☛ ഹൃദയശുദ്ധിയുള്ളവർ ദൈവത്തെ കാണും: 
➦ ക്രിസ്തു ഏകദൈവമാണെന്ന് വൺനെസ്സും ദൈവത്തിലെ സമനിത്യരായ മൂവരിൽ ഒരു ദൈവമാണെന്ന് ട്രിനിറ്റിയും വിചാരിക്കുന്നു. ➟എന്നാൽ അത് വചനവിരുദ്ധമാണെന്നതിന് അനേകം തെളിവുകളുണ്ട്. ഇവിടെ ഒരു തെളിവുതരാം. ➟യേശുവിൻ്റെ ഗിരിപ്രഭാഷണത്തിലെ (𝐓𝐡𝐞 𝐒𝐞𝐫𝐦𝐨𝐧 𝐨𝐧 𝐭𝐡𝐞 𝐌𝐨𝐮𝐧𝐭) ഒരു വാക്യം ഇപ്രകാരമാണ്. ➤❝ഹൃദയ ശുദ്ധിയുള്ളവർ ഭാഗ്യവാന്മാർ; അവർ ദൈവത്തെ കാണും.❞ (മത്താ, 5:8). ➟ഈ വേദഭാഗം ശ്രദ്ധിയോടെ പഠിച്ചാൽ ചില വസ്തുതകൾ വ്യക്തമാകും: 
❶ വാക്യത്തിൻ്റെ രണ്ടാംഭാഗത്ത്, ➤❝അവർ (ഹൃദയശുദ്ധിയുള്ളവർ) ദൈവത്തെ കാണും❞ (𝐭𝐡𝐞𝐲 𝐬𝐡𝐚𝐥𝐥 𝐬𝐞𝐞 𝐆𝐨𝐝) എന്നാണ് പറയുന്നത്. ➟അത് ഗ്രീക്കിൽ, ➤❝autoi tón theón ópsontai❞ (αὐτοὶ τὸν θεὸν ὄψονται) എന്നാണ്. ➟അതിൽ, ➤❝ഓപ്‌സോന്തെയ്❞ (ópsontai) എന്ന ക്രിയാപദം (𝐯𝐞𝐫𝐛) പ്രഥമപുരുഷനിലും (𝟑𝐫𝐝 𝐏𝐞𝐫𝐬𝐨𝐧) ഭാവികാലത്തിലും (𝐅𝐮𝐭𝐮𝐫𝐞 𝐭𝐞𝐧𝐬𝐞) ഉള്ളതാണ്. ➟അതിൻ്റെയർത്ഥം ➤❝കാണും❞ (𝐬𝐡𝐚𝐥𝐥 𝐬𝐞𝐞) എന്നാണ്. ➟അതായത്, ➤❝അവർ ദൈവത്തെ കാണുന്നു❞ എന്ന് വർത്തമാനകാലത്തിലല്ല (𝐏𝐫𝐞𝐬𝐞𝐧𝐭 𝐭𝐞𝐧𝐬𝐞); ➤❝ദൈവത്തെ കാണും❞ എന്ന് ഭാവികാലത്തിലാണ് പറയുന്നത്. ➟അഥവാ, ഇപ്പോൾ പുരുഷാരം കാണുന്നത് ദൈവത്തെയല്ല; ഹൃദയശുദ്ധിയുള്ളവർ ഭാവിയിൽ കാണാനുള്ളവനാണ് ദൈവം. ➟ക്രിസ്തു ദൈവമാണെങ്കിൽ ആ പ്രയോഗം എങ്ങനെ ശരിയാകും❓
❷ ഉത്തമപുരുഷനായ ക്രിസ്തു (𝟏𝐬𝐭 𝐩𝐞𝐫𝐬𝐨𝐧 ), ➟മദ്ധ്യമപുരുഷനായ പുരുഷാരത്തോട് (𝟐𝐧𝐝 𝐩𝐞𝐫𝐬𝐨𝐧) ➟പ്രഥമപുരുഷനായ ദൈവത്തെക്കുറിച്ചാണ് (𝟑𝐫𝐝 𝐏𝐞𝐫𝐬𝐨𝐧) പറയുന്നത്. ➟അഥവാ, ദൈവത്തെ മൂന്നാമനായാണ് ക്രിസ്തു പഠിപ്പിക്കുന്നത്. ➟താൻതന്നെ ദൈവമാണെങ്കിൽ, ദൈവത്തെ പ്രഥമപുരുഷനിൽ എങ്ങനെ വിശേഷിപ്പിക്കും❓➟വൺനെസ്സിന് ക്രിസ്തു തന്നെയാണ് ഏകദൈവം. ➟ഏകദൈവം ➤❝ദൈവത്തെ കാണും❞ എന്ന് പ്രഥമപുരുഷനിൽ എങ്ങനെ പറയും❓ ➟ട്രിനിറ്റിക്ക് ദൈവം ഒരുത്തനല്ല; പിതാവ്, പുത്രൻ, പരിശുദ്ധാത്മാവ് എന്ന മൂന്നു വ്യക്തിയാണ്. ➟അഥവാ, ട്രിനിറ്റിയുടെ ➤❝ദൈവം❞ എന്ന സംജ്ഞയിൽത്തന്നെ പിതാവ്, പുത്രൻ, പരിശുദ്ധാത്മാവ് എന്ന മൂന്നു വ്യക്തിയും ഓരോരുത്തരും ദൈവവുമാണ്. ➟വൺനെസ്സും ട്രിനിറ്റിയും വിചാരിക്കുന്നപോലെ ദൈവം ത്രിത്വമോ, ക്രിസ്തു ദൈവമോ, ദൈവവും മനുഷ്യനുമെന്ന ഇരുപ്രകൃതിയുള്ളവനോ ആണെങ്കിൽ, ദൈവത്തെ പ്രഥമ പുരുഷനിൽ (മൂന്നാമനായി) വിശേഷിപ്പിക്കാൻ ഭാഷയിൽ വ്യവസ്ഥയില്ല. ➟അത് വ്യാകരണവിരുദ്ധവും ബൈബിൾ അബദ്ധപഞ്ചാംഗവും ആകും. ➟അബദ്ധരഹിതമായ വചനത്തെ അബദ്ധജഡിലമാകുന്ന ഉപദേശമാണ് വൺനെസ്സും ട്രിനിറ്റിയും.
❸ യേശു പുരുഷാരത്തെ കണ്ടപ്പോൾ മലമേൽ കയറി അവരുടെ മുമ്പിൽ ഇരുന്നശേഷം, ➤❝ദൈവത്തെ കാണും❞ (𝐬𝐡𝐚𝐥𝐥 𝐬𝐞𝐞 𝐆𝐨𝐝) എന്ന് ഭാവികാലത്തിലാണ് (𝐅𝐮𝐭𝐮𝐫𝐞 𝐭𝐞𝐧𝐬𝐞) പറയുന്നത്. ➟വൺനെസ്സ് വിചാരിക്കുന്നപോലെ യേശു ഏകദൈവം ആണെങ്കിലോ, ട്രിനിറ്റി കരുതുന്നപോലെ അവൻ ദൈവത്തോടു സമത്വമുള്ള ദൈവം ആണെങ്കിലോ, താൻ പുരുഷാരത്തിൻ്റെ മുമ്പിൽ ഇരുന്നുകൊണ്ട് ➤❝ഹൃദയശുദ്ധിയുള്ളവർ ദൈവമായ എന്നെ കാണുന്നു❞ എന്നല്ലാതെ ➤❝ദൈവത്തെ കാണും❞ എന്ന് ഭാവികാലത്തിൽ പറയുമോ❓ ➟യേശു ദൈവമാണെങ്കിൽ, അവരുടെ മുമ്പിലിരിക്കുന്ന ദൈവത്തെ അവർ കാണുകയല്ലേ❓ ➟പിന്നെങ്ങനെ ദൈവത്തെ കാണും എന്ന് ഭാവികാലത്തിൽ പറയും❓ ➟വായിൽ വഞ്ചനയില്ലാത്ത യേശു ഭോഷ്ക്ക് പറയില്ലെന്ന് മനസ്സിലാക്കുക: (1പത്രൊ, 2:22).
➦ അതായത്, ക്രിസ്തു ദൈവമാണെങ്കിലോ, ദൈവം ത്രിത്വമാണെങ്കിലോ ഹൃദയശുദ്ധിയുള്ള നിങ്ങൾ എന്നെ കണ്ടിരിക്കുന്നു എന്നോ, അല്ലെങ്കിൽ ഞങ്ങളെ മൂന്നുപേരെയും ഒരുമിച്ചു കാണുമെന്നോ (ഭാവിയിൽ) അല്ലാതെ, ദൈവത്തെ കാണും എന്ന് പ്രഥമപുരുഷനിലും ഭാവികാലത്തിലും പറയാൻ വ്യാകരണത്തിൽ വ്യവസ്ഥയില്ല. ➟ദൈവം മനുഷ്യർക്കുവേണ്ടി, മനുഷ്യരെക്കൊണ്ട്, മനുഷ്യരുടെ ഭാഷയിൽ എഴുതിച്ചിരിക്കുന്ന വചനത്തെ കോട്ടിമാട്ടാതെ ഒരു വൺനെസ്സ് ദൈവമോ, ത്രിത്വദൈവമോ വചനത്തിൽ ഉണ്ടെന്ന് പറയാൻ ആർകും കഴിയില്ല. ➟വചനത്തെ കോട്ടിമാട്ടിയിട്ട് ഒടുവിൽ എന്തുചെയ്യും❓ ➟താൻ ദൈവമല്ല; മനുഷ്യനാണെന്ന് പഠിപ്പിച്ച ക്രിസ്തുവിനെപ്പോലും വിശ്വസിക്കാത്തവരും അവൻ ആരാണെന്ന് അറിയാത്തവരുമാണ് അവനെയും അവനെ ഏകദൈവമാക്കുന്നതും ദൈവത്തെ ത്രിത്വമാക്കുന്നതും. ➤[കാണുക: ക്രിസ്തുവിൻ്റെ അസ്തിത്വവും പൂർവ്വാസ്തിത്വവും, ക്രിസ്തുവിനെ അറിയുക; ക്രിസ്ത്യാനിയാകുക, ദൈവപുത്രനായ ക്രിസ്തു ദൈവമാണോ?]