാൻ വ്യാകരണത്തിൽ വ്യവസ്ഥയില്ല. ➟ഞാൻ, എനിക്ക്, എൻ്റെ, എന്നെ, എന്നോട്  എന്നിങ്ങനെ ഉത്തമപുരുഷ ഏകവചന സർവ്വനാമത്തിലാണ് (𝟏𝐬𝐭 𝐏𝐞𝐫𝐬𝐨𝐧 𝐒𝐢𝐧𝐠𝐮𝐥𝐚𝐫 𝐏𝐫𝐨𝐧𝐨𝐮𝐧) ദൈവം തന്നെത്തന്നെ വിശേഷിപ്പിക്കുന്നത്. ➟നീ, നിനക്ക്, നിൻ്റെ, നിന്നെ, നിന്നോട് എന്നിങ്ങനെ മധ്യമപുരഷ ഏകവചന സർവ്വനാമത്തിലും (𝟐𝐧𝐝 𝐏𝐞𝐫𝐬𝐨𝐧 𝐒𝐢𝐧𝐠𝐮𝐥𝐚𝐫 𝐏𝐫𝐨𝐧𝐨𝐮𝐧), ➟അവൻ, അവന്, അവൻ്റെ, അവനെ, അവനോട്,  എന്നിങ്ങനെ പ്രഥമപുരുഷ ഏകവചന സർവ്വനാമത്തിലുമാണ് (𝟑𝐫𝐝 𝐏𝐞𝐫𝐬𝐨𝐧 𝐒𝐢𝐧𝐠𝐮𝐥𝐚𝐫 𝐏𝐫𝐨𝐧𝐨𝐮𝐧) ഭക്തന്മാർ ദൈവത്തെ വിശേഷിപ്പിക്കുന്നത്. ➟ഈ ഏകവചന സർവ്വനാമങ്ങൾ ഏകദേശം 𝟮𝟬,𝟬𝟬𝟬-ത്തോളം വരും. ➟പിന്നെ ഏകൻ, ഒരുവൻ, ഒരുത്തൻ മാത്രം, ഏകസത്യദൈവം, ഞാനല്ലാതെ മറ്റൊരുത്തനുമില്ല എന്നിങ്ങനെ 𝟭𝟱𝟬-തോളം പ്രാവശ്യം വേറെയും പറഞ്ഞിട്ടുണ്ട്. ➟എല്ലാം ചേർത്താൽ 𝟮𝟬,𝟬𝟬𝟬-ത്തിലധികം പ്രാവശ്യം ദൈവം ഏകൻ അഥവാ, ഒരുത്തൻ മാത്രമെന്ന് വചനത്തിൽ പറഞ്ഞിട്ടുണ്ട്.    

☛ ഞാൻ, എനിക്ക്, എൻ്റെ, എന്നെ, എന്നോട്:
❶ ❝ഭൂമിയിൽ എങ്ങും വിത്തുള്ള സസ്യങ്ങളും വൃക്ഷത്തിന്റെ വിത്തുള്ള ഫലം കായക്കുന്ന സകലവൃക്ഷങ്ങളും ഇതാ, ഞാൻ (𝐈) നിങ്ങൾക്കു തന്നിരിക്കുന്നു; അവ നിങ്ങൾക്കു ആഹാരമായിരിക്കട്ടെ.❞ (ഉല്പ, 1:29)
❷ ❝എനിക്കും (𝐌𝐞) നിനക്കും മദ്ധ്യേ ഞാൻ എന്റെ നിയമം സ്ഥാപിക്കും; നിന്നെ അധികമധികമായി വർദ്ധിപ്പിക്കും എന്നു അരുളിച്ചെയ്തു.❞ (ഉല്പ, 17:2)
❸ ❝അപ്പോൾ യഹോവ: മനുഷ്യനിൽ എന്റെ (𝐌𝐲) ആത്മാവു സദാകാലവും വാദിച്ചുകൊണ്ടിരിക്കയില്ല.❞ (ഉല്പ, 6:3).
❹ ❝യഹോവ ഇപ്രകാരം അരുളിച്ചെയ്യുന്നു: എന്നെ (𝐌𝐞) ആരാധിപ്പാൻ എന്റെ ജനത്തെ വിട്ടയക്ക.❞ (പുറ, 8:20)
❺ ❝അതിന്നു അവൻ അരുളിച്ചെയ്തതു. നീ എന്തു ചെയ്തു? നിന്റെ അനുജന്റെ രക്തത്തിന്റെ ശബ്ദം ഭൂമിയിൽ നിന്നു എന്നോടു (𝐌𝐞) നിലവിളിക്കുന്നു.❞ (ഉല്പ, 4:10)

☛ നീ, നിനക്ക്, നിൻ്റെ, നിന്നെ, നിന്നോട്:
❶ ❝അതിന്നു മനുഷ്യൻ: എന്നോടു കൂടെ ഇരിപ്പാൻ നീ (𝐘𝐨𝐮) തന്നിട്ടുള്ള സ്ത്രീ വൃക്ഷഫലം തന്നു; ഞാൻ തിന്നുകയും ചെയ്തു എന്നു പറഞ്ഞു.❞ (ഉല്പ, 3:12)
❷ ❝ഞാൻ തൂണായി നിർത്തിയ ഈ കല്ലു ദൈവത്തിന്റെ ആലയവും ആകും. നീ എനിക്കു തരുന്ന സകലത്തിലും ഞാൻ നിനക്കു (𝐘𝐨𝐮) ദശാംശം തരും എന്നു പറഞ്ഞു.❞ (ഉല്പ, 28:22).
❸ ❝തോട്ടത്തിൽ നിന്റെ (𝐘𝐨𝐮𝐫) ഒച്ച കേട്ടിട്ടു ഞാൻ നഗ്നനാകകൊണ്ടു ഭയപ്പെട്ടു ഒളിച്ചു എന്നു അവൻ പറഞ്ഞു.❞ (ഉല്പ, 3:10).
❹ ❝തൃക്കൈ നീട്ടി അവന്നുള്ളതൊക്കെയും ഒന്നു തൊടുക; അവൻ നിന്നെ (𝐘𝐨𝐮) മുഖത്തു നോക്കി ത്യജിച്ചുപറയും എന്നു ഉത്തരം പറഞ്ഞു.❞ (ഇയ്യോ, 1:11)
❺ ❝യിസ്രായേൽ മക്കൾ യഹോവയോടു നിലവിളിച്ചു: ഞങ്ങൾ ഞങ്ങളുടെ ദൈവത്തെ ഉപേക്ഷിക്കയും ബാൽ വിഗ്രഹങ്ങളെ സേവിക്കയും ചെയ്തതുകൊണ്ടു നിന്നോടു (𝐘𝐨𝐮) പാപം ചെയ്തിരിക്കുന്നു എന്നു പറഞ്ഞു.❞ (ന്യായാ, 10:10)

☛ അവൻ, അവന്, അവൻ്റെ അവനെ, അവനോട്:
❶ ❝ഇങ്ങനെ അവൻ (𝐇𝐞) മനുഷ്യനെ ഇറക്കിക്കളഞ്ഞു; ജീവന്റെ വൃക്ഷത്തിങ്കലേക്കുള്ള വഴികാപ്പാൻ അവൻ ഏദെൻ തോട്ടത്തിന്നു കിഴക്കു കെരൂബുകളെ തിരിഞ്ഞുകൊണ്ടിരിക്കുന്ന വാളിന്റെ ജ്വാലയുമായി നിർത്തി.❞ (ഉല്പ, 3:24)
❷ ❝ഇതാ, സ്വദാസന്മാരിലും അവന്നു (𝐇𝐢𝐦) വിശ്വാസമില്ല; തന്റെ ദൂതന്മാരിലും അവൻ കുറ്റം ആരോപിക്കുന്നു.❞ (ഇയ്യോ, 4:18)
❸ ❝ദൈവത്തിന്റെ ശ്വാസത്താൽ അവർ നശിക്കുന്നു; അവന്റെ (𝐇𝐢𝐬) കോപത്തിന്റെ ഊത്തിനാൽ മുടിഞ്ഞുപോകുന്നു.❞ (ഇയ്യോ, 4:9).
❹ ❝അവൻ എന്റെ അരികെ കൂടി കടക്കുന്നു; ഞാൻ അവനെ (𝐇𝐢𝐦) കാണുന്നില്ല; അവൻ കടന്നുപോകുന്നു; ഞാൻ അവനെ അറിയുന്നതുമില്ല.❞ (ഇയ്യോ, 9:11)
❺ ❝അവൻ ജ്ഞാനിയും മഹാശക്തനുമാകുന്നു; അവനോടു (𝐇𝐢𝐦) ശഠിച്ചിട്ടു ഹാനിവരാത്തവൻ ആർ?❞ (ഇയ്യോ, 9:4)

☛ ദൈവം മൂന്ന് വാക്യങ്ങളിലായി അഞ്ചുപ്രാവശ്യം ദൂതന്മാരെയും ചേർത്ത് നാം, നമ്മുടെ, നമുക്കു എന്നിങ്ങനെ ബഹുവചനം പറയുന്നതായി കാണാം:

❶ ദൈവം ആദ്യം മൂന്നുപ്രാവശ്യം ബഹുവചനം പറയുന്നത് മനുഷ്യനെ സൃഷ്ടിക്കുന്നതിനോടുള്ള ബന്ധത്തിലാണ്. ➟ദൈവം സൃഷ്ടി നടത്തുമ്പോൾ ദൈവത്തോടൊപ്പം ഉണ്ടായിരുന്നത് ദൂതന്മാരാണ്: ➨❝ഞാൻ ഭൂമിക്കു അടിസ്ഥാനമിട്ടപ്പോൾ നീ എവിടെയായിരുന്നു? നിനക്കു വിവേകമുണ്ടെങ്കിൽ പ്രസ്താവിക്ക. അതിന്റെ അളവു നിയമിച്ചവൻ ആർ? നീ അറിയുന്നുവോ? അല്ല, അതിന്നു അളവുനൂൽ പിടിച്ചവനാർ? പ്രഭാതനക്ഷത്രങ്ങൾ ഒന്നിച്ചു ഘോഷിച്ചുല്ലസിക്കയും ദൈവപുത്രന്മാരെല്ലാം സന്തോഷിച്ചാർക്കുകയും ചെയ്തപ്പോൾ അതിന്റെ അടിസ്ഥാനം ഏതിന്മേൽ ഉറപ്പിച്ചു? അല്ല, അതിന്റെ മൂലക്കല്ലിട്ടവൻ ആർ?❞ (ഇയ്യോ, 38:4-7). ➟ഇവിടെപ്പറയുന്ന ദൈവപുത്രന്മാരായ ദൂതന്മാരെയും ചേർത്താണ്, ➨❝നാം നമ്മുടെ സ്വരൂപത്തിൽ നമ്മുടെ സാദൃശ്യപ്രകാരം മനുഷ്യനെ ഉണ്ടാക്കുക❞ അന്ന് ദൈവം പറഞ്ഞത്: (ഉല്പ, 1:26). ➟തന്നെയുമല്ല, താൻ ഒരുത്തൻ മാത്രമാണ് (Alone) സ്രഷ്ടാവെന്ന് യഹോവയും, ➟തനിക്ക് സൃഷ്ടിയിൽ യാതൊരു പങ്കുമില്ലെന്ന് യേശുവും അസന്ദിഗ്ധമായി പറഞ്ഞിട്ടുണ്ട്: (യെശ, 44:24 ⁃⁃ മത്താ, 19:4; മർക്കൊ, 10:6).

☛ സൃഷ്ടിയിൽ ദൈവത്തിൻ്റെ കൂടെയുണ്ടായിരുന്നത് ദൂതന്മാരാണെന്നതിൻ്റെ തെളിവാണ് അടുത്തവാക്യം. ഉല്പത്തി 1:26-ൽ ആദാമിനെ സൃഷ്ടിയെക്കുന്നതിനെക്കുറിച്ചുള്ള ആലോചനയാണ്. അടുത്തവാക്യത്തിലാണ് സൃഷ്ടിക്കുന്നത്: ➨❝ഇങ്ങനെ ദൈവം തന്റെ സ്വരൂപത്തിൽ മനുഷ്യനെ സൃഷ്ടിച്ചു, ദൈവത്തിന്റെ സ്വരൂപത്തിൽ അവനെ സൃഷ്ടിച്ചു, ആണും പെണ്ണുമായി അവരെ സൃഷ്ടിച്ചു.❞ (ഉല്പ, 1:27). ➟വേദഭാഗം ശ്രദ്ധിക്കുക: ➨❝ദൈവം തന്റെ സ്വരൂപത്തിൽ മനുഷ്യനെ സൃഷ്ടിച്ചു – God created man in His own image.❞ ➟ദൈവം ❛അവന്റെ❜ (𝐇𝐢𝐬) സ്വരൂപത്തിലാണ് മനുഷ്യനെ സൃഷ്ടിച്ചത്. ➟അല്ലാതെ ❛അവരുടെ❜ (𝐓𝐡𝐞𝐢𝐫) സ്വരൂപത്തിലല്ല സൃഷ്ടിച്ചത്. ➟ഉല്പത്തി 1:26-ൽ പറയുന്ന ❛നാം, നമ്മുടെ❜ എന്ന ബഹുവചനം (𝐏𝐥𝐮𝐫𝐚𝐥) ദൈവത്തിൻ്റെ ആയിരുന്നെങ്കിൽ, ഉല്പത്തി 1:27-ൽ സൃഷ്ടി നടത്തുമ്പോൾ അതേ ബഹുവചനം പറയുമായിരുന്നു. ➟അതാണ് ഭാഷയുടെ നിയമം.

❷ സ്രഷ്ടാവായ യഹോവ കെരൂബുകൾക്ക് മദ്ധ്യേയും (1ശമൂ, 4:4; 1ദിന, 13:6; സങ്കീ, 80:1), ➟കെരൂബുകൾക്ക് മീതെയും അധിവസിക്കുന്നവനും (2ശമൂ, 6:2; 2രാജാ, 19;15; യെശ, 37:16), ➟കെരൂബുകളെ വാഹനമാക്കി സഞ്ചരിക്കുന്നവനുമാണ്: (2ശമൂ, 22:11; സങ്കീ, 18:10). ➟മീഖായാവും (1രാജാ, 22:19–2ദിന, 18:18), ➟യെശയ്യാവും (6:1-3), ➟ദാനീയേലും (7:9-10), ➟യോഹന്നാനും (വെളി, 4:6-8) യഹോവയെ കാണുന്നത് കെരൂബുകൾക്ക് മദ്ധ്യേയാണ്. ➟യെഹെസ്ക്കേൽ ദൈവത്തിൻ്റെ സിംഹാസനവും മഹത്വവും കാണുന്നതും കെരൂബുൾക്ക് മീതെയാണ്. (യെഹെ, 10:1, 5, 18,19,20; 11:22). ➟യഹോവ പ്രത്യക്ഷമാകുന്നിടത്തൊക്കെയും ഒരു ദൂതസാന്നിദ്ധ്യം കാണാൻ കഴിയും: (ഉല്പ, 3:22-24; 18:1-19:1; യെശ, 6:1-5), ➟ദൂതൻ മുഖാന്തരം പ്രത്യക്ഷനായതായി പല വേദഭാഗങ്ങളിലും കാണാം: (ഉല്പ, 6:7-14; 21:17,18; 22:1-3; 31:11-13; 32:24:30; പുറ, 3:2-6). ➟ആകയായാൽ ദൈവത്തോടൊപ്പം എപ്പോഴുമുള്ള ദൂതന്മാരോടാണ്, ➨❝വരുവിൻ; നാം ഇറങ്ങിച്ചെന്നു, അവർ തമ്മിൽ ഭാഷതിരിച്ചറിയാതിരിപ്പാൻ അവരുടെ ഭാഷ കലക്കിക്കളക❞ എന്ന് ദൈവം അരുളിച്ചെയ്തതെന്ന് സംശയലേശമെന്യേ മനസ്സിലാക്കാം: (ഉല്പ, 11:7).

❸ ദൂതന്മാരുടെ മദ്ധ്യേയിരിക്കുന്ന ദൈവത്തെയാണ് യെശയ്യാവ് കണ്ട്ത്: ➨❝ഉസ്സീയാരാജാവു മരിച്ച ആണ്ടിൽ കർത്താവു, ഉയർന്നും പൊങ്ങിയുമുള്ള സിംഹാസനത്തിൽ ഇരിക്കുന്നതു ഞാൻ കണ്ടു; അവന്റെ വസ്ത്രത്തിന്റെ വിളുമ്പുകൾ മന്ദിരത്തെ നിറച്ചിരുന്നു. സാറാഫുകൾ അവന്നു ചുറ്റും നിന്നു; ഓരോരുത്തന്നു ആറാറു ചിറകുണ്ടായിരുന്നു; രണ്ടുകൊണ്ടു അവർ മൂഖം മൂടി; രണ്ടുകൊണ്ടു കാൽ മൂടി; രണ്ടുകൊണ്ടു പറന്നു.❞ (യെശ, 6:1-2). ➟അതിനാൽ ➨❝ഞാൻ ആരെ അയക്കേണ്ടു? ആർ നമുക്കു വേണ്ടി പോകും?❞ എന്ന് കർത്താവ് ബഹുവചനത്തിൽ ചോദിക്കുന്നത് തൻ്റെകൂടെയുള്ള ദൂതന്മാരെയും ചേർത്താണെന്ന് സ്ഫടികസ്ഫുടം വ്യക്യമാണ്: (യെശ, 6:8).

☛ ദൈവത്തിൽ ഉണ്ടെന്ന് പലരും ധരിച്ചുവെച്ചിരിക്കുന്ന വ്യക്തികളെ ചേർത്തല്ല; ➟ദൂതന്മാരെ ചേർത്താണ് ദൈവം ബഹുവചനം പറഞ്ഞത് എന്നതിൻ്റെ ഏറ്റവും ശക്തമായ തെളിവാണ് 𝟮𝟬,𝟬𝟬𝟬 ഏകവചന സർവ്വനാമങ്ങൾ. ➟ദൈവത്തിന് ബഹുത്വം ഉണ്ടായിരുന്നെങ്കിൽ, ഇത്രയധികം ഏകവചന സർവ്വനാമം ഉപയോഗിച്ചിരിക്കുന്ന ബൈബിൾ പരസ്പരവിരുദ്ധമാകില്ലേ❓ ➟ബൈബിൾ സ്വർഗ്ഗത്തിൽനിന്ന് നൂലിൽക്കെട്ടി ഇറക്കിയതോ, ദൂതന്മാരെക്കൊണ്ട് എഴുതിച്ചതോ അല്ല. ➟ദൈവം മനുഷ്യർക്കുവേണ്ടി, മനുഷ്യരെക്കൊണ്ട്, മനുഷ്യരുടെ ഭാഷയിൽ എഴുതിച്ചതാണ്. ➟ബൈബിൾ ദൈവശ്വാസീയമാകയാൽ, പൂർവ്വാപരവൈരുദ്ധ്യമായോ, വ്യാകരണവിരുദ്ധമായോ ഒരു വാക്കുപോലും ഉണ്ടാകില്ല; ഉണ്ടാകാൻ പാടില്ല. ➟വചനത്തെയും ഭാഷയെയും അതിക്രമിക്കാതെ, ദൈവത്തിൻ്റെ ബഹുത്വമെന്ന ഉപദേശം ബൈബിളിൻ്റെ ഏഴയലത്തുപോലും കണ്ടെത്താൻ ഒരുത്തനും കഴിയില്ല.

☛ ശൗൽ, പൗലൊസ് എന്നീ പേരുകളെക്കുറിച്ച് വലിയ തെറ്റിദ്ധാരണകളാണുള്ളത്. ➟ശൗൽ പൗലൊസായി മാറിയെന്നും, ദൈവം ശൗലിനെ പൗലൊസ് ആക്കിയെന്നും, മാനസാന്തരപ്പെട്ടപ്പോൾ ദൈവം ശൗലിന് നൽകിയ പേരാണ് പൗലൊസ് എന്നും കരുതുന്നവരുണ്ട്. ➟പല പ്രസംഗങ്ങളിലും തെറ്റായി പഠിപ്പിക്കപ്പെടുന്ന ഒരു കാര്യമാണിത്. ➟അബ്രാമിനെ അബ്രഹാം ആക്കിയതുപോലെയോ, യാക്കോബിനെ യിസ്രായേൽ ആക്കിയതുപോലെയോ, ദൈവം ശൗലിനെ പൗലൊസ് ആക്കിയെന്നാണ് പലരുടെയും ധാരണ. ➟എന്നാൽ പുതിയ നിയമത്തിൽ കർത്താവ് ശിമോന് ❛കേഫാ❜ എന്ന് പേര് നൽകുന്നതുപോലെ ഒരു പേര് മാറ്റം പൗലോസിനോടുള്ള ബന്ധത്തിൽ കാണാൻ കഴിയില്ല. ➟യഥാർത്ഥത്തിൽ ഇതൊരു പേര് മാറ്റമല്ല; അവൻ്റെ രണ്ട് ഭാഷകളിലുള്ള പേരുകളാണ്.

❶ ഭാഷാപരമായ വ്യത്യാസം:
➦ ശൗൽ (Saul) എന്നത് എബ്രായ ഭാഷയിലുള്ള (Hebrew) പേരാണ്. ➟❛ശാവൂൽ❜ (Sha’ul) എന്നാണ് ഇതിന്റെ എബ്രായ ഉച്ചാരണം. ➟പേരിൻ്റെ അർത്ഥം ❛ചോദിച്ചുവാങ്ങിയൻ❜ (Asked for) എന്നാണ്. ➟യിസ്രായേലിന്റെ ആദ്യ രാജാവായ ശൗലിന്റെ അതേ പേരാണിത്. ➟രണ്ടുപേരും ബെന്യാമീൻ ഗോത്രക്കാരാണ്: (1ശമൂ, 9:21; റോമ, 11:1). ➟ശൗൽ രാജാവിന്റെ കാര്യത്തിലും പേരിൻ്റെ അർത്ഥത്തിന് വലിയ പ്രസക്തിയുണ്ട്. ➟യിസ്രായേൽ ജനത തങ്ങൾക്ക് ഒരു രാജാവ് വേണമെന്ന് ദൈവത്തോട് ❛ചോദിച്ചുവാങ്ങിയ❜ വ്യക്തിയായിരുന്നു ശൗൽ. ➟പൗലൊസ് (Paul) എന്നത് റോമൻ/ലാറ്റിൻ (Latin) ഭാഷയിലുള്ള പേരാണ്. ➟❛പൗലസ്❜ (Paulus) എന്ന വാക്കിൽ നിന്നാണ് ഇത് വന്നത്. ➟പേരിൻ്റെ അർത്ഥം ❛ചെറിയവൻ❜ (Small/Little) എന്നാണ്. ➟❛വിനീതൻ❜ (Humble)എന്ന അർത്ഥവും ചില സന്ദർഭങ്ങളിൽ കൽപ്പിക്കാറുണ്ട്.

☛ യേശുവിൻ്റെ കാലത്തെ റോമാ സാമ്രാജ്യം ബഹുസംസ്കാര സമൂഹമായിരുന്നു. ➟അന്ന് റോമൻ പൗരത്വമുള്ള യെഹൂദന്മാർ സാംസ്കാരികവും പ്രായോഗികവുമായ കാരണങ്ങളാൽ എബ്രായനാമവും റോമൻ നാമവും ജനനംമുതലേ സ്വീകരിച്ചിരുന്നത് പതിവായിരുന്നു. ➟ഉദാ: ❝മർക്കൊസ് എന്നു മറുപേരുള്ള യോഹന്നാൻ.❞ (പ്രവൃ, 12:12). ➟യോഹന്നാൻ (Yochanan) എന്നത് അവൻ്റെ എബ്രായ (Hebrew) നാമമാണ്. ➟കുടുംബത്തിനകത്തും യഹൂദ സമൂഹത്തിനിടയിലും ഈ പേരാകും ഉപയോഗിച്ചിരുന്നത്. ➟❛മർക്കൊസ്❜ (Marcus/Mark) എന്നത് അവൻ്റെ ലാറ്റിൻ നാമമാണ്. ➟പുറംലോകവുമായും റോമൻ ഭരണകൂടവുമായും ഇടപഴകുമ്പോൾ ഈ പേരാണ് ഉപയോഗിച്ചിരുന്നത്. ➟അതുപോലെ, ശൗൽ തർസോസിൽ ജനിച്ച യെഹൂദനും റോമപൗരനുമാണ്: (പ്രവൃ, 22:3⁃⁃22:28). ➟അതിനാൽ അവന് യെഹൂദാ പേരായ ❛ശൗലും❜ (Sha’ul) റോമൻ പേരായ പൗലൊസും (Paulus) ജനനം മുതലേ ഉണ്ടായിരുന്നു.

❷ ഉപയോഗത്തിലെ വ്യത്യാസം:
➦ അപ്പൊസ്തല പ്രവൃത്തികൾ പരിശോധിച്ചാൽ ഒരു കാര്യം വ്യക്തമാകും: ➟യഹൂദ പശ്ചാത്തലത്തിൽ അവൻ തന്റെ സ്വജനത്തിന്റെ ഇടയിൽ അറിയപ്പെട്ടിരുന്നത് ❛ശൗൽ❜ എന്ന എബ്രായ പേരിലായിരുന്നു. ➟ജാതികളുടെ (Gentiles) ഇടയിൽ സുവിശേഷം അറിയിക്കാൻ തുടങ്ങിയപ്പോൾ തന്റെ റോമൻ പേരായ ❛പൗലൊസ്❜ എന്ന് ഉപയോഗിക്കാൻ തുടങ്ങി.

❸ സെർഗ്ഗ്യൊസ് പൗലൊസും പൗലൊസും:
➦ ബർന്നബാസിൻ്റെയും ശൌലിൻ്റെയും പ്രഥമ സുവിശേഷ യാത്രയിൽ അവർ ആദ്യം സലമീസിലെ യെഹൂദന്മാരുടെ പള്ളിയിലാണ് ദൈവവചനം അറിയിച്ചത്: (പ്രവൃ, 13:2-5). ➟അനന്തരം പാഫൊസിൽ സെർഗ്ഗ്യൊസ് പൗലൊസ് എന്ന റോമൻ ദേശാധിപതിയോടാണ് സുവിശേഷം അറിയിച്ചത്. ➟ബർന്നബാസും ശൗലും വിജാതീയനായ ദേശാധിപതിയോട് ദൈവവചനം പറയുമ്പോൾ, ബർയേശു എന്നു പേരുള്ള യെഹൂദാ കള്ള പ്രവാചകൻ അവരെ എതിർക്കാൻ ശ്രമിച്ചു: (പ്രവൃ, 13:6-8). ➟അപ്പോഴാണ് പൗലൊസ് എന്ന പേര് ലൂക്കൊസ് ആദ്യമായി പറയുന്നത്: ➤❝അപ്പോൾ പൌലൊസ് എന്നും പേരുള്ള ശൌൽ പരിശുദ്ധാത്മപൂർണ്ണനായി അവനെ ഉറ്റുനോക്കി:❞ (പ്രവൃ, 13:9). ➟ഈ സംഭവം നടക്കുന്നത് അവൻ്റെ മാനസാന്തരത്തിനും ഏകദേശം 13–15 വർഷങ്ങൾക്ക് ഉള്ളിലാണ്. ➟റോമാക്കാരോട് (ജാതികൾ) സുവിശേഷം അറിയിക്കാൻ തുടങ്ങിയ ഈ സംഭവത്തോടെയാണ് ബൈബിൾ അവനെ ❛പൗലൊസ്❜ എന്ന് വിശേഷിപ്പിക്കാൻ തുടങ്ങുന്നത്. ➟തന്മൂലം, മാനസാന്തരത്തോടെയാണ് ശൗൽ പൗലൊസായത് എന്ന് പറയാൻ നിവൃത്തിയില്ല.

☛ ഒന്നാംമിഷണറി യാത്രയുടെ ആരംഭത്തിലാണ് ഈ സംഭവം നടക്കുന്നത്: (പ്രവൃ, 13:7-12). ⁃⁃അതിനുശേഷം പിസിദ്യാദേശത്തിലെ അന്ത്യൊക്ക്യയിൽ യെഹൂദന്മാരുടെ പള്ളിയിൽ ശബ്ബത്തിൽ ശൂശ്രൂഷിച്ചു: (പ്രവൃ, 13:14-43). ➟പിറ്റേ ശബ്ബത്തിൽ യഹൂദന്മാർ അസൂയ നിറഞ്ഞ് ദൈവചനത്തെ തള്ളിയപ്പോഴാണ് അവർ യെഹൂദന്മാരെ തള്ളി ജാതികളിലേക്ക് തിരിഞ്ഞത്: (പ്രവൃ, 13:44;-48). ➟അതായത്, ജാതികളോട് സുവിശേഷം അറിയിക്കുന്നതിന് മുന്നോടിയായിട്ടാണ്, ❛പൗലൊസ്❜ എന്ന റോമൻ നാമത്തിൽ അറിയപ്പെടാൻ തുടങ്ങിയത്. ➟ഒന്നുകൂടി വ്യക്തമാക്കിയാൽ, യെഹൂദന്മാർ അവനെ തള്ളിയപ്പോൾ, അവൻ ❛ചോദിച്ചുവാങ്ങിയൻ❜ എന്നർത്ഥമുള്ള ❛ശൗൽ❜ എന്ന പേരിനു പകരം ❛ചെറിയവൻ❜ എന്നർത്ഥമുള്ള ❛പൗലൊസ്❜ എന്ന പേരിൽ അറിയപ്പെടാൻ തുടങ്ങി. ➟യഥാർത്ഥത്തിൽ ഇതൊരു പേര് മാറ്റമല്ല; പേര് തിരഞ്ഞെടുക്കലാണ്. ➟സന്ദർഭത്തിനനസരിച്ച് തൻ്റെ റോമൻ പേര് തിരഞ്ഞെടുക്കുകയായിരുന്നു.

☛ ❝ദൈവത്തിന്നു ന്യായപ്രമാണമില്ലാത്തവൻ ആകാതെ ക്രിസ്തുവിന്നു ന്യായപ്രമാണമുള്ളവനായിരിക്കെ, ന്യയപ്രമാണമില്ലാത്തവരെ നേടേണ്ടതിന്നു ഞാൻ ന്യായപ്രമാണമില്ലാത്തവർക്കു ന്യായപ്രമാണമില്ലാത്തവനെപ്പോലെ ആയി. ബലഹീനന്മാരെ നേടേണ്ടതിന്നു ഞാൻ ബലഹീനർക്കു ബലഹീനനായി; ഏതുവിധത്തിലും ചിലരെ രക്ഷിക്കേണ്ടതിന്നു ഞാൻ എല്ലാവർക്കും എല്ലാമായിത്തീർന്നു.❞ (1കൊരി, 9:21). ➟ചുരുക്കത്തിൽ, ശൗൽ എന്ന എബ്രായനാമത്തിൽ വിളിക്കപ്പെട്ടിരുന്നവൻ ❛ചെറിയവൻ❜ എന്നർത്ഥമുള്ള പൗലോസ് എന്ന റോമൻ പേരിൽ വിളിക്കപ്പെടാൻ ആഗ്രഹിച്ചത്, ഒരു വ്യക്തിത്വ മാറ്റത്തിൻ്റെ അടയാളമായല്ല; ➟തൻ്റെ വിളിയോടുള്ള വിശ്വസ്തതയുടെ ഭാഗമായി ജാതികളുടെ ഇടയിലേക്ക് ഇറങ്ങിച്ചെല്ലാൻ അവൻ സ്വീകരിച്ച ലാളിത്യത്തിൻ്റെ അടയാളമായാണ്.

☛ ❝തന്നെത്താൻ ഉയർത്തുന്നവൻ എല്ലാം താഴ്ത്തപ്പെടും; തന്നെത്താൻ താഴ്ത്തുന്നവൻ എല്ലാം ഉയർത്തപ്പെടും❞ എന്ന ക്രിസ്തുദർശനമാണ് പൗലൊസ് തൻ്റെ ജീവിതത്തിൽ പിൻപറ്റിയിരുന്നതെന്ന് കാണാൻ കഴിയും: (മത്താ, 23:12 ⁃⁃ മത്താ, 18:4; ലൂക്കൊ, 14:11; 18:4). ➟❛അകാലപ്രജ❜ (1കൊരി, 15:8), ➟❛ഞാൻ അപ്പൊസ്തലന്മാരിൽ ഏറ്റവും ചെറിയവൻ❜ (1കൊരി, 15:8), ➟❛സകല വിശുദ്ധന്മാരിലും ഏറ്റവും ചെറിയവൻ❜ (എഫെ, 3:8), ➟❛ആ പാപികളിൽ ഞാൻ ഒന്നാമൻ❜ (1തിമൊ, 1:15) എന്നീ പ്രയോഗങ്ങൾ അതിന്റെ തെളിവാണ്. ➟ഇതൊക്കെ, പൗലൊസ് എന്ന പേരിനെ അന്വർത്ഥമാക്കുന്നു.